அறுபத்தைந்தாம் கட்டம்

புது இடத்துக்கு போயிட்டேனுங்கோ!

2007-02-17T03:38:00.000-08:00

புது வீட்டுக்கு போன ஜோருல அப்படியே என்னோட ப்ளாக்கையெல்லாமும் புதுசா எனக்குன்னு ஒரு இடம் வாங்கி கொண்டு போய் போட்டுட்டேன்.

புது ப்ளாக் URL - http://chathurangam.jumbledthoughts.com (RSS)

என்னோட ஆங்கில ப்ளாக்கின் புது முகவரி - http://kannan.jumbledthoughts.com (RSS)

இங்க Blogspot-ல் இனிமேல் புது அப்டேட்டுக்கள் எதுவும் இருக்காது. நன்றி.

நன்றி பாஷா இந்தியா!

2006-07-02T04:34:00.000-07:00

நான் இங்க blog பண்ணி இன்னியோட கிட்டத்தட்ட ஆறு மாசமாச்சு! செஸ் டோர்னமெண்ட்லாம் நடந்துண்டுதான் இருக்கு, என்னாலத்தான் அதை ஃபாலோ பண்ணவும் முடியலை, இங்க அதை பத்தி ஒண்ணும் எழுதவும் முடியலை. இதோட திடீர்னு ஒரு வீடு ஒண்ணு வாங்கலாம்னு வேற ஒரு வேண்டாத ஆசை, அதுக்காக அங்கயும் இங்கயும் அலைஞ்சுண்டு இருக்கேன். ஆனா ஒண்ணுங்க, வீட்டை கட்டி பார்க்கறது மட்டும் இல்லை, வீடு வாங்கறதும் ஒரு tedious வேலைதான்.

இதுக்கெல்லாம் நடுவுல ஒரு நாள் Blogger-ல இருந்து ஒரு மெயில். என்னடான்னு பார்த்தா வவ்வால்னு ஒருத்தர் என்னைய congratulate பண்ணியிருந்தாரு. கொஞ்ச நேரத்துக்கு எனக்கு தலையும் புரியலை, காலும் புரியலை. ஏதோ spam-மோன்னு நினைச்சேன் முதல்ல, அப்புறம் "அட வெட்டி, spam போடறவன் எதுக்கு இவ்வளவு பொறுமையா நல்ல தமிழில் வேற அடிச்சு time வேஸ்ட் பண்ண போறான்?"-னு தோண, பொறுமையா அந்த கமெண்ட்டை இன்னொரு தடவை படிச்சேன்.

வாழ்த்துகள்!சிரில் அலெக்ஸ் பதிவில் பார்த்தேன் பாஷா இந்தியாவின் சிறந்த தமிழ் வலைப்பதிவு(sports) என தேர்வு பெற்றதை.மேலும் பல சாதிக்க வாழ்த்துகள்

யாரு சிரில் அலெக்ஸ்? ரொம்ப நாளாச்சா நான் Blogsosphere விட்டு போய், அதுனால எனக்கு டக்குன்னு ஒண்ணும் ஞாபகம் வரலை! அப்புறம் மெதுவா தேன் ஞாபகம் வநதது! அங்க அவர் பாஷா இந்தியாவில் பரிசு பெற்ற தமிழ் வலை பதிவுகள்னு ஒரூ post போட்டுருக்காரு, அதை படிச்ச பிறகுதான் எனக்கு கொஞ்சம் நம்பிக்கை வந்தது - "ஓகே, யாரும் என்கிட்ட விளையாடலை, வவ்வால் நிஜமாவேதான் சொல்லிருக்காரு போலருக்கு"-ன்னு!!

இதுக்கப்புறம்தான் நான் பாஷா இந்தியா சைட்டுக்கு போய் இந்த contest பத்தி தெரிஞ்சிண்டேன். இந்த contest-க்கு யார் என்னைய nominate பண்ணினாங்கன்னு தெரியலை, எப்படி எனக்கு இந்த அவார்ட்டை கொடுத்தாங்கன்னும் தெரியலை!! என்னைய நாமினேட் பண்ணினவருக்கு ரொம்ப தேங்க்ஸ்! சிறிலுக்கும் ஒரு பெரிய தேங்க்ஸ்!

இப்போ ப்ராப்ளம் என்னன்னா, என்னால பாஷா இந்தியாவில் இருக்கும் யாரையும் contact பண்ண முடியலை! இமெயிலுக்கும் பதிலில்லை, Forum-லயும் போஸ்ட் பண்ண முடியலை, இதுனால எப்படி அந்த அவார்டை கலெக்ட் பண்ணிக்கறதுன்னு தெரியலை!! என்னமோ போங்க!

கோரஸ் - 2006

2006-01-22T01:00:00.000-08:00

கோரஸ் டோர்னமெண்ட் கலக்கலா போயிண்டு இருக்கு. படு ஸ்ட்ராங்கா ஆரம்பிச்ச ஆனந்த் தேவையேயில்லாம Kamsky-கிட்ட அஞ்சாவது ரவுண்ட்ல தோத்து போய் இப்போ செகண்ட் பொசிஷனுக்கு போயிட்டார். டோபலோவ் நேத்து சோகலோவை தோக்கடிச்சதுனால முதல் இடத்துல இருக்கார். கர்யாகின் சத்தமே இல்லாம ஆனந்தை எட்டி பிடிச்சுட்டார். காம்ஸ்கியோட ஒப்பனிங் ப்ரிப்பரேஷன் கொஞ்சம் வீக்காத்தான் இருக்கு மத்தவங்களை கம்ப்பேர் பண்ணும்போது! ஆனா மனுஷன் ஒரு காலத்துல ஸ்ட்ராங்கா இருந்தவருன்றது அவரோட ப்ளேல பல நேரம் பளிச்சுன்னு தெரியுது.

க்ரூப் - Bல கார்ல்ஸன் அடி கிளப்பிண்டு இருக்கார். 14 வயசு பையன் மாதிரியா விளையாடிண்டு இருக்கார்? அதுவும், specific-கா, பெலியாவ்ஸ்கிக்கு எதிராவும், நைடிச்சுக்கு எதிராவும் அவரோட ஆட்டங்கள் சான்ஸே இல்லை! சண்டே ஈவினிங் அந்த இரண்டு கேமையும் கொஞ்சம் டீப்பா விளையாடி பார்க்கணும்னு ஒரு ப்ளான் வைச்சிருக்கேன், பார்ப்போம். வீட்ல மிசஸ் என்ன ப்ளான் வைச்சிருக்காங்கன்னு தெரியலை :)

சில பல விஷயங்கள்!

2005-07-29T19:42:00.000-07:00

டார்ட்மண்ட்டை யாருமே எதிர்பார்க்காத Naiditsch ஜெயிச்சுட்டு போயிட்டார். இது ஒரு மாதிரி கொஞ்சம் கேவலமான ரிசல்ட்டுன்னுதான் சொல்லணும்…லீகோ, க்ராம்னிக், டோப்பலோவ்னு ஏகத்துக்கு பெரிய ஆட்கள் இருக்கும் போது, டோர்னமெண்ட் ரேட்டிங் டேபிள்ல கடைசில இருந்த Naiditsch ஜெயிக்கறாருன்னா, I think, டாப் 10ல இருக்கற ஆட்கள் ரொம்ப டாமினேட்டிங்கா இல்லைன்னுதான் சொல்லணும். இதே கேஸ்பரோவ் இருந்திருந்தா இந்த மாதிரி Naiditsch-னால ஜெயிச்சிருக்க முடியுமான்றது சந்தேகம்தான். ஆனந்த் இருந்திருந்தா கூட ரிசல்ட் வேற மாதிரிதான் இருந்திருக்குமோன்னு தோணுது. லீகோ ஃபார்ம்ல இல்லாதது ஒரு ஆச்சரியம்னா, க்ராம்னிக்குக்கு இன்னும் ஃபார்ம் வராதது யாருக்கும் ஆச்சரியமால்லாம் ஒண்ணும் இல்லை. அவர் விளையாடறதை பார்த்தா, அவரோட ப்ரைம் தாண்டிட்ட மாதிரி இருக்கு, which is very hard to believe. Bacrot கடைசி ஆட்டத்துல க்ராம்னிக்கை கூலா outplay பண்ணினதை பார்க்க ரொம்ப நல்லா இருந்தது. Bacrot நிறைய நேரம் அந்த ஒரு 2700 டச்சை காண்பிக்கறார். ஸ்விட்லர் ஒண்ணும் சொல்லிக்கற மாதிரியெல்லாம் ஒண்ணும் விளையாடலை. எதிர்பார்த்த மாதிரி சுடோவ்ஸ்கி டமால் டுமீல்னுதான் விளையாண்டார். மனுஷன் இந்த மாதிரி விளையாடி கிட்டத்தட்ட ஒரு 2700 ரேட்டிங் (கரெக்டா சொல்லணும்னா, 2674) maintain பண்ணறாருன்னா அதிசயம்தான். நீல்சன் இந்த league-ஏ இல்லைன்னுதான் சொல்லணும். மனுஷனோட ப்ரிப்பரேஷன் இந்த மாதிரி elite GM டோர்னமெண்ட்டுக்கு பத்தாதோன்னு எனக்கு அவரோட சில ஆட்டங்களை பார்த்த போது தோணிச்சு.

நார்த் யூரல்ஸ் கப்பை நம்ப ஹம்பி ஜெயிச்சிருக்காங்க. ரொம்ப நல்ல விஷயம். ரொம்ப நாளைக்கு அப்புறம் அவங்க ஜெயிக்கற ஒரு international டோர்னமெண்ட் இது. இதே மாதிரி Accentus டோர்னமெண்ட்ல விஜயலக்ஷ்மியும், ஸ்க்ரிப்சன்கோவும் ஈக்வல் பாயிண்ட்ஸ் எடுத்து முதலாம் இடத்தை பிடிச்சாங்க. ஆனா, டை ப்ரேக்கர்ல ஸ்க்ரிப்சன்கோவுக்கு போயிடுச்சு டைட்டில்! Hard luck, Vijayalakshmi… Skripchenko - Vijayalakshmi கடைசி ஆட்டத்துல நிஜம்மாவே விஜயலக்ஷ்மி கலக்கலா ஆடிருப்பாங்க.

விஜயலக்ஷ்மியோட ஹஸ்பண்ட் நம்ப ஸ்ரீராம் ஜான்ற விஷயம் எனக்கு இப்போதான் தெரியும். ஏன் இப்படி செஸ் ப்ளேயர்களுக்கு உள்ளயே கல்யாணம் பண்ணிக்கறாங்க? ஆர்த்தி – ரமேஷ், Thipsay family, Viji – Sriram jha, இந்த வரிசைல அடுத்து நம்ப ஒரு போட்டியே வைக்கலாம் போல இருக்கு – சசிகிரண் யாரை கல்யாணம் பண்ணிப்பார்?! கரெக்ட்டா யாராவது கெஸ் பண்ணினா அவங்களுக்கு BCO பரிசு!

எங்கங்க நேரம் இருக்கு?!

2005-07-08T00:49:00.000-07:00

ஆபீஸ்ல காலைல வந்து 10.30-க்கு மீட்டிங் அட்டெண்ட் பண்ண ஆரம்பிச்சா சாயந்திரம் ஆறு மணி, இல்லை சில நேரம் நடு இராத்திரி வரைக்கும் மீட்டிங் ரூம்லயே பொழுது ஓடி போயிடுது. என்னமோ கம்பெனி GM ரேஞ்சுக்கு சொல்லுறனேன்னு நினைக்காதிங்க, என் கம்பெனியோட culture அப்படி! இதுலயும், ஒவ்வொரு மீட்டிங்லயும் என்னோட ப்ராஜக்ட் எந்த நிலமைல இருக்கு, அடுத்த வாரம் எங்க இருப்போம், என்ன என்னல்லாம் பிரச்சினையா இருக்குன்னு பேசறதுதான் வேலையே! எல்லா டைமும் இப்படி status update கொடுக்கறதுல என்ன ப்ராப்ளம்னா, அடுத்த ரிப்போர்ட் தரதுக்கு வேற எதுவும் வேலை செய்ய டைம் கிடைக்காம போறதுதான்! சரி, ஒவ்வொரு நாள் ஈவினிங்காவது ஏதாவது பண்ணலாம்னு பார்த்தா, கரெக்ட்டா 6.30 மணிக்கு வருங்கால வீட்டுக்காரிக்கிட்ட இருந்து ஃபோன் வந்துடுது - "எப்ப கிளம்பறே??" ! என்னத்தான் டைம் மேனேஜ்மண்ட் ப்ளான் போட்டாலும், ஒரு நாளைக்கு 24 மணி நேரம்ன்றது பத்தாமத்தான் போயிண்டு இருக்கு! இந்த ப்ளாக்லாம் அப்டேட் பண்ணி ரொம்ப நாளாகுதேன்னு அடிக்கடி தோணினாலும், எழுதறதுக்கு ஏகப்பட்ட விஷயங்கள் இருந்தாலும், கிடைக்கற ஒரு அரை மணி நேரத்தையும் ப்ளாக்குக்கு செலவழிக்கறத விட வேற எதுக்காகவாவது யூஸ் பண்ணலாமேன்னுதான் தோணுது.

இன்னிக்கு (Friday) Dortmund ஆரம்பிக்குது. இதுக்கு லைவ் கேஸ்ட் கிடையாதுன்னுட்டாங்க, அப்பத்தான் நிறைய மக்கள் நேர வந்து பார்ப்பாங்களாம். என்ன லாஜிக்கோ, என்ன எழவோ! லீகோ/க்ராம்னிக்/டோப்பலோவ்/ஆடம்ஸ் விளையாடறாங்க. சுடோவ்ஸ்கி எப்படி விளையாடறார்னு பார்க்கணும். எப்படியாவது நேரம் ஒதுக்கி இந்த டோர்னமெண்ட்டை ஃபாலோ பண்ணனும்!

அமுதசுரபி பத்திரிக்கைல இந்த தடவை என்னோட ஆர்டிகிள் ஒண்ணு வந்திருக்கு. அதோட எடிட்டர் அண்ணா கண்ணன் ஒரு நாள் ஏதாவது செஸ் பத்தி என்னால எழுதி தர முடியுமான்னு கேட்டாரு. இரண்டு நாள்ல தரேன்னு அவர்கிட்ட ஒத்துண்டுட்டனே தவிர என்னால பாதிதான் நான் நினைச்சதுல எழுத முடிஞ்சது. ஆபீஸ் வேலைகளை ரொம்ப under estimate பண்ணினதுனாலே வந்த வினை! கடைசில நான் எழுதின வரைக்கும் அவருக்கு அனுப்பிச்சு வச்சேன்! மனுஷன் அதையும் ஒரு ஆர்டிகிளா மதிச்சு அங்கங்கே கரெக்ட்டும் பண்ணி publish பண்ணியிருக்கார்! ரொம்ப தேங்ஸ், அண்ணா கண்ணன்!

செஸ் சீசன்

2005-06-26T22:32:00.000-07:00

ரொம்ப நாளாச்சு ஒரு போஸ்ட் பண்ணி! செஸ் சீசன் வேற ஆரம்பிச்சுடுச்சு, இனிமே நிறைய டோர்னமெண்ட்கள் நடக்கும், ஜாலிதான்! ஆனா, இதையெல்லாம் செக் பண்ணறதுக்கே வர வர டைம் கிடைக்க மாட்டேங்குது. ஆபீஸில வேற என்னமோ என்னை சூப்பர்மேன் ரேஞ்சுக்கு நினைச்சுக்கிட்டு எல்லா வேலையையும் என் தலைல கட்டறானுங்க, இதுல போன வாரம் என்னோட நிச்சயம் வேற!! வீக் எண்ட் வரதும் தெரியலை, போறதும் தெரியலை, ஒவ்வொரு நாள் நடுவுலயும் இருக்கிற பவுண்டரி அப்படியே blur ஆயிண்டு இருக்கு. ஒரு விஷயம் இன்னிக்கு நடந்ததா, நேத்து நடந்ததான்னே சில நேரம் குழப்பமாயிடுது!

இன்னிக்கு காலைல ஆனந்தோட Rediff-ல chat session படிச்சேன். ஆனந்த் ரொம்ப பொறுமையா பதில் சொல்லிருக்கார். ஒரு சில கேள்விகளை படிக்கவே பயங்கர ஜாலியா இருந்தது...

Bobby : Hi Anand,Why do you prefer staying in Spain. Is it anything to
do with the taxes
deepakverma : What do U like to eat? I cook very well
Sathya : If u get a chance to judge Miss.Universe.. wud u? If yes what wud u ask in the final round

சில கேள்விகளுக்கு ஆனந்தின் பதில்கள் பயங்கர இண்ட்ரெஸ்டிங்!

Anandaram : Anand Kasparov always tried to humiliate you. Why is that
Viswanathan Anand : Its normal to try and psyche your opponents. Thats simply comes with the territory.
Anandaram : Topalov's Chess in recent times indicates that he is vying for No.1 spot in chess. How are you going to face this challenge
Viswanathan Anand : Topalov has been in great form recently and this is always a stimulus for the others including myself. I will work hard starting in mid July both for Mainz and for the World Championship.
Sivaram : Hi Vish! Wats ur most unforgettable game and with whom?
Viswanathan Anand : I remember my win against Ftacnik in 1993 for the beauty, my win against Shirov in game 4 in Teheran for giving me the World title. And my game against Bologan from Dortmund 2003 for winning both the best games and the best novelty of the year.

Marx Gyorgy-ல கடைசி மூணு ரவுண்டில் கோர்சனாய் விட்டதனால், அல்மாசி (Zoltan Almasi) ஜெயிச்சுட்டு போயிட்டார். நம்ப சசிகிரண் கடைசி மூணு ரவுண்டில் 2.5/3.0 எடுத்து ஒரு decent 3rd ப்ளேசுக்கு வந்தது கொஞ்சம் ஆறுதலான விஷயம். நடந்துண்டு இருக்கிற டோர்னமெண்ட்கள்னு பார்த்தா, Hydra vs Adams மேட்சுல ஆடம்ஸ் தர்ம அடி வாங்கிண்டு இருக்கார். அஞ்சு ரவுண்ட் முடிஞ்சிருக்கு, மனுஷன்னால ஒரே ஒரு அரை பாயிண்டுதான் எடுக்க முடிஞ்சிருக்கு! 4.5 - 0.5ன்னு Hydra லீடிங்ல இருக்கு. I think, ஆடம்ஸ் கம்ப்யூட்டருக்குன்னு எதுவும் ப்ரிப்பேர் பண்ணாம வந்து விளையாடறதுனாலதான் இப்படி ஆயிடுத்து...கடைசி ஆட்டத்தையாவது வின் பண்ணனும் ஆடம்ஸ்.

European Individual Championship-ல கர்யாகின்தான் லீடிங்ல இருக்கார். 15 வயசு பையன் மாதிரியா விளையாடறாரு இவர்?! Very impressive!

டோப்ப"ஹை"!!

2005-05-25T22:58:00.000-07:00

MTel masters டோர்னமெண்ட்டை டோப்பலோவ் ஜெயிச்சதை எல்லா வெப் சைட்லயும் பார்த்திருப்பிங்க. இந்த டோர்னமெண்ட் பல கேள்விகளை கிளப்பி விட்டுருக்கு... ஏன் ஒரு டாப் 10 ப்ளேயர்னால முழு டோர்னமெண்ட்டையும் டாமினேட் பண்ண முடியலை? அப்போ, கேஸ்பரோவை தவிர மீதி டாப் - 20 ப்ளேயர்கள் எல்லாரும் கிட்டத்தட்ட ஒரே லெவல்தானா? கேஸ்பரோவுக்கு அடுத்து ஆனந்த்தா, க்ராம்னிக்கா, இல்லை லீகோவான்னு எல்லாரும் யோசிச்சுண்டு இருக்கும்போது, "நானும் இருக்கேன், மறந்துடாதீங்க!"-ன்னு டோப்பலோவ் கலக்கலா விளையாடறாரு... Actual-லா பார்த்தா, இப்போதைக்கு பெஸ்ட் ப்ளேயர்னு பார்த்தா, அது டோப்பலோவாத்தான் இருக்கும். டோப்பலோவோட ப்ளேதான் கொஞ்சமாவது கேஸ்பரோவோடது மாதிரி இருக்கு. ஆனந்த் சுத்தமா ஒரு ambition-னே இல்லாம விளையாடிண்டு இருக்கார், க்ராம்னிக்கோ "I am an artist" அப்படி இப்படின்னு ஏதாவது சொல்லிண்டு 20 மூவ்ல தோத்துண்டு இருக்கார், லீகோவோடது ஓவர் சாலிட் ப்ளே...நிஜமாவே கேஸ்பரோவ் மாதிரி ஒரு டோட்டல் டாமினேட்டிங் personality-யை இனிமே பார்க்கறது ரொம்ப கஷ்டம்தான்! கர்யாகின்தான் ஒரே ஹோப்!

இப்போ FIDE ப்ளான் பண்ணிண்டு இருக்கிற championship மட்டும் ஒழுங்கா நடந்ததுன்னா, யாரு அடுத்து நம்பர் ஒன் அப்படின்னு தெரிஞ்சுடும்! ஆனந்த் இந்த டோர்னமெண்ட்டை வின் பண்ணியே ஆகணும், இல்லைன்னா மத்தவங்கள்லாம் அவரை அப்படியே sideline பண்ணிட்டு போயிண்டே இருப்பாங்க..

செஸ்பேஸ் மேகசின் 105 நேத்து எனக்கு கொரியரில் வந்தது. இந்த தடவை ஆச்சரியமா, செஸ்பேஸ் அந்த மேகசினை ரிலீஸ் பண்ணின மூணாவது நாளே எனக்கு Chess Mate-கிட்ட இருந்து ஒரு மெயில் -- "We will send you your copy of CB magazine 106 today evening. You should be receiving it tommorow evening, at the most"-ன்னு! சொன்ன மாதிரியே கைக்கும் வந்தாச்சு, ஆனா இன்னும் நான் அந்த CD-யை போட்டு பார்க்கலை...ஒவ்வொரு நாளும் hectic-கா போயிண்டு இருக்கு, எப்போடா வீட்டுக்கு போவோம், தூங்குவோம்னுதான் இருக்கு, போற போக்கை பார்த்தா வீட்டுக்கு தூங்கறதுக்கும் பல்லு தேய்க்கறதுக்கும் மட்டும்தான் போவேன்னு நினைக்கிறேன்...At least, இந்த வார சனி, இல்லை ஞாயிறிலாவது இந்த் CD-யை பார்த்தே ஆகணும்.

MTel masters & Dasha Tarasova

2005-05-17T00:48:00.000-07:00

MTel மாஸ்டர்ஸ்ல ஆனந்த் திரும்பி ஃபார்முக்கு வந்துடுவார்ன்னு நினைச்சேன், ஆனா, மனுஷன்னால ஒரு கன்வின்சிங் வின் இன்னும் கொடுக்க முடியலை. ஆனந்த்னாலே எல்லாரும் கொஞ்சம் ஜாக்கிரதையா விளையாடறதுதான் காரணமோ என்னமோ!

ஆனந்த் எப்பவும் ஆடம்ஸ்கிட்ட இருந்து ஒரு முழு பாயிண்ட்டை உருவிடுவார், ஆனா இந்த தடவை ஆடம்ஸ் நல்ல ஃபார்ம்ல இருக்கறனால அதுவும் இல்லாம போச்சு! க்ராம்னிக்கும் ஒண்ணும் சூப்பர் ஃபார்ம்ல இல்லை, ஆனா அவரோட technical skills நிஜம்மாவே ரொம்ப இம்ப்ரெஸிவ்! நேத்து போல்கரை ஒரு pawn up-பா இருந்து அவர் தோக்கடிச்சதை பார்த்தபோது, நான் ஒரு மாதிரி பயங்கரமா மோட்டிவேட் ஆகி ஒரு endgame புக்கை எடுத்துண்டு உட்கார்ந்தேன்னா பாருங்க! வழக்கம் போல ஒரு 3 பக்கத்துல அந்த initial enthusiasm ebb out ஆயிடுத்து, அது வேற விஷயம்.

கேஸ்பரோவோட பேட்டிகள் பத்தி முன்னாடியே ஒரு பதிவுல சொல்லிருந்தேன், லேட்டஸ்ட்டா இன்னும் ஒண்ணு வந்திருக்கு. அவரோட பாலிடிக்ஸ் இண்ட்ரெஸ்ட்ஸ் பத்தி நிறைய சொல்லிருக்கார். இதுல ஒரு இண்ட்ரெஸ்டிங் விஷயம் என்னன்னா, Dasha Tarasova-ன்னு ஒரு லேடியை அவரோட "would-be wife"ன்னு போட்டிருக்கறதுதான்! யாரு இவங்கன்னு ஒரு கூகிள் search பண்ணி பார்த்தேன், ஒண்ணும் கிடைக்கலை. இவங்களை கேஸ்பரோவ் கல்யாணம் பண்ணிக்கப் போறாருன்னா, ஜூலியா என்ன ஆனாங்க?

I know, it is none of my business, ஆனாலும் இந்த மாதிரி general knowledge (?!) விஷயமெல்லாம் தெரிஞ்சுக்கலைன்னா தலை வெடிச்சிடும்.

Dasha பத்தி தேடும்போது எனக்கு இன்னொரு interesting link கிடைச்சது:

Why Kramnik Can't Get No Respect as World Chess Champion

Sam Sloan எழுதின ஆர்டிகிள், So, ரொம்ப serious-சா எல்லாம் எடுத்துக்க முடியாது.

Capablanca memorial ஒரு farce மாதிரி ஆயிண்டு இருக்கு. இவான்சுக் என்னமோ சின்ன பசங்களோட ப்ராக்டிஸ் மேட்ச் விளையாடற மாதிரி பாயிண்ட் மேல பாயிண்ட்டா எடுத்துண்டு போயிண்டிருக்கார், மனுஷன் இப்போ 8 ரவுண்டுக்கு அப்புறம் 6.5 பாயிண்ட்ஸ்ல இருக்கார். நல்ல பெர்ஃபார்மன்ஸ்! Good to see Ivanchuk in such a commanding position.

யார் Super-GM ?

2005-05-10T01:07:00.000-07:00

ஒரு காலத்துல Grand Master (GM) ஆகறதே பெரிய விஷயம். GMலாம்தான் final authority மாதிரி! ஆனா இப்போ இருக்கிற நிலைமையில் வெறும் (!?) GMன்ற டைட்டிலுக்கு top tournament circuit-ல அவ்வளவு மதிப்பில்லைன்னுதான் சொல்லணும். Of course, Tsheshkovsky/Torre/Nunn/Christiansen மாதிரி ஆட்களெல்லாம், இப்போ நார்மல் ரேட்டிங்ல (< 2600) இருந்தாலும் ஒரு காலத்துல கலக்கினவங்க. இப்போ 2300, 2400 ரேட்டிங்ல எல்லாம் GMs இருக்கிறதுதான் கொடுமை. இதுனாலதான், 2650க்கு மேலே இருக்கிறவங்களை Super GMன்னும், அதுக்கு மேலே, 2700+ எல்லாரையும் elite-GMன்னும் சொல்ல ஆரம்பிச்சாங்க. இதுலயும், கேஸ்பரோவை எதுலயும் சேர்க்கவே முடியாது, அவரோட 2800+ ரேட்டிங் அப்படி! அவரை தனியா ஒரு லெவல்லதான் வைக்கணும்.

இந்த Super-GMக்கும், elite-GMக்கும் பார்த்தீங்கன்னா அவ்வளவு ஒண்ணும் வித்தியாசம் இல்லாத மாதிரி இருக்கும், ஆனா, 2700+ கிட்ட ஒரு consistency எதிர்பார்க்கலாம். அதே மாதிரி, நார்மல் ரேட்டட் ப்ளேயர்களுக்கு எதிரா அவங்களோட ப்ளே extraordinary-யா இருக்கும்! உதாரணத்துக்கு, இந்த Ivanchuk - Jobava ஆட்டம்!

Ivanchuk,V (2739) - Jobava,B (2637) [A45]
Capablanca Mem Elite Havana CUB (2), 07.05.2005

1.d4 Nf6 2.Bg5 Ne4 3.Bf4 d5 4.e3 c5 5.Bd3 Nc6 6.Bxe4 dxe4 7.d5 Nb4 8.Nc3 e6 9.d6 Nc6 10.Nge2 f5 11.Nb5 Kf7 12.Nc7 Rb8 13.g4 fxg4 14.Ng3 Nb4 15.a3 Nd5 16.Nxe4 Nxf4 17.exf4 Kg8 18.Qxg4 h5 19.Qg3 b5 20.Rg1 Rh6 21.0-0-0 Kh8 22.Nxc5 b4 23.axb4 Rxb4 24.d7 Rc4 25.N5xe6 1-0

இத்தனைக்கும் Jobava கிட்டத்தட்ட 2650 ப்ளேயர்! Jobava-வுக்கு Trompowsky அவ்வளவு பழக்கம் இல்லைன்னு நினைக்கிறேன், நம்ப சகலகலா வல்லவன் இவான்சுக்கோ எல்லா ஓப்பனிங்லயும் கிங், அடி நிமித்திருப்பார் இந்த ஆட்டத்துல!

செஸ் பைத்தியம்?!

2005-04-28T21:58:00.000-07:00

செஸ் பாலிடிக்ஸை கொஞ்ச நாள் பாலோ பண்ணினா, பைத்தியம் பிடிக்கிறது உறுதி (அதுவும் FIDE announcements-லாம் ஒண்ணு விடாம படிச்சா அவ்வளவுதான்!!). ஒவ்வொரு தடவையும் FIDE ஏதாவது ஒரு டோர்னமெண்ட் பத்தி அனெளன்ஸ் பண்ணுவதும், அதுல லிஸ்ட் பண்ணிருக்கிற ப்ளேயர்கள் "எனக்கும் இதுக்கும் சம்பந்தமே இல்லை, என்னைய கேட்காம நான் இதுல விளையாடப்போறேன்னு போட்டுட்டாங்க"-னு சொல்லுறதும் எப்பவும் நடக்கறதுதான். கொஞ்ச நாளைக்கு முன்னாடி FIDE நடத்த போறதா சொன்ன ஒரு டோர்னமெண்டுக்கு வழக்கம் போல க்ராம்னிக் "நான் இதுல எல்லாம் விளையாட மாட்டேன்"-னு சொல்லிருக்காரு. ஆனா, at least மனுஷன் "நான் இதுல விளையாடலை. ஆனா, இதுல வின் பண்ணறவங்களோட நான் விளையாடறேன். அதுல வின் பண்ணறவங்க unified champion-னா இருக்கட்டும்"-னு சொல்றார். FIDE இதுக்கு ஒத்துக்குமான்னு தெரியலை. முதல்ல, இது எவ்வளவு தூரம் credible-லா இருக்கும்னு தெரியலை. Suppose, Kasimdzhanov மாதிரி ஒரு second tier super GM ஜெயிச்சுட்டா, க்ராம்னிக் அவரோட விளையாடறது ரெடியா இருப்பாரான்னு தெரியலை. Of course, பைசா ப்ராப்ளமும் இருக்கு. க்ராம்னிக்கும் ஒரு நார்மல் GM-மும் விளையாடற மேட்சுக்கு யாரு மில்லியன் கணக்குல பைசா தருவாங்க? பைசா இல்லைன்னா நிச்சயம் க்ராம்னிக் விளையாட மாட்டார். முன்னொரு காலத்தில் (1998?) கேஸ்பரோவ் - ஷிரோவ் இதுனாலத்தான் கேன்சல் ஆச்சு. இத்தனைக்கும் ஷிரோவ் அப்போ 2700+ னு நினைக்கிறேன்.

I think, இது more of an ego game. யாருக்கும் unified championship-ன்றதுல இண்ட்ரெஸ்ட் இருக்கிற மாதிரி தெரியலை. கேஸ்பரோவ் இன்னிக்கு வரைக்கும் க்ராம்னிக் எப்படி அவரோட re-match விளையாடாம எஸ்கேப் ஆனாருன்னு பார்க்கறவங்ககிட்ட எல்லாம் புலம்பிண்டுத்தான் இருக்கார். க்ராம்னிக் பதிலுக்கு "நான் உத்தமன், Prague agreement-ல நான் எந்தெந்த clause-களுக்கு sign பண்ணினேனோ, அதுபடித்தான் இன்னிக்கு வரைக்கும் நடந்துண்டு இருக்கேன்'-னு சொல்லிண்டிருக்கார். செஸ் டாப்ல ஆனந்த், ஆடம்ஸ், டோப்பலோவ் மாதிரி ஒரு சிலரை தவிர மீதி எல்லாரும் "அவன் மேலத்தான் தப்பு", "இல்லை, இல்லை, இவன் மேலத்தான் தப்பு"-னு அடிச்சிக்கிறதுலயே குறியா இருக்காங்க. இந்த மாதிரியான ஒரு நிலமை நம்ப AICF-லயும் இப்போ இருக்குறதுதான் வருத்தமான விஷயம்.

திடீர்னு செஸ்ல பைசா நிறைய புழங்க ஆரம்பிச்சதுதான் இதுக்கு முக்கிய காரணம்னு நினைக்கிறேன்.

Sigemen செஸ் டோர்னமெண்ட் & more

2005-04-23T23:05:00.000-07:00

சசிகிரண் ரொம்ப நாளைக்கு அப்புறம் கொஞ்சம் நல்ல form-ல இருக்கார். Sigemen-ல அவரும் டிம்மனும் முதல் பொசிஷன்ல இருக்காங்க. அதுவும் ஏழாவது ரவுண்டில் நகமுராவ் - சசிகிரண் ஆட்டம் பயங்கர இண்ட்ரெஸ்டிங். நகமுரா சசிகிரணுக்கு எதிரா என்னமோ என்னை மாதிரி ஒரு patzer-கிட்ட விளையாடற மாதிரி 1) e4 e5 2) Qh5?! விளையாடினாரு. என்னத்தான் shock value-னு எடுத்துண்டாலும், இது கொஞ்சம் ஓவர்தான். அந்த ஆட்டம் சசிகிரண்தான் வின் பண்ணினார். இந்த மாதிரி சர்ப்ரைஸ்லாம் மொரோசெவிச்சுக்குத்தான் கை வந்த கலை. திடீர்னு ஒரு albin counter gambit விளையாடி முன்னாடி இருக்கிறவரை confuse பண்ணிடுவார் (infact, நிறைய தடவை பண்ணிருக்கார்!). நம்ப ஆனந்த் கூட 1995 PCA செஸ் சேம்பியன்ஷிப்பின் போது, கேஸ்ப்பரோவ்க்கு எதிரா Scandinavian விளையாண்டார். அந்த ஆட்டம் கேஸ்பரோவ்தான் வின் பண்ணினார்னு நினைக்கிறேன்.

நேத்து எட்டாவது ரவுண்டில், சசிகிரணுக்கு இன்னுமொரு முழு பாயிண்ட். இந்த தடவை Hillarp-persson-னுக்கு எதிரா. இதுல முக்கியமா சில மூவ்கள் (23) Ne6, 30) Rxe5, 40) Rg8) tactically very sound. இன்னிக்கு டிம்மனோட ஆடணும். இதுல யார் வின் பண்ணறாங்களோ, டைட்டில் அவங்களுக்குத்தான். டிம்மனும் திரும்பி form-க்கு வந்துட்ட மாதிரி இருக்கு. So, இன்னிக்கு ஆட்டம் சரியான tough fight-டா இருக்கும்னு நினைக்கிறேன்.

இப்போத்தான் போன போஸ்ட்டோட டேட்டை பார்த்தேன். கரெக்ட்டா ஒரு மாசம்! இந்த ஒரு மாசத்துல ஏகப்பட்ட விஷயங்கள் நடந்துருக்கு, செஸ்ல. செஸ்பேஸ்ல பார்த்திருப்பிங்க, கேஸ்பரோவை எவனோ ஒருத்தன் அடிச்சது, பிஷர் Iceland-க்கு போனது, Amber tournament-டை ஆனந்த் வின் பண்ணினது, Teimour Radjabov Dos Hermanes வின் பண்ணினது, முக்கியமா கேஸ்பரோவோட பேட்டிகள் (1 & 2). விக்டர் கோர்சனாயோட "My life for chess" சி.டிக்களும் பயங்கர இண்ட்ரெஸ்டிங்கா தெரியுது, செஸ்மேட்கிட்ட விசாரிக்கணும். வந்திருந்தா இதை நிச்சயம் வாங்கலாம்.

பெங்களூரில் செஸ்

2005-03-23T23:50:00.000-08:00

ஆனந்த் பயங்கர form-ல இருக்கார், Amber டோர்னமெண்ட் ஒண்ணும் லினாரஸ் மாதிரி ஸ்ட்ராங் டோர்னமெண்ட் இல்லைன்னாலும், விளையாடற மத்த ப்ளேயர்களை பார்க்கும் போது ஆனந்தோட performance is really appreciable. மனுஷன் 3197 performance rating-ல இருக்கார். க்ராம்னிக்கை blindfold ஆட்டத்துல தோக்கடிச்சது கொஞ்சம் பெரிய விஷயம்தான்...GM-லாம் என்னைய மாதிரி விளையாடி queen-னை விடறது, ரூக்கை விடறதுன்னு, பார்க்கவே காமெடியா இருக்கு. இதை விட காமெடி, இதை எல்லாரும் ரொம்ப சீரியஸா எடுத்துண்டு கம்ப்ளெயின் பண்ணறது! எப்போ பார்த்தாலும் GM-லாம் பயங்கர ப்ரில்லியண்ட்டாவே விளையாடிண்டு இருந்தா, பார்க்கற நமக்கும் போர் அடிச்சுடும்.

நேத்து ஹிந்துல ஒரு நியூஸ் பார்த்தேன், பெங்களூர்ல மூணு செஸ் டோர்னமெண்ட் நடக்க போறதுன்னு...குட் நியூஸ்! ஹரி, சசியை போய் நேர்ல பார்க்கலாம், சான்ஸ் கிடைச்சா ஒரு ஆட்டம் அவங்களோட விளையாடி அவங்களை தோக்கடிக்கறதா ப்ளான் ;)

World Chess Beauty (!?) contest பத்தி நீங்க கேள்விப்படலைன்னா இந்த http://www.1wcbc.com/ வெப் சைட் போய் பாருங்க...கேவலமான ஐடியா! இதுக்கு நடுவரா இருக்க் Nigel Short எப்படி ஒத்துண்டாருன்னு தெரியலை. இந்த சைட்டை யாராவது DoS அட்டாக் பண்ண ரெடியா இருந்தீங்கன்னா சொல்லுங்க, நானும் ஹெல்ப் பண்ணறேன்!

கேஸ்பரோவ் :(

2005-03-10T23:33:00.000-08:00

கேஸ்பரோவ் லினாரஸை டை ப்ரேக்கில் வின் பண்ணியிருக்கார். கடைசி ஆட்டத்துல டோப்பலோவ்க்கு எதிரா, கொஞ்சம் கணக்கு தப்பாகி போய் ஒரு மோசமான end game-க்கு போயிட்டார். டோப்பலோவ் எதுவும் தப்பு பண்ணாம க்ளீனா முழு பாயிண்ட்டை அள்ளிட்டார். ஒரு தப்பும் இல்லாமன்னு சொல்ல் முடியாது, டோப்பலோவோட h4? மூவ்வுக்கு அப்புறம் கேஸ்பரோவ் ஆட்டத்தை ட்ரா பண்ணிருந்திருக்கலாம், ஆனா அவர் பங்குக்கு அவரும் g6?? விளையாடி தோத்துப்போனார்! டை ப்ரேக்கை கேஸ்பரோவ் வர விட்டதே ஒரு ஆச்சரியமான விஷயம், அதை விட ஆச்சரியம் அவர் ரிடையர் ஆகப்போறேன்னு சொன்னது! கேஸ்பரோவ் இல்லாம டாப் - 3யை யோசிச்சே பார்க்க முடியலை. செஸ்ஸுன்னாலே கேஸ்பரோவ்தான் எல்லாருக்கும் தெரியும், அவர் இல்லாம, Chess will be losing a lot! ஒரு வேளை, நேத்து டோப்பலோவ்கிட்ட தோத்த எரிச்சல்ல சொல்லிருக்கலாம், திரும்பி மேஜிக் ஜான்ஸன் பண்ணின மாதிரி ஒரு 100 தடவை ரிடையர் ஆகலாம், என்ன வேணுமனாலும் நடக்கலாம், ஆனா, அவர் நிஜமாவே ஒதுங்கற ஐடியாலதான் இருந்தாருன்னா, ரொம்ப சோகமான விஷயம் இது! என்ன ஒரே சந்தோஷம்னா, ஏதோ நம்பள்லாம் கேஸ்பரோவ் பத்தி புத்தகத்துல படிச்சு தெரிஞ்சுக்காம, நம்பளும் அவர் காலத்துல இருந்தோம், அவர் ஆட்டங்களை லைவ்வா பார்த்தோம்ன்றதுதான்!! ஒரு ஆட்டத்துல இவ்வளவு டாமினேட்டிங்கான ஆளை பார்க்கறது கொஞ்சம் கஷ்டம்தான்! ஒரு பெரிய காலி இடம் இருக்கு டாப்ல, பார்ப்போம் யாரு அதை fill பண்ணறாங்கன்னு.

கேஸ்பரோவ் இல்லாததால், இன்னும் ஒரு இரண்டு ELO லிஸ்ட்ல ஆனந்த் முதல் இடத்துக்கு வந்திடுவார், அது வரைக்கும் டோப்பலோவோ, லீகோவோ அவரை தோக்கடிச்சு கீழே இழுக்காம இருந்தா! அவருக்கு என்ன ஆச்சுன்னே தெரியலை, கடைசி மூணு ஆட்டமும் சுத்தமா form-ல இல்லை...அன்னிக்கு ஏதோ Vallejo கிட்ட தப்பிச்சுட்டார், ஆனா நேத்து ஆடம்ஸ் ஒரு பிடி பிடிச்சுட்டார். தேவையில்லாம தோத்து போனாரு மனுஷன். ஒரு ELO பாயிண்டாவது விடுவார்னு நினைக்கிறேன். ஆனந்தும் ரிடையர்மெண்ட் பத்தி யோசிக்க ஆரம்பிக்க வேண்டியதுதான்னு நினைக்கிறேன் :(

லீகோ எப்படியாவது ஒரு பாயிண்ட் எடுத்துறணும்னு ட்ரை பண்ணினார், ஆனா Vallejo "இதுக்கு மேலே என்னால பாயிண்ட்ஸ் கொடுக்க முடியாது"ன்னு அடம் பிடிச்சு ட்ரா பண்ணிட்டார். ஆக, லீகோ விளையாண்ட 13 ஆட்டமும் ட்ரா! ஒரு புது ரிக்கார்ட்டுன்னு நினைக்கிறேன். Vallejo-வும் Kasim-மும் கடைசி இடத்தை share பண்ணிக்கிறாங்க. ஆடம்ஸ் இந்த கடைசி ஆட்டத்துல வின் பண்ணினது மூலம் ஒரு மாதிரி டீசண்ட் ஸ்கோர்ல இருக்காரு, அவருக்கு மேலேதான் நம்ப லீகோ இருக்கார்.

TWIC report on Round 14
TWIC reports Garry's retirement

The real boss!

2005-03-09T00:57:00.000-08:00

இது வரைக்கும் நடந்த எந்த ரவுண்டுமே இவ்வளவு இண்ட்ரெஸ்டிங்கா இருந்தது இல்லை, ஒரு பக்கம் கேஸ்பரோவ் ஆடம்ஸை 26 மூவில் தோக்கடிக்கறார், இன்னொரு பக்கம் டோப்பலோவ் கஸிம்ஜனோவை அழ விட்டுண்டு இருந்தார், இன்னொரு போர்ட்டில் நம்ப ஆனந்த் தோத்து போற நிலையில், ஒரு ட்ராவுக்காக் ரொம்ப கஷ்டப்பட்டுண்டு இருந்தார்...எந்த ஆட்டத்தை பாலோ பண்ணுறதுன்னே தெரியலை!! Pretty exciting stuff.

சில பல weird things-சும் நடந்தது. ஆடம்ஸ் ஏன் இவ்வளவு ஷார்ப் Najdorf லைன் ஓப்பனிங்ல விளையாண்டாருன்னு தெரியலை. அவர் ஸ்டாண்டர்ட் English attack formation-னுக்கு போன போது, வழக்கம் போல படு solid-டா விளையாடி ஒரு ட்ராத்தான் ஆகப்போகுதுன்னு நினைச்சேன், ஆனா, அவர் g5, h4, h5. g6 விளையாடி வேற ஏதோ ஐடியா வச்சிருக்கற மாதிரி ஒரு build up கொடுத்தார். சரி, மனுஷன் ஏதோ வீட்டில் prepare பண்ணிண்டு வந்திருக்கார்னு பார்த்தா, ரொம்ப நேரம் யோசிச்சி Bg5?! விளையாடினார்...கேஸ்பரோவ்கிட்ட, அதுவும் Najdorf-ல, intuition-னை மட்டும் நம்பி விளையாடறது, கண்ணை மூடிண்டு மவுண்ட் ரோட்டில் நடக்கற மாதிரி. நிச்சயம் சங்குதான்!!

அப்படியே சைடில் ChessFM கமெண்டரியும் கேட்டுண்டு இருந்தேன். நேத்து Larry Christiansen-னும், Jennifer Shahade-ம் அனலைஸ் பண்ணினாங்க. Christiansen analysis வழக்கம் போல படு ப்ரில்லியண்ட். Jennifer analyze பண்ணி இதுதான் முதல் முறையா கேட்கறேன், அவங்க pronounciation reminded me of my Chinese-American colleague :)

கேஸ்பரோவ் எப்போ 12)...Nxb4 விளையாண்டாரோ, அப்போ இருந்தே Christiansen Nxc2 ஐடியாவை அனலைஸ் பண்ண ஆரம்பிச்சுட்டார், கடைசில ஆடம்ஸின் Nb3? மூவிற்கு கேஸ்பரோவ் அதைதான் விளையாண்டாரு, very impressive. அவர் பயங்கர tactical ப்ளேயர்ன்றதுனாலதான் இந்த ஐடியாவை அவ்வளவு சீக்கிரமே candidate moves list-ல சேர்த்துண்டாருன்னு நினைக்கிறேன். அதே மாதிரி, Adams Bh6!? விளையாண்டா என்ன ஆகும்னு ஒரு சூப்பர் லைன் கொடுத்தார், excellent stuff, just heard to be believed!! எனக்கு அவர் பேசி கேட்க கேட்க, அப்படியே உடனே போய் ஏதாவதொரு Chess club-ல சேர்ந்து ஒரு GM கிட்ட்யோ, இல்லை ஒரு IM கிட்டயோ கத்துண்டு பெரிசா ஏதாவது பண்ணனும்னு தோணிச்சு ( இன்னிக்கு காலையில் வழக்கம் போல ஆபீஸ் கவலை மட்டும்தான், மத்தது எல்லாமே "போயே போச்சு"! :) அந்த enthu persistent-டா இருந்தா நல்லா இருக்கும்). Christiansen-னோட புக் "Storming the barricades" full-லா tactics-தான், கிடைச்சா நிச்சயம் படிச்சு பாருங்க. நல்ல புக்.

செஸ்பேஸ் Fredrick Friedel லைவ் வீடியோ பேட்டி ஒண்ணு ட்ரை பண்ணினார். நம்ப ஆனந்த்தோட செகண்ட் உபிலவாதான் (Ubilava) முதல்ல மாட்டினது. உபிலவா கார்ப்போவ்கிட்ட செகண்ட்டா இருந்தவராம், எனக்கு நேத்து அவர் சொல்லித்தான் தெரியும். பயங்கர soft spoken. வீடியோ ரொம்ப மக்கர் பண்ணினதுனால, வெறும் ஆடியோ இண்டெர்வியூ மட்டும் பண்ணிண்டு இருந்தாரு, ப்ரெட்ரிக். அடுத்து மாட்டினது Ljubojevic. பயங்கர டைனமிக் ஆளா தெரிஞ்சார் அவர். திடீர்னு ஸ்பானிஷ், திடீர்னு இங்கிலீஷ்னு பூந்து விளையாடிண்டு இருந்தார். ஜார்ஜியன் வேற பேசுவாராம்! அவரோட அனலிசிஸ் எல்லாம், I felt, were to the point, அப்படியே நச்சுன்னு இருந்தது. No wonder he was at the top in the 80s. அதுக்கப்பறம் ஒரு IM ஒருத்தரோட (IM Poldeuf) ப்ரெட்ரிக் பேசிண்டு இருந்தார். Anand தோத்துட்டார்னு இவர் சொல்லிண்டு இருக்கும்போதே, ஷார்ட் (Nigel Short) Playchess.com-ல "இது நிச்சயம் ட்ரா"-னு சொல்ல ஆரம்பிச்சுட்டார். உடனே ப்ரெட்ரிக் போல்ட்யூப்கிட்ட அதை சொல்ல அவர் அப்படியே ப்ளேட்டை திருப்பிட்டார். Actualla, அந்த பொசிஷன் Vallejo easy-யா வின் பண்ணிருக்கணும், மிஸ் பண்ணிட்டார். ஆனா, ஒரு GM சொன்னவுடனே இவர் அப்படியே மாறினது பார்க்க இண்ட்ரெஸ்டிங்கா இருந்தது. கடைசில, Vallejo-வோட Kb2-க்கு அப்புறம் ஷார்ட் "I am a total patzer. I am an idiot. This is an easy win for Vallejo"-னு சொன்னது வேற விஷயம். இதுல இன்னொரு இண்ட்ரெஸ்டிங் விஷயம், ஷார்ட் ட்ரான்னு சொன்னவுடனே அங்க இருந்த ரஷியன் T.V டீம் ஒடி வந்து "எப்படி, எப்படி??"-னு ஷார்ட்கிட்ட கேட்டாங்க, ஷார்ட் நைசா ஒண்ணும் பதிலே சொல்லாம எஸ்கேப் ஆயிட்டார்.

ஆனந்த், Vallejo-க்கு எதிரா 1.Nf3 ஆரம்பிச்சதே ஒரு பெரிய ஷாக், ஏன்னா அவர் இப்போ வின் பண்ணியே ஆகணும்னு ஒரு கண்டிஷன்ல இருக்கார், இப்ப போய் இவ்வளவு passive-வா ஆரம்பிச்சது பெரிய ஆச்சரியம்தான். மெதுவா, கொஞ்சம் கொஞ்சமா ஒரு அட்வாண்டேஜ் கொண்டு வந்துட்டு, 30) f5? ஒரே மூவில் தோத்துப்போற ஸ்டேஜுக்கு போனது இன்னும் ஆச்சரியம்! என்ன ஐடியால இருக்காரோ, தெரியலை. ஒண்ணும் புரிஞ்சுக்கவே முடியலை. Vallejo என்னடான்னா, கடைசில அல்வா பொசிஷன்ல (எனக்கு இல்லை!! நான் அந்த Vallejo பொசிஷனில் இருந்து தோத்தாலும் தோத்திருப்பேன். நம்ப end game knowledge அவ்வளவு strong!!) Kb1?? விளையாடி ஆனந்துக்கு ஒரு அரை பாயிண்ட் கொடுத்தார். ஆனந்தை தோக்கடிக்கற மாதிரி, இப்படி ஒரு பொசிஷன் அவருக்கு இனிமே எப்ப கிடைக்கும்?! மனுஷன் மிஸ் பண்ணிட்டார். தெரியாம தப்பு பண்ணிட்டாரா, இல்லை, தெரிஞ்சே அவர் ப்ரெண்ட் ஆனந்துக்கு ஒரு அரை பாயிண்ட் விட்டுக்கொடுத்தாரான்றதுதான் நேத்து hot டிஸ்கஷன்!

டோப்பலோவ் - கஸிம்ஜனோவ்ல கஸிம்ஜனோவ் ஒப்பனிங் முடிவுல இருந்தே ஏகப்பட்ட ப்ராப்ளம்லதான் இருந்தார். கஸிம்ஜனோவோட இராணியை பேஸ் பண்ணியே டோபாலோவ் அவர் pieces-சை centralize பண்ணினது excellent play. FIDE சேம்பியன் இப்படி மாறி மாறி உதை வாங்கறதை பார்க்க பாவமாத்தான் இருக்கு.

இன்னிக்கு ஆடம்ஸை தோக்கடிச்சது மூலம், கேஸ்பரோவ் லினாரஸை நிச்சயம் வின் பண்ணறார்னு ஆயிடுச்சு. கேஸ்பரோவ்க்கு வயசாயிடுச்சுன்னு இனிமே எவனும் பேச முடியாது, அதே மாதிரி இப்போதைக்கு பெஸ்ட் ப்ளேயரும் அவர்தான்னு ப்ரூவ் பண்ணிட்டார், சுருக்கமா, he is letting the world know who the real boss is!

TWIC report on Round 12

Puzzle 14

2005-03-08T02:08:00.000-08:00

Puzzle 14 - White to play and win

Puzzle 13 விடை:

1... Qxh3+ 2. Kg1 Qg4

இங்க என்ன threat-னா, 3)...Bxg2 4) Qxg2 Qxg2+ 5) Kxg2 Rxe2+. அதுனால ஒண்ணு இந்த குதிரையை மூவ் பண்ணனும், இல்லை இதுக்கு இன்னும் ஒரு சப்போர்ட் கொண்டு வரணும்.

3. Ng3 [3. Rd2 h4 4. Bd1] 3... h4 4. Nxe4 Rxe4 5. Qf3 Rxf4

Black இன்னும் ஒரு pawn வின் பண்ணிட்டார்.

6. Qxg4 Rxg4 -+

Hot Hot Linares !!

2005-03-06T23:44:00.000-08:00

கேஸ்பரோவ் +2 லீடிங்ல இருக்கார், அவருக்கு அடுத்து இருக்கறது நம்ப ஆனந்த். கேஸ்பரோவ் ஏதோ ஒரு முடிவோடத்தான் விளையாடற மாதிரி இருக்கு, அடி தூள் கிளப்பிண்டு இருக்காரு. இது வரைக்கும் கிட்டத்தட்ட எல்லா ஆட்டத்துலயும் ஒரு நல்ல அட்வான்டேஜ் இருக்கிற பொசிஷன் கொண்டு வந்துட்டார், எப்படித்தான் அவரால இன்னும் ஒப்பனிங்ல இவ்வளவு ஐடியாக்களை அவுத்து விட முடியுதோ தெரியலை!! மனுஷன் முழு form-ல இல்லாத போதே இவ்வளவு forceful-லா விளையாடறாரே, 95 to 99-ல அவர் முழு form-ல இருந்த போது எப்படி இருந்திருப்பாருன்னு நினைச்சே பார்க்க முடியலை. நம்ப படையப்பா படத்துல ஒரு சீன் உண்டு, கடைசில சூப்பர் ஸ்டார் சட்டையெல்லாம் அவுத்துட்டு (!?) ஒரு ஸ்டண்ட் போடுவார், அப்ப அப்பாஸ் "WOW! What a man!?"-னு ஒரு டையலாக் சொல்லுவார். அந்த டையலாக் கேஸ்பரோவுக்கும் நச்சுன்னு suit ஆகும்.

ஆனந்த் என்னமோ தெரியலை, ரிஸ்க் எடுக்க ரொம்ப யோசிக்கிறார். ஆனா, அவரையும் ஒண்ணும் சொல்ல முடியாது, 2786-ல, இன்னும் 14 பாயிண்ட் எடுத்தா 2800 டச் பண்ணிடலாம்னு இருக்கும்போது, யாருக்குமே இருக்கிற ELO-வை தக்க வச்சிக்கணும்னுதான் இருக்கும். ஆனாலும், அவர் Pons Vallejo-வை தோக்கடிக்காம சிம்பிளா ஒரு ட்ரா பண்ணிண்டதை ஒத்துக்கவே முடியலை. நேத்து கஸிம்ஜனோவை தோக்கடிச்சது கொஞ்சம் ஆறுதல். அன்னிக்கு கேஸ்பரோவோட ரொம்ப நல்லா விளையாண்டார், 1995க்கு பிறகு கேஸ்பரோவை ஒரு க்ளாசிக்கல் டைம் கண்ட்ரோலில் தோக்கடிக்க போறார் ஆன்ந்த்துன்னு நினைச்சிண்டு இருக்கும்போதே, கேஸ்பரோவ் ரொம்ப கரெக்ட்டா defend பண்ணி தப்பிச்சுட்டார். ரவுண்ட் 13-ல இவங்க திரும்பி விளையாடணும், என்ன ஆகுதுன்னு பார்ப்போம்.

லீகோ ஒண்ணும் சொல்லிக்கற மாதிரி form-ல இல்லை, ஒரு இரண்டு மூணு தடவை வழக்கம் போல பயங்கரமா defend பண்ணினார். ஒரு ஆட்டம் கூட இன்னும் வின் பண்ணலை, ஆனாலும் வாய் இன்னும் அப்படியேத்தான் இருக்கு :) "ஆனந்த் என்னோட விளையாடும்போது Petroff விளையாடி ட்ரா பண்ணத்தான் பார்க்கறாரு, ஏன்னே தெரியலை!"-னு பேட்டி தந்தாரு அன்னிக்கு! டோப்பலோவ் அன்னிக்கு அவரை தோக்கடிச்சிருக்கணும், மிஸ் பண்ணிட்டார்.

ஆனந்த் போட்டோவை பாருங்க கீழே, லேசா நடு மண்டைல முடி குறைய் ஆரம்பிச்சுருக்கு, கூடிய சீக்கிரம் ஒரு ப்ரொபஸர் look வந்துடும்னு நினைக்கிறேன்.

இன்னும் ஒரு மேகசின்??

2005-02-11T20:19:00.000-08:00

TWIC-ல இருந்து TWIC Theory-னு ஒரு மேகசின் ஒண்ணு புதுசா வர ஆரம்பிச்சிருக்கு. PDF file-லா நம்ப மெயில் பாக்ஸுக்கு வாரம் வாரம் வரும். இது ஒண்ணும் புது ஐடியா இல்லை, Chess Today (இதுக்கு முன்னாடி Coffee Table Chess!) ரொம்ப வருஷமா இந்த மாதிரிதான் வந்துண்டு இருக்கு. சரி, என்னத்தான் இதுல புதுசுன்னு பார்க்கலாம்னு February issue-வை படிச்சு பார்த்தேன். Andrew Martin Scandinavian-ல ஒரு ஐடியா பத்தி எழுதியிருக்கார். அப்படி ஒண்ணும் இம்ப்ரெஸிவால்லாம் இல்லை (ஆனா அந்த Groszpeter - Reprintsev ஆட்டம் நல்லாவே இருந்தது!). 12 மேகசின்ஸுக்கு (வாரம் ஒண்ணு) $15 subscription fee, அநியாயமா தெரியுது, செஸ் டுடே ஆறு மாசத்துக்கு 15 eurosதான் (செஸ் டுடே டெய்லி வரும்).

இந்த மேகசின்ஸ் எல்லாமே ஏன் இப்படி ஒரு ஒப்பனிங் சிஸ்டம்ல "15-ஆவது மூவ்ல ஒரு சூப்பர் ஐடியா"-ன்னு ஆர்ட்டிகிள்ஸ் போடறாங்கன்னு தெரியலை. அந்த ஒப்பனிங்கை ஏற்கனவே விளையாடிண்டு இருக்கறவனுக்கு வேணா இது உபயோகமாகலாம், என்னைய மாதிரி அந்த ஒப்பனிங்கை பத்தி சுத்தமா ஐடியாவே இல்லாதவன் என்ன பண்ணுவான்? இதுக்கு பதிலா செஸ் நின்ஜால Mig Greengard பண்ற மாதிரி பேசிக்ஸல இருந்து கவர் பண்ணினா ரொம்ப useful-லா இருக்கும்.

நம்ப ஊர் செஸ் மேட்டும் இந்த மாதிரி ஒரு e-magazine ஒண்ணு போடலாம்.

சசிகிரண் கொஞ்சம் out of formல இருக்காருன்னு நினைக்கிறேன் (gibtele.com மாஸ்டர்ஸ்), ஆனா ஹரிகிருஷ்ணா பெர்முடா டோர்னமெண்ட்ல joint first!! ஒரே ஒரு ஆட்டம்தான் தோத்தார், அதுவும் Gelfand-கிட்ட. அதுவும் ட்ரா பண்ணியிருந்தா clear first...anyway, well played Hari!!

Puzzle 13

2005-02-02T03:34:00.000-08:00

Black to play. What is the best line for Black?

Puzzle 12 விடை:

Puzzle 12 பொசிஷனில், கறுப்பு இராஜா h7ல் இருந்தா, வொயிட்னால Ng5+!! விளையாடி இராணியையும் இராஜாவையும் fork பண்ணலாம். ஆனா, g5 squareஐ d8ல் இருக்கும் கறுப்பின் டார்க் பிஷப் கன்ட்ரோல் பண்ணிண்டு இருக்கு, ஆக, அதையும் நாம தூக்கணும் (வில்லன் மாதிரி பேசறேனா?! :) ). கறுப்பு பிஷப்பை நாம எப்ப வேணுமனாலும் வொயிட் ரூக்னால கட் பண்ணிடலாம், ஆனா இராஜாவை எப்படி h7க்கு கொண்டு வருவது? ஒரே வழி வொயிட் தன் லைட் கலர் பிஷப்பை sacrifice பண்ணுவது. so, ஒரு நல்ல லைன் வொயிட்டுக்கு இப்படி இருக்கலாம்.

1.Bxh7+! Kxh7
[ Suppose, if Black plays 1...Kh8 2.Ne5 Qc7 ( 2...Qh5?) 3.Ng6+ Kxh7 4.Nxf8+ Kg8 5.Rd7 Qc8 6.Qxf4]
2.Rxd8 Qg6 3.Nh4 Qg4 4.Rxa8 Rxa8 5.g3 Ne2+ 6.Kg2 Rb8 7.b3 Rf8 8.f3 Qxd4 9.Qxe2
[ 9.Qxd4 Nxd4 10.Rd1]
9...Qxa1 10.Qd3+ Kg8
[ 10...Kh8 11.Ng6+]
11.Qxd5+ Kh7 12.Qd3+ Kg8 White wins

லதா, பரணீ பத்தி எனக்கு தெரியாது, ஆனா நான் செஸ்ல ஒரு பக்கா patzer. So, அந்த ஜோக்ல வர "easy problemsலாம் solve பண்ணிடறது" கூட எனக்கு வராது! :)

AICFக்குள்ள சண்டை?

2005-02-02T00:24:00.000-08:00

நம்ப AICF (All India Chess Federation) உள்ள ரொம்ப நாளா புகைஞ்சுண்டு இருந்த சண்டை வெளியே வந்துடுச்சு. உமர் கோயா ப்ரசிடண்டா இருக்க கூடாதுன்னு சென்னை கோர்ட் சொல்லிருக்கு. மேனுவல் ஆரோன் (இந்தியாவோட முதல் IM இவர். Chess Mateனு ஒரு செஸ் மேகசின் நடத்திண்டு இருக்கார். எனக்கு தெரிஞ்சு இந்தியாவில் இருக்கிற ஒரே செஸ் மேகசின் இதுதான்! ஒரு 2 வருஷம் இதுக்கு subscribe பண்ணிருந்தேன், ஆனா அது ஒரு தனி கதை!) செஸ்பேஸுக்கு அனுப்பிச்சிருக்கிற ஆர்டிகிளை படிச்சு பார்த்தா, அவர் பயங்கர கோபமா இருக்கிற மாதிரி இருக்கு. சசிகிரண், ஹரிகிருஷ்ணா இவங்கெல்லாம் போன வருஷம் Parsvanath டோர்னமெண்ட்டின் போதே கறுப்பு band கையில கட்டிண்டு விளையாண்ட மாதிரி ஞாபகம்!

செஸ் மேட்ல இருக்கிற ப்ரெஸ் ரிலீஸ்: 1 2 3 4 5
செஸ்பேஸ் ஆர்ட்டிகிள்
சதுரங்கம் வெப்சைட்டில் இருக்கும் ரிப்போர்ட்

[Update: இந்த டாபிக்குக்கு சம்பந்தமில்லாத ஒரு சின்ன டீடெய்ல்: நம்ப சசிகிரண் இப்போ விளையாடி கொண்டிருக்கும் Gibtele.com மாஸ்டர்ஸ் டோர்னமெண்ட்டை லைவ்வா காண்பிக்கறாங்க. இது ஒண்ணும் புது விஷயம் இல்லை, ஆனா Stuart Conquestடோட ஆடியோ/வீடியோ கமெண்டரியும், விளையாடற இடத்தில் இருந்து எடுக்கப்படும் படங்களுமா சும்மா கலக்கலா இருக்கு. இந்த் மாதிரி Playchess.comல கோரஸ் ரவுண்ட்ஸ் எல்லாத்துக்கும் லைவ் வீடியோ காண்பிச்சாங்க, இதோட அப்படியே ChessFMல வரும் ஆடியோ analysisசையும் சேர்த்து கேட்பது ரொம்ப நல்லா இருந்தது. இந்த அளவு பண்ணலைன்னாலும், நம்ப இந்தியாவில் நடக்கும் டோர்னமெண்ட்களுக்கு, at least, லைவ் கேம்ஸ் டிஸ்ப்ளேயாவது இருக்கணும்.]

லீகோ - கோரஸ் 2005 சேம்ப்பியன்

2005-01-31T02:43:00.000-08:00

போன வருஷம் ஆனந்த் அரை பாயிண்ட் வித்தியாசத்தில் ஜெயிச்சாரு, இந்த தடவை அதே மாதிரி லீகோ ஜெயிச்சிருக்கார். Much deserved victory! இந்த டோர்னமெண்ட்டில மட்டும் இல்லை, போன வருஷம் விளையாண்ட எல்லா டோர்னமெண்ட்டிலும் மனுஷன் பயங்கர solid-டாத்தான் விளையாண்டாரு, ஆனாலும் இப்போதைக்கு இவர்தான் பயங்கர ஸ்ட்ராங் ப்ளேயர்னு சொல்ல முடியாது. கேஸ்பரோவ், ஆனந்த், க்ராம்னிக், லீகோ & டோப்பலோவ் மட்டும் ஒரு ரவுண்ட் ராபின் விளையாண்டாங்கன்னா எப்படி இருக்கும்!?? இந்த மாதிரி ஒரு டோர்னமெண்ட்டில் லீகோ இங்க கோரஸ்ல விளையாண்ட மாதிரி விளையாடி வின் பண்ணறதுதான், I think, அவர் பெஸ்ட்னு ப்ரூவ் பண்ணறதுக்கு ஒரே வழி. ஆனா, எனக்கென்னமோ அந்த டோர்னமெண்ட்டில் லீகோ வின் பண்ணுவார்னு தோணலை.

க்ராம்னிக் - மோரோசெவிச் 11 மூவில் ரொம்ப சிம்பிளா ட்ரா பண்ணிண்டுட்டாங்க. ஆனந்த் - சொகலோவ், ஒரு அல்ட்ரா ட்ராயிஷ் லைன். சொகலோவ் ஏதாவது தப்பு பண்ணினால் மட்டுமே முழு பாயிண்டுக்கு ஆடறது, இல்லைன்னா அரை பாயிண்ட்டாவது எடுத்துடறதுன்றதுதான் ஆனந்த்தோட ஐடியா. கடைசி வரைக்கும் சொகலோவ் எதுவும் வாய்ப்பே கொடுக்காம ஆனந்தை கவுத்துட்டார். Loek Van Wely - Short 1-0. ஷார்ட், அவர் எதிர்பார்த்த மாதிரியே, -2க்கு போயிட்டார்!

Final Standings

Linares-ல கேஸ்பரோவ், ஆனந்த், லீகோ, டோப்பலோவ், ஆடம்ஸ், காஸிம்ஜனோவ், பொன்ஸ் வேயியொ (Vallejo) விளையாடறாங்க. இதுல லீகோவோட ஆட்டம் எப்படி இருக்குன்னு பார்ப்போம்!

ஜெயிச்சதுக்கு அப்புறம் லீகோ ஒரு பேட்டில பேசியிருக்கறது நவன் சொன்ன மாதிரி கொஞ்சம் ஓவர்தான். "ஆனந்த் க்ளாசிக்கல் செஸ்ல வீக்"னு எதுக்கு டையலாக் விட்டார்னு தெரியலை. ஆனந்த் இதுக்கு பதில் சொல்ற மாதிரி லினாரஸ்ல லீகோவை ஒரு குத்து குத்துவாரா, இல்லை சிம்பிளா ட்ரா பண்ணிண்டு போயிடுவாரான்னு பார்க்கணும்.

Wijk Aan Zee - Rd 11

2005-01-29T01:21:00.000-08:00

லீகோ லீடிங் பொசிஷனுக்கு போயிட்டார். நிச்சயம் இந்த தடவை அவர் டைட்டிலை வின் பண்ணிடுவார் போலத்தான் இருக்கு. ஆனந்த் இன்னிக்கு ஆடம்ஸை தோக்கடிச்சு, லீகோ டோப்பலோவ்கிட்ட தோத்து போனாத்தான் ஆனந்த் முதல் பொசிஷனுக்கு போக முடியும். ஆனாலும், லீகோ ஆனந்தை தோக்கடிச்சனால டைட்டில் அவருக்குத்தான் போகும்னு நினைக்கிறேன். இது வரைக்கும் லீகோ பயங்கர இம்ப்ரெஸிவ்வா விளையாடிண்டுருக்கார், கிட்டத்தட்ட எல்லா ஆட்டங்களிலும் ஓப்பனிங்ல இருந்து அட்வாண்டேஜோடத்தான் வெளியே வந்திருக்கார். நேத்து Bruzon பாவம், லீகோகிட்ட ஒரு Ruy Lopez ஆரம்பிச்சு 25 மூவில் தோத்துப்போனார். ஆனந்த் என்னமோ ட்ரா பண்ணனும்னே விளையாடின மாதிரி இருந்தது, போல்கரோட. போல்கரும் ஒண்ணும் ரொம்ப கஷ்டப்படுத்திக்கலை, ஆனந்தை கஷ்டப்படுத்தவும் இல்லை. ஆனந்த், I think, "என்ன வேணும்னாலும் நடக்கட்டும்! நான் முதல் பொசிஷன் ரேசில் இல்லை"னு முடிவு பண்ணிட்ட மாதிரி தெரியுது. அட்லீஸ்ட், இன்னிக்கும் நாளைக்கும் அவர் ஜெயிச்சாருன்ன நல்லா இருக்கும்.

க்ராம்னிக்கும் க்ரிஷ்சக்கும் விளையாண்ட ஆட்டம் பயங்கர complex. வழக்கம் போல, அந்த complicationல இருந்து க்ராம்னிக்தான் ஒரு வின்னிங் எண்ட்கேம்க்கு வெளியே வந்தார், ஆனா க்ரிஷ்சக் என்னமோ பண்ணி அதை ட்ரா பண்ணிட்டார். எனக்கும் இந்த எண்ட்கேமுக்கும் ரொம்ப தூரம்ன்றனால நான் அதை புரிஞ்சுக்க ட்ரை கூட பண்ணலை. ஷார்ட் Ponomariov-க்கு எதிரா ஒரு அருமையான சான்ஸை மிஸ் பண்ணினார், நல்ல அட்வாண்டேஜ் பொசிஷனில் இருந்து ஒரு சின்ன தப்புனால முழு பாயிண்டை விட்டார். Pono விளையாடறதை பார்த்தா ஆச்சரியமா இருக்கு. அவரோட ஒப்பனிங் லைன்கள் எல்லாமே இது வரைக்கும் ஒண்ணும் ஒழுங்கா இல்லை; Is he trying to hide his opening ideas?? எதுக்கு இப்போ போய் மறைக்கணும், ஒரு வேளை க்ராம்னிக் சஜெஸ்ட் பண்ணின ஒரு 4-ப்ளேயர்ஸ் ரவுண்ட் ராபின் நடக்கும்னு நினைக்கறாரோ என்னமோ! டோப்பலோவும் ஷார்ட் மாதிரி ஒரு நல்ல பொசிஷனில் இருந்து சில தப்பான மூவ்களால் சொகலோவை தப்பிக்க விட்டார். ஸ்விட்லர் -மொரோசவிச்சும் பயங்கர இண்ட்ரெஸ்டிங்கா இருந்தது. மொரொசவிச் அவரோட பழைய form-க்கு வந்துட்டார், ஆனாலும் இன்னும் இரண்டு ரவுண்ட்தான் இருக்குன்ற நிலைமையில ஒரு useம் இல்லை.

க்ரூப் Bல கர்யாகின் க்ளியர் லீடிங். மெமட்யாரோவ்வை செபாரினோவ் தோக்கடிச்சார். அடுத்த வருஷம் க்ரூப் Aக்கு கர்யாகின் நிச்சயம். க்ரூப் C ல நம்ப பரிமராஜன் நெகிக்கு இன்னொரு பாயிண்ட் கிடைச்சது.

TWIC report @ http://www.chesscenter.com/twic/event/wijk05/r11.html

Puzzle 12

2005-01-28T08:07:00.000-08:00

Puzzle 12. Black has just played Nf4. What is White's best move now?

Puzzle 11. சரியான விடை

Puzzle 11

2005-01-27T04:28:00.000-08:00

Puzzle 11. White has just played Rxg3. What is Black's best reply?

Puzzle 10 - சரியான விடை

Wijk Aan Zee (Catch up)

2005-01-27T00:37:00.000-08:00

Wow!! இந்த வருஷ Wijk Aan Zee டோர்னமெண்ட் இவ்வளவு தூரம் இண்ட்ரெஸ்டிங்கா இருக்கும்னு யாருமே எதிர்பார்த்திருக்க மாட்டாங்க. டாப் ப்ளேயர்ஸ் எல்லாரும் குடுமிபிடி சண்டை போட்டுக்காத குறை! ஆரம்பத்துல ஆனந்த் சுத்தமா form-லயே இல்லாத மாதிரி இருந்தது. இப்ப தொடர்ச்சியா ஒரு 3 வின்னுக்கு அப்புறம் ஜாயிண்ட் செகண்ட். இரண்டாவது ரவுண்டில் 20 மூவில் தோற்றுப்போன க்ராம்னிக் அடுத்து Sokolov-வை படு நீட்டா விளையாடி தோக்கடிச்சாரு. லீகோ அவரோட வழக்கமான solid styleலில் விளையாடிண்டு இருக்காரு. இரண்டாவது ரவுண்டில் ஆனந்த் இவர்கிட்ட self-destruct பண்ணிக்காம இருந்திருந்தார்னா இப்போ ஆனந்தும் first பொசிஷனில் இருந்திருக்கலாம். ஸ்விட்லர் சுத்தமா form-ல இல்லை, ஏழாவது ரவுண்ட்ல Loek van Welyஐ தோக்கடிச்சதை பார்க்கும்போது லேசா form-க்கு வந்த மாதிரி இருக்கு. Bruzonனுக்கு இது ஒரு நல்ல டோர்னமெண்ட்டா ஆயிண்டு இருக்கு, நேத்து Sokolov-வை தோக்கடிச்சிருக்கார். நான் முன்னாடியே சொன்ன மாதிரி Short 2700 லெவல்ல இருந்து இறங்கிட்டாரு. ஆனாலும் Morozevichசோட அவர் விளையாண்ட கேம் கலக்கல்!! அந்த 41) Qf4!! மூவ் டிபிக்கல் Short. ஆட்டத்தை Short finish பண்ணின விதம் மிக அருமை. லீகோகிட்ட தோத்தபிறகு அவர் "நான் -2லதான் இருப்பேன்னு நினைச்சேன், அதனால any result other than -2 would be a success"னு பயங்கர டெக்னிக்கா பேட்டி கொடுத்துட்டார்.

Morozevich நிச்சயம் 20 பாயிண்டுக்கு மேலே விட போறாரு, இந்த டோர்னமெண்ட் முடிவுல. வரிசையா 4 ஆட்டம் தோத்திருக்காரு, ஏதோ போல்கரை தோக்கடிச்சு முதல் +1 எடுத்தார், அதுக்கப்புறம் Sokolovவை Albin counter gambit விளையாடி தோக்கடிச்சார். சொகோலோவ் பாவம். ஆனந்தோட அவர் விளையாண்ட ஆட்டத்தில், மொரொசெவிச் சரியா விளையாடிருந்தா ஆனந்தை பயங்கரமா pressure பண்ணியிருந்திருக்கலாம், ஆனா என்னமோ மாதிரி விளையாடி அந்த ஆட்டமும் தோத்தாரு. ஆனந்துக்கு லக்குன்னுதான் சொல்லணும், ஏன்னா இது வரைக்கும் அவரு ஜெயிச்ச மூணு ஆட்டங்களும் அவர் அப்படியே பயங்கர ஆனந்த் levelல விளையாடலை, opponents நிறையா ஹெல்ப் பண்ணியிருக்காங்க. நேத்து Loek Van Wely-யோட ஒரு ஜெயிக்கிற பொசிஷனில் ஒரு 2 மூவ் தப்பா விளையாடி ஆனந்த் ட்ரா பண்ணினதை நம்பவே முடியலை.இத்தனைக்கும் ஆனந்த்துக்கு மூணு pawn அட்வாண்டேஜ்!! சமீபத்தில் ஆனந்த் இந்த மாதிரி ஒரு அல்வா பொசிஷனை (அவருக்கு!) ட்ரா பண்ணின மாதிரி எனக்கு ஞாபகம் இல்லை. ஆனந்துக்கு நேத்து கனவுல எல்லாம் அந்த 30) Qg4? மூவ் வந்து எரிச்சலை கிளப்பிருக்கும்னு நினைக்கிறேன்.

ஆனந்த் இன்னும் டோப்பலோவோட விளையாடணும், அந்த ஆட்டம் என்ன ஆகும்னே சொல்ல முடியாது. ஆனந்தே ஒரு தடவை "நான் டோப்பலோவோட விளையாடும்போது ரொம்ப uncomfortableலா feel பண்ணுவேன்"னு சொல்லியிருக்கார். அதுவும் டோப்பலோவ் நல்ல formல வேற இருக்காரு, க்ராம்னிக்கை எப்படி 20 மூவில் ஒரு குத்து குத்தினாரோ அதே மாதிரி Bruzonனை ஒரு கலக்கல் அட்டாக்கிங் கேம் விளையாடி தோக்கடிச்சார். Very impressive. என்னமோ "நான் டாப் 3க்கு சரியான ஆள்"னு டோப்பலோவ் prove பண்ணற மாதிரி இருக்கு. ஆனா நேத்து ஒரு சமமான பொசிஷனில் இருந்து, ஒரு சின்ன calculation தவறினால் ஒரு piece விட்டு கடைசில ஒரு முழு பாயிண்டையும் போல்கருக்கு கொடுத்தார். மனுஷன் நிச்சயம் நொந்து போயிருப்பார். இந்த வெறில இனிமே வர ஆட்டங்கள்ல ஒரு கலக்கு கலக்கவும் வாய்ப்பிருக்கு. சரி, டோப்பலோவ் எப்பவும் இப்படிதான்னு விட்டுடலாம், ஆனா இந்த Ponomariov திடீர்னு அன்னிக்கு க்ராம்னிக்கை ஒரு கலக்கு கலக்கிட்டாரு. க்ராம்னிக்கோட ஸ்ட்ராங் பாயிண்ட்டான Sveshnikovல ஒரு Pawn sacrifice பண்ணி ஒரு பயங்கர அட்டாக் ஒண்ணு ஆரம்பிச்சாரு, இதுல ஒரு Rook sacrifice வேற. க்ராம்னிக் பொறுமையா யோசிச்சு அதை defend பண்ணினதுதான் அதுல beautyயே. க்ராம்னிக்கின் h5-தான் அந்த ஆட்டத்தை காப்பாத்திச்சுன்னு நினைக்கிறேன், ஏன்னா, it seems, Ponomariov h6 lineதான் prepare பண்ணியிருந்திருக்காரு. h6 விளையாடிருந்தா நிச்சயம் க்ராம்னிக் Ponomariovவோட home preparationல மாட்டிருப்பார் (அது மேட் வரைக்கும் போகுமான்னு தெரியலை, ஆனா நிச்சயம் அட்வாண்டேஜ் வொயிட்டுக்குத்தான். இல்லைன்னா அந்த Pawn sacrifice Pono விளையாடியே இருக்க மாட்டாரு!). ஆனா நேத்து கிறிஸ்சக்குக்கு எதிரா சிசிலியனில் சரி அடி வாங்கினாரு.

மைக்கேல் ஆடம்ஸ் வழக்கம் போல வெறுமனே ஒரு ப்ளஸ் ஸ்கோருக்குதான் aim பண்ணற மாதிரி இருக்கு. ஆடம்ஸை ஸ்பைடர் மேன்னுன்னு சொல்லுவாங்க, அவரு கொஞ்சம் கொஞ்சமா போர்ட் fulla சிலந்தி, வலையை உபயோகிப்பது போல் எதிராளியை squeeze out பண்ணி ஜெயிப்பதால் இந்த பேரு. டோப்பலோவை அன்னிக்கு அவர் தோக்கடிச்சது கம்ப்ளீட்டா வேற ஸ்டைலில். ஒரு டிபிக்கல் English attackகில் ஆரம்பித்து டோப்பலோவை படாத பாடு படுத்திட்டாரு. போல்கர் ஒரு வருஷம் விளையாடாம இருந்துட்டு வந்த மாதிரியே தெரியலை,பையன் ஆலிவருக்கு ட்ரெயினிங் ஆரம்பிச்சிருப்பாங்கன்னு நினைக்கிறேன் :) ஆனந்த் ஒரு நல்ல பொசிஷனை ட்ரா பண்ணினதை "பாவம், டோர்னமெண்ட் ரொம்ப நாள் நடக்குது இல்லையா? டயர்டா ஆயிருப்பார். அதே மாதிரி ப்ரெஷரும் கூட!"-னு சொல்லி ஆனந்தை சப்போர்ட் பண்ணினார். சொகோலோவுக்கு இந்த டோர்னமெண்ட் ஒரு nightmare. Nothing has gone right, so far!

க்ரூப் Bல Memdyarov க்ளியர் லீடிங்கா இருந்தாரு, ஒரு வழியா கர்யாகின் அவரை எட்டி பிடிச்சிருக்கார். பார்ப்போம் என்ன நடக்குதுன்னு. எனக்கென்னமோ, இந்த கர்யாகின் World Champion stuff-னு தோணுது. அநியாயத்துக்கு டேலண்டட்.

Corus டோர்னமெண்ட் - Rd. 2

2005-01-16T08:33:00.000-08:00

இன்னிக்கு ஹைலைட் க்ராம்னிக்கின் தோல்வி. டோப்பலோவிடம் 20 மூவில் க்ராம்னிக் தோற்றுப் போவது ஆச்சரியம்தான்! அதுவும் 11-வது மூவிலேயே டோப்பலோவ் ஒரு புது மூவ் ஒண்ணு விளையாடினார்!! டோப்பலோவ் என்னிக்கு இருந்தாலும் ஒரு டேஞ்சரஸ் ப்ளேயர்னு ஆனந்த் சொன்னதுதான் ஞாபகம் வருது!

Kramnik,V (2754) - Topalov,V (2757)
[B80]Corus Wijk aan Zee (2), 16.01.2005

1.e4 c5 2.Nf3 d6 3.d4 cxd4 4.Nxd4 Nf6 5.Nc3 a6 6.Be3 e6 7.f3 b5 8.g4 h6 9.Qd2 b4 10.Na4 Nbd7 11.0-0-0 Ne5N 12.Qxb4 Bd7 13.Nb3 Rb8 14.Qa3? Nxf3 15.h3 Nxe4 16.Be2 Ne5 17.Rhe1 Qc7 18.Bd4 Nc6 19.Bc3 d5 20.Nbc5 Qa7 [21.Bxg7 Bxg7 22.Nxe4 dxe4] 0-1

ஆன்ந்த் லீகோக்கு எதிரா கொஞ்சம் கஷ்டமான பொசிஷனில் இருக்கார், பார்ப்போம் ட்ரா ஆகுதான்னு. மத்த ஆட்டம்லாம் இன்னும் நடந்துண்டு இருக்கு....ஷார்ட் இன்னிக்கும் ஒரு short ட்ரா பண்ணிண்டுட்டார்!

Corus டோர்னமெண்ட் - Rd. 1

2005-01-15T08:20:00.000-08:00

இந்த டோர்னமெண்ட் கிட்டத்தட்ட டாப்ல இருக்கற எல்லா ப்ளேயர்களும் விளையாடற ஒண்ணு. கேஸ்பரோவ் மட்டும்தான் எப்பவுமே மிஸ் ஆவார். வழக்கம் போல இந்த தடவையும் கேஸ்பரோவ் கிடையாது (இந்த தடவை அவர் சொன்ன காரணம் "காஸிம்ஜனோவ் மேட்ச்"!!), ஆனா க்ராம்னிக் உண்டு. ஆன்ந்த், க்ராம்னிக், லீகோ, டோப்பலோவ்னு டாப் 9 ப்ளேயர்ஸும் உண்டு, இவங்களோட ரொம்ப நாளைக்கு அப்புறம் மறுபடியும் ஜூடித் போல்கர் (ப்ரெக்னனட்டா இருந்ததால கிட்டத்தட்ட ஒரு வருஷம் விளையாடாம இருந்துட்டு வந்திருக்காங்க)!! தவிர Grischuk, Sokolov, Short, Bruzon & Van Wely-யும் விளையாடறாங்க.

போல்கர் ஒரு முழு பாயிண்ட் எடுத்து ஒரு சூப்பர் ரீ எண்ட்ரி கொடுத்திருக்காங்க. ஸ்விட்லருக்கு என்ன ஆச்சுன்னே தெரியலை, சுத்தமா form-லயே இல்லை!!

Polgar,J (2728) - Svidler,P (2735)
Corus A Wijk aan Zee NED (1), 15.01.2005
(மார்ஷல் கேம்பிட்)

1.e4 e5 2.Nf3 Nc6 3.Bb5 a6 4.Ba4 Nf6 5.0-0 Be7 6.Re1 b5 7.Bb3 0-0 8.c3 d5 9.exd5 Nxd5 10.Nxe5 Nxe5 11.Rxe5 c6 12.g3 Bd6 13.Re1 Qd7 14.d3 Qh3 15.Re4 Nf6 16.Rh4 Qf5 17.Nd2 Re8 18.Ne4 Nxe4 19.Rxe4 Rxe4 20.dxe4 Qxe4 21.Bc2 Qe7 22.Bg5 f6 23.Be3 Be6 24.Qf3 Qd7 25.Rd1 Rd8 26.Be4 Bxa2?

இந்த மூவ்தான் தப்புன்னு என் செஸ் ப்ரோக்ராம் சொல்லுது. இதுக்கு பதிலா சிம்பிளா [26...Rc8] விளையாடி c6 pawn-ஐ ப்ரொடக்ட் பண்ணிண்டிருந்திருக்கலாம்.

27.Bb6 Bb3 [ 27...Rf8 28.Bc5 Qe6] 28.Rd4 c5 29.Bxc5 Qe6 30.c4 1-0

இந்த மூவ்ல ஸ்விட்லர் ரிசைன் பண்ணிட்டார். ஏன்னா ஒரு piece போறதை தடுக்க முடியாது, இல்லைன்னா இராணியை விடற மாதிரி ஆயிடும். கறுப்பு இராணியும் இராஜாவும் ஒரே டையாக்னலில் இருக்கறதுதான் இங்க key point. இன்னொரு விஷயம் என்னன்னா, போல்கர் விளையாண்ட c4 ஒண்ணும் அவ்வளவு ஸ்ட்ராங் மூவ் கிடையாது, கரெக்ட் மூவ் [ 30.Qd3]. ஆட்டம் இப்படி போயிருக்கலாம்:: 30...Bxc4 [ 30...Qxc4 31.Bd5+] 31.Bb6 [ 31.Rxc4 Qxc4 ( 31...Bxg3 32.Rc3 Bc7) ] 31...Rf8 32.Rxc4 Kh8 [ 32...bxc4 33.Bd5]. ஆனா, எப்படி இருந்தாலும் ஸ்விட்லர் கொஞ்சம் மெட்டீரியல் விட்டுத்தான் ஆகணும்.

ஆனந்த் - க்ரிஷ்சக், ஷார்ட் - ஆடம்ஸ், ப்ரூசான் - க்ராம்னிக், சொகொலோவ் - லீகோ ஆட்டங்கள் ட்ரா. ஷார்ட் இந்த டோர்னமெண்ட்ல விளையாடறது ஒரு ஆச்சரியமான விஷயம், எனக்கென்னமோ he is totally past his prime-னுதான் தோணுது. ஷார்ட்டோட columns-லாம் நல்லா இருக்கும், ஒரு காலத்துல அவர் பயங்கர ப்ளேயரும் கூட. ஆனா, இன்னும் ஷார்ட்டை க்ராம்னிக், ஆனந்த் மாதிரி பெரிய்ய்ய்ய ஆட்களோட விளையாட விடறது காமெடியாத்தான் இருக்கு. Timman ஒவ்வொரு வருஷமும் அடி வாங்கின மாதிரி ஷார்ட் இந்த வருஷம் வாங்கப் போறாரு. க்ராம்னிக் ட்ரா பண்ணுவதை பிடிச்சு ஓட்டு ஓட்டுன்னு ஓட்டுவார் ஷார்ட், இங்க ஆடம்ஸோட முதல் ரவுண்டிலேயே வெறும் 23 மூவில் ட்ரா, அதுவும் எப்படி draw-by-repetition!!

Group B-ல கர்யாகின் - Ernst ஆட்டம் very interesting!

Puzzle 10

2005-01-13T00:42:00.000-08:00

White to play & mate

Puzzle 9-க்கான விடை

கேஸ்பரோவின் "Great Predecessors"

2005-01-12T22:19:00.001-08:00

கேஸ்பரோவ் சமீபத்தில் அவரோட "My great predecessors" 4-த் வால்யூம்
ரிலீசுக்காக லண்டன் போயிருந்தார். அங்கு அவர் பேசியதை (கிட்டத்தட்ட 50 நிமிஷம்) ரெக்கார்ட் பண்ணி இங்கு போட்டு வைத்துள்ளார்கள். (ChessCenter-க்கு ஒரு ஸ்பெஷல் தேங்ஸ், Bandwidth, Transfer limit பத்தியெல்லாம் கவலை படாம இந்த பைல்களை டவுன்லோடுக்கு போட்டு வைத்ததற்கு!)

WMV, அதுனால ஒண்ணும் அவ்வளவு குவாலிட்டி இல்லை, அதுக்காக இதை மிஸ் பண்ண முடியுமா என்ன?! அவரோட புக்ஸ், மத்த ப்ளேயர்ஸ் பத்தி, முக்கியமா ரெஷெவ்ஸ்கி/பிஷர்/கார்போவ்/fine பத்தியெல்லாம் அவர் அங்கு பேசியிருக்கார். ஒவ்வொரு தடவையும் கேஸ்பரோவ் எங்கயாவது பேசினதை பார்க்கும்போதும் கொஞ்சம் கொஞ்சமா எனக்கு அவர் மேலே மரியாதை கூடிண்டேதான் போறது. அவரோட பேச்சின் tone "நான்தான் க்ரேட், மத்தவனெல்லாம் வெத்து"ன்னு இல்லாததே ரொம்ப impressive-ஆ இருக்கு (கேஸ்பரோவின் ரெக்கார்ட்ஸ் பத்தி நான் speacial-ஆ சொல்லணுமா என்ன?!). இதுல ஒரு இடத்துல கார்ப்போவ்-பிஷர் மேட்ச் நடந்திருந்தா கார்போவ்தான் ஜெயிச்சிருப்பார்னு சொல்லிட்டு "கார்போவ் பிஷரை தோக்கடிச்சிருப்பார், கார்போவை நான் தோக்கடிச்சேன். லாஜிக்கலா பார்த்தா நான் பிஷரை விட பெரிய ஆள்னு நான் சொல்ல வரலை. I know there is a conspiracy (sic!) theory like this" அப்படீன்னு சொல்வார். I think, இது ஒரு தேர்ந்த பேச்சாளருக்கான அடையாளம். தன்னை பத்தின ஒரு மோசமான கமெண்ட்டில் இருந்து ஓடி ஒளிஞ்சுக்காம, பயங்கர டெக்னிக்கா அதையே தான் பேசறதுக்கு யூஸ் பண்ணிக்கறது, very practical.

அவரின் இந்த புக் series-ன் பெயர் "My Great Predecessors"னு இருப்பதையே நிறைய பேரு ஓட்டிருக்காங்க. "அது என்ன Great Predecessors?? அப்ப இவரு Great-னு இவரே சொல்லிக்கறாரா?"ன்றதுதான் எல்லாரும் கேட்டது. கேஸ்பரோவ் இந்த மாதிரி mean பண்ணியிருந்தாலும் அதுல தப்பே இல்லைன்னுதான் சொல்லுவேன். கேஸ்பரோவ் "Great Predecessors"னு போட்டுக்க முடியாதுன்னா வேற யாரு போட்டுக்க முடியும்?

[Update: ஆனந்தோட பேட்டி பத்தி சொல்ல மறந்துட்டேன். ஒரு வாரம் சென்னைல இருந்திருக்காரு, சும்மா ரெஸ்ட்தான். அப்ப அவர் கொடுத்த பேட்டிகளை படிக்க இங்க க்ளிக் பண்ணுங்க. பயங்கர அடக்கமா அவர் சொல்லிருக்கிற பதில்களை பார்த்தா அவர் World #2-ன்னு எவனும் நம்பமாட்டான்!!) ]

KKA முக்கோணம்

2005-01-02T22:23:00.000-08:00

கிட்டத்தட்ட பத்து வருடங்களா செஸ் டாப் 3 Kasparov, Kramnik & Anandதான். (இதைதான் KKA triangleனு சொல்லுவாங்க). நம்பர் 3 ப்ளேயருக்கும் நம்பர் 4 ப்ளேயருக்கும் இருக்கும் பாயிண்ட் வித்தியாசம் சில நேரம் ரொம்ப கம்மியா ஆயிருக்கு, ஆனா இது வரைக்கும் இந்த் KKA சீலீங்கை யாரும் தொட்டதில்லை. டோப்பலோவ் முதல் முறையா இதை ப்ரேக் பண்ணிருக்கார். க்ராம்னிக்கோட ELO கம்மியாயிட்டதால டோப்பலோவ் மேலே போயிட்டார்ரு, அவ்வளவுதான். மொரோசெவிச் ரஷியன் சேம்பியன்ஷிப்ல பாயிண்ட்ஸ் விடாம இருந்திருந்தாருன்னா அவர்தான் மூணாவதுக்கு வந்திருக்கணும். க்ராம்னிக் இப்போ நாலாவது பொசிஷனில் இருக்காரு, லீகோ 5th. லீகோவோட விளையாடறதுக்கு ப்ரிப்பேர் பண்ணினதையெல்லாம் க்ராம்னிக் இனிமேதான் வெளியே காண்பிப்பார், நிச்சயம் மனுஷன் டாப் - 3க்கு இன்னும் இரண்டு லிஸ்ட்ல வந்துடுவார். லீகோவும் இன்னும் கொஞ்சம் நாளைக்கு தியரில வெளுத்துக் கட்டுவார்.

ஆனந்த் 5 பாயிண்ட் மேலே போயிருக்கார். 2800க்கு இன்னும் 14 பாயிண்ட்டுதான்!! இந்த ரஷியன் சேம்பியன்ஷிப்ல கலக்கலா விளையாடினதால கேஸ்பரோவோட ரேட்டிங் 2800க்கு மேலேயே இன்னும் இருக்கு, இல்லைன்னா 2795க்கு வந்திருக்கணும்!

[புத்தகம்] Bobby Fischer goes to war

2004-12-31T02:04:00.000-08:00

சமீபத்தில் (அதாவது, நேற்று!) படித்த புத்தகம் Bobby Fischer goes to war. ஒவ்வொரு தடவை சென்னை வரும்பொழுதும் நுங்கம்பாக்கம் லேண்ட்மார்க் புத்தக கடைக்கு செல்லுவது வழக்கம். என் அண்ணன் பையனுக்கு ஏதாவது புத்தகம் ஒன்று வாங்கி தரலாம் என்று இந்த தடவை போயிருந்த பொழுதுதான் இந்த பாபி பிஷர் புத்தகத்தை வாங்கினேன். போன தடவையே இதை பார்த்திருந்தாலும், அப்போது வேறு ஒரு புத்தகம் இதை விட படு இன்ட்ரெஸ்டிங்காய் தெரிந்ததால் இதை வாங்காமல் விட்டு வந்திருந்தேன். இப்புத்தகம் 1972ல் நடந்த போரிஸ் ஸ்பாஸ்கி - பாபி பிஷர் மேட்ச்சினை பற்றியது. பிஷர் வென்ற இந்த மேட்ச்சினை "Match of the century" என்று சிலர் சொல்வர். ஆனால், அந்த அளவுக்கு இதில் ஒன்றுமே இல்லை என்று சொல்பவர்களும் உண்டு. இந்த மேட்சில் ஒரு சில விஷயங்கள் கவனிக்கப்பட வேண்டியவை:

1) அது வரை சோவியத் இரஷியாவுக்குள்ளயே சுற்றி வந்துக்கொண்டிருந்த இந்த பட்டத்தை முதன் முதலில் இரஷியர்களிடம் இருந்து அமெரிக்காவுக்கு கொண்டு வந்தது பிஷர்தான்.

2) அது கோல்ட் வார் (cold war) நடந்துக் கொண்டிருந்த நேரம். இந்த சேம்பியன்ஷிப்பை ஒரு வகையில் இரு தேசங்களும் நிலம், நீர், ஆகாய மார்க்கங்களை தவிர போர் புரிய மற்றொரு மார்க்கமாகத்தான் கருதின. அதிலும், ஸ்பாஸ்கிக்கு சோவியத் பக்கமிருந்து பயங்கர பிரஷர். அமெரிக்கா அவ்வளவு தூரம் ஒன்றும் அலட்டிக்கொள்ளவில்லை, பிஷரின் பைத்தியக்காரத்தனமான செயல்களும் இதற்கு ஒரு காரணம் என்பது வேறு விஷயம்.

பாபி பிஷர் பயங்கர ஜீனியஸ், ஆனால் ஒரு மாதிரி (கொஞ்சம் டீஸண்ட்டா சொல்லணும்னா) eccentric. கம்யூனிஸம் வெறுமனே கப்ஸா என்பது பிஷரின் எண்ணம். செஸ் போர்ட்டே வாழ்க்கை என்று இருந்தவர் பிஷர் (இப்போ நார்மல் செஸ் தண்டம், fischer randomமே பெஸ்ட் என்று சொல்லி வருகிறார். அதே போல், anti-communismல் இருந்து anti-americaவாக மாறிவிட்டார்!) . 64 கட்டங்களுக்குள் 24 மணி நேரமும் மூழ்கி கிடந்தவர். கொஞ்சம் மிகைப்படுத்தி சொல்லுகிற மாதிரி தெரிந்தாலும், இதுதான் உண்மை. செஸ்ஸின் intricacies அப்படி. கொஞ்சம் மட்டும் புரிய ஆரம்பிச்சுடுச்சுன்னா செஸ் மாதிரி இன்ட்ரெஸ்டிங் ஆட்டம் கிடையவே கிடையாதுன்னு நீங்களே சொல்லுவீங்க. ஸ்பாஸ்கி அப்படியே பிஷருக்கு நேர் எதிர். அவரும் பயங்கர டேலண்டட் ப்ளேயர். ஆனால், செஸ் போர்ட்டில் நடப்பவை போர்டு தாண்டி வெளியே வரக்கூடாது என்ற கொள்கை கொண்டவர். சுருக்கமாக சொல்லவேண்டுமென்றால், பக்கா ஜென்டில்மேன். பாட்வின்னிக், கோர்சனாய் போன்றவர்கள் "நமக்கு எதிராக விளையாடுபவர்களை விரோதிகளை போல் வெறுக்க வேண்டும், அப்பொழுதுதான் நம்மோட செஸ் திறமை முழுவதும் வெளிவரும்" என்பதில் மிகுந்த நம்பிக்கை உடையவர்கள், ஸ்பாஸ்கியோ யாரையும் வெறுக்கத் தெரியாதவர் (சில இரஷிய அதிகாரிகளை தவிர!).

இருவரும் 24 ஆட்டங்கள் விளையாடினர். இந்த ஆட்டங்களை அக்கு வேறு ஆணி வேறாக அலசும் பல புத்தகங்கள் இருந்தாலும், திரை மறைவில் நடந்தவைகளை (chess politics) விளக்கும் புத்தகங்கள் ரொம்பக் கம்மி. இரஷிய ஸ்போர்ட்ஸ் கமிட்டி எப்படி இந்த மேட்சிற்கு ஸ்பாஸ்கியை தயார் பண்ண விரும்பியது, அந்தக் காலக்கட்டங்களில் இரஷிய GMகளின் நிலை என்ன, இரஷியாவில் எப்படி செஸ் ஒரு ideology representativeவாக இருந்தது போன்ற பல விஷயங்கள் பயங்கர இன்ட்ரெஸ்டிங். சில பெருந்தலைகளை (பாட்வின்னிக், தால், கீரஸ், கோர்சனாய், பெட்ரோஷியன்) பற்றிய சில விஷயங்கள் அவர்களை பற்றிய எனது ஒப்பீனியன்களை தலை கீழாக புரட்டிப் போட்டன. கேண்டிடேட் டோர்னமெண்ட்டில் ஆரம்பித்து 1992 யுகோஸ்லாவ் மேட்ச் வரை பலவற்றை இப்புத்தகம் விவரிக்கிறது. பிஷர் அடித்த கூத்துகளை படிக்கும் போது (பல முறை இவைகளை மற்ற வலைத்தளங்களில் படித்திருந்தாலும்) சிரிப்புத்தான் வந்தது, சில நேரம் எரிச்சல் வந்ததும் உண்மை. எப்படித்தான் இவரை சகித்துக்கொண்டு ஸ்பாஸ்கி விளையாடினாரோ, தெரியலை! உதாரணத்திற்கு சில:

- முதலில் இந்த மேட்சிற்கு வர ஒத்துக்கொண்ட பிஷர், திடீரென "எனக்கு இன்னும் பைசா வேணும். இது பத்தாது" என்று சொல்லி வர மறுத்து விட்டார். மேட்ச் அவ்வளவுதான் என்று பலர் நினைக்க தொடங்கிய வேளையில் பிரிட்டிஷ் நாட்டினை சேர்ந்த ஸ்லேட்டர் குறுக்கிட்டு சேம்பியனுக்கான பரிசு தொகையை இரட்டிப்பாக்கினார். ஒரு செஸ் மேட்சில் இவ்வளவு அதிகமான பரிசு தொகை அறிவிக்கப்பட்டது அதுவே முதல் முறை.

- இது போதாதென்று, கேட் பாஸ் தொகையில் 30 சதவீதம் தனக்கு வேண்டுமென்றும் அடம் பிடித்தார் பிஷர். அதே நேரத்தில் ஆடிட்டோரியத்தில் முதல் 7 வரிசைகள் காலியாக இருக்க வேண்டுமென்றும் ஒரு கண்டிஷன் போட்டார்!!

- மேட்ச் ஒப்பனிங் பங்ஷனிற்கு பிஷர் வரவில்லை. பிஷர் இந்த மேட்சிற்கு வருவாரா மாட்டாரா என்றே தெரியாமல் இருந்த நேரம் அது.

- விளையாடும் இடத்தில் கேமிரா இருக்க கூடாது என்று அடம் பிடித்தார் பிஷர். ஒரு ஆட்டத்தை இதனால், ஆடிட்டோரியத்தை விட்டு பின்னால் இருந்த ஒரு சின்ன டேபிள் டென்னிஸ் ரூமில் நடத்துமாறு ஆயிற்று.

- செஸ் போர்ட் வைத்திருந்த டேபிள் பெரிதாக உள்ளது என்றும் அதனை உடனடியாக மாற்றியே தீர வேண்டுமென்று அடம்பிடித்தார். அதுவும் எப்போ? சில ஆட்டங்கள் முடிந்த பிறகு.

பிஷர் போர்ட்டுக்கு வெளியேத்தான் இந்த மாதிரி. போர்டிற்குள் என்ன மாதிரின்னு அவரோட "My 60 memorable games" புத்தகம் படிச்சீங்கன்னா தெரியும்.

செஸ் டேட்டாபேஸ்

2004-12-22T00:17:00.000-08:00

செஸ்ல ஆர்வம் உள்ள எல்லாரும் செஸ்பேஸ் (Chessbase) பற்றி நிச்சயம் கேள்வி பட்டிருப்பாங்க. கிட்டத்தட்ட செஸ் ப்ளேயர்கள் அனைவரும் உபயோகிப்பது செஸ்பேஸ்தான். செஸ் டேட்டாபேஸ்னு பார்த்தா இரண்டு மூணு சாப்ட்வேர்தான் இருக்கு; Chessbase, Chess Assistant இது இரண்டும் கமர்ஷியல் சாப்ட்வேர், இதை தவிர Scidனு ஒரு open sourceம் இருக்கு. செஸ் டேட்டாபேஸ் நம்ப நார்மல் டேட்டாபேஸ் மாதிரிதான் (செஸ் டேட்டாபேஸ் செஸ் ஆட்டங்களை சேமித்து வைத்துக்கொள்ள, அதனை annotate பண்ண, பல ஆட்டங்களை ஒரு opening keyக்கு கீழே தொகுக்க, சேமித்து வைத்த ஆட்டங்களில் நமக்கு தேவையானதை எடுக்க, இந்த மாதிரி விஷயங்களுக்கு உபயோகமாகும்)

Scid முன்னைக்கு இப்போ நல்லாவே powerfulலா ஆயிருக்கு, ஆனாலும் commercial softwareகளை beat பண்ணனும்னா இன்னும் நிறைய features வேணும். செஸ்பேஸ்சுக்கு ஒரே போட்டி செஸ் அசிஸ்டெண்ட்தான். செஸ்பேஸ்தான் இப்போதைக்கு நிறைய வித்துண்டு இருக்கு, முக்கிய காரணம் கேஸ்பரோவ், க்ராம்னிக், ஆனந்த் முதற்கொண்டு ஒரு 2000 ELO ப்ளேயர் கூட இதை உபயோகிப்பதுதான், அட மத்தவங்களை விடுங்க, கேஸ்பரோவ் இதைதான் உபயோகிச்சுண்டிருக்கார்னா பாருங்க. Infact, கேஸ்பரோவ்கிட்ட நிறைய suggestions வாங்கிதான் chessbase 1.0 டெவலப் பண்ணினாங்க. கேஸ்பரோவ் மட்டுமே செஸ்ஸிற்கு கம்ப்யூட்டரை உபயோகித்து கொண்டிருந்த காலம் அது (பாட்வின்னிக்கோட (Botvinnik) ஐடியா. கேஸ்பரோ பாட்வின்னிக்கோட பிரதம சிஷ்யன்). கிட்டத்தட்ட Chessbase 1.0 கேஸ்பரோவின் personal useக்காகவே பண்ணின மாதிரி இருக்கு. செஸ்பேஸ் 9 தான் இப்போதைக்கு latest version.

செஸ் அசிஸ்டெண்ட், Convektaன்னு ஒரு ரஷிய கம்பெனி develop பண்ணுவது. பயங்கர powerful. அப்பிடியே ஜிகு ஜிகுன்னு எதுவும் interfaceலாம் இருக்காது, ஆனா ஒரு 5 மில்லியன் ஆட்டங்கள்ல ஒரு பொசிஷன் தேடறோமுன்னு வச்சிக்கங்க, உடனே நச்சுன்னு ரிசல்ட் காண்பிக்கும். பயங்கர fast. ஏகப்பட்ட features இருக்கு. அதையெல்லாம் கத்துக்கவே ஒரு மாசமாவது பிடிக்கும். வெர்ஷன் 8தான் latest.

செஸ்பேஸ் 9 ல ஒரு சில விஷயங்கள்தான் புதுசு. இதை பத்தி detailedடா இன்னொரு பதிவுல பார்ப்போம்.

Puzzle 9

2004-12-20T21:55:00.000-08:00

Puzzle 9. White to play & mate.

Puzzle 8 - ஒரு சின்ன விளக்கம்:

Puzzle 8 பொசிஷனில் கறுப்பு இராஜா கொஞ்சம் டேஞ்சர்ல இருக்காரு, கவனிச்சீங்களா? Back Rank mate threat இருக்கு. White இப்போ Rd8+ விளையாடுதுன்னு வச்சிப்போம், Blackனால Re8 விளையாடி இராஜாவை காப்பாற்ற முடியும் (f6ல் இருக்கும் குதிரை ரூக்குக்கு சப்போர்ட்). ஆனா, இப்போ அந்த ரூக் e6ல் இல்லைன்னு வச்சிப்போம், Rd8+ விளையாடி நம்ப c8ல் இருக்கும் bishopபை வெட்டலாம். அதாவது, 1)Rd8+ & 2)Rxc8. ஆக, இப்போ நம்பளோட ப்ளான் கறுப்பு ரூக் e8க்கு வராம தடுக்கணும் என்பதே. இதை மனசுல வச்சிண்டு இப்போ இன்னொரு தடவை போர்ட்டை பாருங்க, automaticகா எது strong moveனு உங்களுக்கே தெரியும்!

Solution: 1) Bc6!! 1-0

ஏன் Black ரிசைன் பண்ணினாரு? வொயிட்டின் இந்த பிஷப் மூவிற்க்கு பின்னால் உள்ள ஐடியா என்னவென்று பாருங்கள். வொயிட்டின் threat 2) Rd8+! இப்போ கறுப்பினால் Re8 விளையாட முடியாது, ஏன்னா வெள்ளை பிஷப் அதை வெட்டி விடும். அதே நேரம், கறுப்பினால் 1)...Rxc6?? விளையாட முடியாது, விளையாடினால், கறுப்பு இராஜாக்கு செக்மேட்தான்!! ( 1...Rxc6?? 2) Rd8+! Ne8 3) Rxe8#)

K.Venkatesh: கண்ணீர் அஞ்சலி

2004-12-20T03:51:00.000-08:00

25 வயதே ஆன K.வெங்கடேஷ் இந்த மாதம் (டிசம்பர்) 17ஆம் தேதி காலை மரணமடைந்தார். வெங்கடேஷுக்கு Duchenne Muscular Dystrophy (MD) எனப்படும் சதைகளை பாதிக்கும் கொடும் நோய். இந்த Duchenne வகையால் பாதிக்கப்பட்டவர்கள் 30 வயதை தாண்ட மாட்டார்கள் என்று மருத்துவர்கள் சொல்கிறார்கள். கொடுமையான விஷயம்!!! வெங்கடேஷ் ஒரு செஸ் ப்ளேயரும் கூட.

மருத்துவமனையில் அனுமதிக்கப்பட்டு இன்றோ நாளையோ என்ற நிலையிலும் வெங்கடேஷ் தனது உறுப்புகளை தானமாக எடுத்துக்கொள்ள சொல்லி வற்புறுத்தியிருக்கிறார். உயிருடன் (அதாவது மூளை தன் செயல்திறனை இழப்பது வரை) இருப்பவரிடம் இருந்து உறுப்புகளை எடுக்க சட்டம் இடம் கொடுக்காததால் தன்னை கருணை கொலை செய்யுமாறு சொல்லியுள்ளார்!!! ஆந்திரா அரசு அதை மறுத்துவிடவே மேல்முறையீடும் செய்திருக்கிறார். வெங்கடேஷின் கவலையெல்லாம் வெகு நாட்கள் இயந்திரங்களின் உதவியுடனேயே உறுப்புகள் இயங்கி கொண்டிருந்தால் கெட்டுவிடாமல் இருக்கவேண்டுமே என்பதுதான்! உடனே நம்ப ஆட்கள் ஒரு குழு அமைத்து அதை பற்றி விவாதியோ விவாதின்னு விவாதித்துக்கொண்டிருந்தபோதே MD வெங்கடேஷை விட்டு வைக்கவில்லை. உயிர் பிரிந்தவுடனே அவரின் கண்களை மட்டும் பாதுகாக்க முடிந்ததாம், மற்ற உறுப்புகள் அனைத்தும் வெங்கடேஷ் பயந்தவாறே infect ஆகி பயனில்லாமல் போயிருக்கிறது.

கிட்டத்தட்ட அனைத்து நாட்டிலும் Euthanasia எனப்படும் இந்த கருணைக் கொலை உண்டு. இந்தியாவிலும் இதை ஆதரிக்க ஒரு சட்டம் வேண்டும் என்று இப்பொழுது எல்லாரும் குரல் எழுப்பி உள்ளனர். இது சரியா தவறா என்பதெல்லாம் வேறு விஷயம், ஆனால் வெங்கடேஷ் தனது உறுப்புகளை தானமாக எடுத்துக்கொள்ளுங்கள் என்று கோர்ட் வரை போனது என்னை ரொம்பவே பாதித்தது!! தனது மகனின் மரணத்தை அருகிலேயே இருந்து ஒரு தாய் பார்ப்பது மாதிரி ஒரு கொடுமையான விஷயம் இருக்கவே முடியாது, வெங்கடேஷின் அம்மாவை என்னவென்று சொல்லி தேற்றுவது?! Deep condolences to K.Venkatesh's family and to all those who knew him.

Other articles on K.Venkatesh & the legal battle

Puzzle 8

2004-12-18T03:09:00.000-08:00

Puzzle 8. White to play & win (not mate).

Puzzle 7 சரியான விடை

நேஷனல் 'A' சேம்பியன்ஷிப்

2004-12-16T09:09:00.000-08:00

17 ரவுண்ட் முடிஞ்சிருக்கு. S.S.கங்குலியும் சந்தீபன் சந்தாவும் லீடிங்ல இருக்காங்க. தற்போதைய சேம்பியன் S.S.கங்குலி அது வரைக்கும் தோத்து போகாம நல்லா ஆடிண்டு இருந்துட்டு, 15ஆவது ரவுண்ட்ல M.R.வெங்கடேஷ்கிட்ட தோத்து போயிருக்கார். 24ஆவது மூவிலோ 25ஆவதிலோ வெங்கடேஷின் ஏதோ ஒரு மூவ்வை கவனிக்காம விட்டுட்டார்னு Hinduல படிச்சேன். அது என்னன்னு பார்ப்போம்னு games file தேடினா எங்கயுமே காணும்!!! அட, liveவா காண்ப்பிக்கலைன்னா கூட பரவாயில்லை, ஒவ்வொரு நாள் ஆட்டங்களையும் PGNனா தொகுத்து கொடுக்கலாம்ல?!!

Puzzle 7

2004-12-16T09:06:00.000-08:00

Puzzle 7. White to play and mate.

முந்தின புதிருக்கான விடை:

1.Rc8 Rxc8 [ 1...Bxc8 2.Qxd8#] 2.Rxc8 Kd7 [ 2...Bxc8 3.Qxd8#; 2...Qxc8 3.Qe7#] 3.Rxd8+ Rxd8 4.Qxd8+ Kc6+-

செஸ் anecdotes

2004-12-13T21:10:00.000-08:00

சமீபத்தில் முடிந்த ரஷியன் சேம்பியன்ஷிப் பற்றின interesting ரிப்போர்ட்கள்:

Chessbase reports (Excellent reports) : Part1, Part2, Part3 & Part4
Chesscafe reports
Some nice pictures in TWIC - Rd1, Rd2, Rd3, Rd4, Rd5, Rd6, Rd7, Rd9, Rd10 & Rd11 (Rd8 phots are missing)

இந்த மாதிரி ரிப்போர்ட்களில் என்ன ஒரு interesting விஷயம்னா உங்ளோட பேவரைட் ப்ளேயரை பற்றி நிறைய தெரிந்துக்கொள்ளலாம். கேஸ்பரோவ் ஆட ஆரம்பிப்பதற்கு முன்னால் இரண்டு விஷயங்கள் தவறாமல் செய்வாராம்: Watchசை கழட்டி டேபிளில் வைப்பது ஒன்று, தனது காய்களை சரியாக centre of squareல் அட்ஜஸ்ட் பண்ணுவது இரண்டாவது! இந்த மாதிரி விஷயமெல்லாம் அங்க நீங்க நேரே இருந்தா ம்ட்டும்தான் கவனிக்க முடியும். அதே மாதிரி கேஸ்பரோவ் கைக்கடிகாரத்தை எடுத்து கட்டிண்டுட்டாருன்னா, ஒண்ணு opponent இன்னும் கொஞ்சம் நேரத்துல resign பண்ண போறாருன்னு அர்த்தம், இல்லை இனிமேல் ஆடறதுக்கு ஒண்ணும் இல்லை, ட்ராதான்னு அர்த்தமாம்! இது நிஜமான்னு எனக்கு தெரியாது, ஒரு websiteல படிச்சது, ஆனா பயங்கர interesting.

Granda Zunigaன்னு Peru நாட்டை சேர்ந்த ப்ளேயர் ஒருத்தர் இருக்கார். அவரு ஒரு பயங்கர natural talent. திடீர்னு நடுவுல ஒரு இரண்டு வருஷம் விளையாடாம இருந்துட்டு திரும்பி 2001லயோ என்னமோதான் விளையாட ஆரம்பிச்சார். வந்தவுடனே Peru நேஷனல் சேம்பியன்ஷிப் ஜெயிச்சாரு. அவரை பத்தி நிறைய interesting anecdotes உண்டு. அவர் ஒப்பனிங்குக்கு அப்படீன்னு ஒண்ணும் ஸ்பெஷலா ப்ரிப்பேர் பண்ண மாட்டார், so, எப்பவுமே ஒப்பனிங் கொஞ்சம் தடவி தடவிதான் விளையாடுவார், ஆனா once ஒப்பனிங் தாண்டினவுடனே மனுஷன் பயங்கர ஸ்ட்ராங். ஒரு நாள் ஏதோ ஒரு டோர்னமெண்ட்டில் ஒரு ஆட்டம் ஆடுவதற்கு முன்னால், காரில் போய்கொண்டிருக்கும் போது அவரோட வந்துக்கொண்டிருந்த மேட்ச் refereeயிடம் "என்னோட இன்னிக்கு விளையாட போறவர் e4 ஒப்பனிங் விளையாடறவரா, இல்லை d4 விளையாடறவரா"ன்னு கேட்டராம். This probably didn't happen, ஆனா interestingகா இருக்கா இல்லையா? :) (ok, ok, I know I am an incorrigible gossip :p)

ஒரு காலத்துல வெறித்தனமா இந்த மாதிரி டீடெய்ல்ஸ்லாம் நிறைய collect பண்ணினேன். உங்களுக்கும் இந்த மாதிரி anecdotes ஏதாவது தெரியும்னா, please, எனக்கு அனுப்புங்க.

செஸ் உலகம், இந்த வாரம்!

2004-12-12T21:14:00.000-08:00

ஹிகாரு நகமுராவும் செர்ஜி கர்யாகினும் மெக்சிகோவில், ஆறு ஆட்டங்கள் கொண்ட மேட்ச் ஒன்று விளையாடிக் கொண்டிருக்கிறார்கள். இது வரை மூன்று ஆட்டங்கள் முடிந்துள்ளது. நகமுரா 2 ஆட்டங்களும், கர்யாகின் 1 ஆட்டமும் ஜெயிச்சுருக்காங்க. முதல் ஆட்டம் ட்ராலதான் முடிஞ்சிருக்கணும், ஆனா திடீர்னு initiative form பண்ணி நகமுரா முழு பாயிண்ட்டை அள்ளிண்டுட்டார். இரண்டாவது ஆட்டத்தில், நகமுரா centre counter விளையாண்டார். இது இவ்வளவு high levelல விளையாடற opening கிடையாது, generally considered an unsound thing. ஆனா என்னோட levelல இந்த மாதிரி ஒப்பனிங்லாம்தான் நல்ல chances கொடுக்கும். பயங்கர informative game. மூணாவது ஆட்டத்தில் நகமுரா தேவையில்லாம ரொம்ப passiveவா விளையாண்ட மாதிரி இருந்தது. So கர்யாகின் கொஞ்சம் கொஞ்சமா நகமுராக்கு pressure கூட்டிண்டே வந்து கடைசில நகமுராவை ரிசைன் பண்ண வைத்தார்.

ரஷியன் finalsல் விளையாடாம ஒதுங்கிண்ட கார்ப்போவ் க்ராண்ட் ப்ரீ டோர்னமெண்ட் ஒன்றில் விளையாடினார். அவர்தான் டோர்னமெண்ட் வின்னர். அவரோட விளையாண்டவங்க கொஞ்சம் வீக்தான். Kostenuikகும் Stefanovaவும் முதல் ரவுண்டிலேயே அவுட். வர வர கார்ப்போவ் வெறுமனே பைசாவுக்கு மட்டுமே விளையாடற மாதிரி இருக்கு..ஆனா, அவர் சாதிக்கறதுக்கு இன்னமும் எதுவும் இல்லை, so அவர் பண்ணறதுல எதுவும் தப்பு இல்லைன்னுதான் நினைக்கிறேன். 1970-1995 வரைக்கும் அவர் one of the most feared opponents. இப்பவும், இவ்வளவு வருஷங்களுக்கு அப்புறமும் அவர் அதே மாதிரி விளையாடுவார்னு எதிர்பார்க்கறது தப்பு.

டிசம்பர் 11 ஆனந்த்தோட 35வது பிறந்த நாள். (இதை chesstoday issue மூலம்தான் நான் தெரிஞ்சுண்டேன். நம்ப AICF ஒரு மண்ணும் பண்ணின மாதிரி தெரியலை!). Chess Oscar 2003 வின் பண்ணினது ஆனந்துதான். இந்த வருஷமும் அவர் ஜெயிக்கறதுக்கு நிறைய வாய்ப்பிருக்கு. ACP Tour ரேட்டிங்கிலும் ஆனந்த்தான் லீடிங். ஜனவரியில் நடைபெற இருக்கும் Corus டோர்னமெண்ட்டை ஜெயிக்கவும் ஆனந்துதான் favorite! என்ன ஒரு கலக்கல் records!!?? இவ்வளவையும் ஒரு ஒழுங்கான coach கூட இல்லாம ஆரம்பிச்ச ஆனந்த சாதிச்சிருக்காருன்னா அவரோட talent levelலை பாருங்க!!! Masters of Doom புத்தகத்தில் சொல்லுவது போல், ஆனந்தை நேரே பார்த்தா "We are not worthy! We are not worthy!" ன்னுதான் நான் புலம்புவேன்னு நினைக்கிறேன்..! (கேஸ்பரோவ்வையோ இவான்சுக்கையோ நேரே பார்த்தேன்னா அந்த சந்தோஷத்தில் straightடா மயக்கம்தான்!!)

குறுக்கு வழி??

2004-12-09T00:01:00.000-08:00

இந்த 1500-1900ELO ரேஞ்ச்ல இருக்கிறது ஒரு பெரிய கடி. ஒப்பனிங்லாம் நல்லா விளையாடியாச்சு, எல்லா காய்களையும் வெளியே கொண்டு வந்தாச்சு, இது வரைக்கும் ஒரு காயையும் வெட்டுகொடுத்துடலை, எல்லாமே நல்லா போயிட்டு இருக்குன்னு சந்தோஷப்படும்போதுதான் திடீர்னு opponent ஒரு 3 மூவ் காம்பினேஷன்ல உங்க இராணியை வெட்டுவார். அப்போ என்னடா இழவு இதுன்னு ஒரு எரிச்சல் வரும் பாருங்க, ரொம்ப கொடுமை. இந்த மாதிரி தோக்கற ஒவ்வொரு தடவையும் யாராவது உங்களுக்கு ஒரு ரூபா கொடுக்க்றாங்கன்னு வச்சிப்போம், நான் இந்நேரம் at least ஒரு லட்சாதிபதியாவது ஆயிருப்பேன் :)

சோகத்தை மறக்க தண்ணியடிக்கிற மாதிரி, கேவலமா தோத்தவுடனே Landmark போய் ஒரு செஸ் புக் வாங்கிண்டு வந்துடுவேன். என்னமோ அந்த புக்கை படிச்சவுடனே நான் செஸ்ல பெரியா ஆளாயிடற மாதிரி! இப்போ நூறுக்கு மேலே செஸ் புத்தகங்கள் சேர்ந்ததுதான் மிச்சம். :( என்னோட ஆட்டம் முன்னாடி இருந்ததுக்கு இப்போ நல்ல இம்ப்ரூவ் ஆயிருக்குன்னாலும், ஒரு consitency இல்லாம இருக்கு! உதாரணத்துக்கு, கேஸ்பரோவ் ஒரு ஆட்டம் கேஸ்பரோவ் மாதிரியும், இன்னொரு ஆட்டம் என்னைய மாதிரி கேவலமாகவும் விளையாடறார்னா எப்படி இருக்கும்?!! அந்த நிலைமையில்தான் நான் இருக்கேன. எல்லா sub-2000 ப்ளேயர்களும் நான் சொல்லுவதை ஒரு தடவையாவது உணர்ந்திருப்பாங்க! (நான் கேஸ்பரோவை ஒரு உதாரணத்துக்குத்தான் சொன்னேன், நான் கேஸ்பரோ மாதிரின்னு எல்லாம் சொல்ல ட்ரை பண்ணலை!!)

Michael De La Mazaன்னு ஒருத்தர் 1400 ரேட்டிங்ல இருந்து 2000+ க்கு improve ஆனதை "Rapid Chess Improvement"னு ஒரு புக்கா எழுதினார். புக்ல எதுவும் புதுசா சொல்லலை. தினமும் ஒரு இரண்டு மணி நேரம் tacticsல வொர்க் பண்ணுங்கன்றதைதான் அவர் நீட்டி முழக்கி சொன்னார். ஆனா அதுக்கு ஒரு பயிற்சி முறை சொல்லிருக்கார். இதுக்கு போய் ஒரு 800 ரூபாய் செலவழிக்கணுமான்னு இருக்கு. ஜெரேமி சில்மான் இந்த புக்கை கிழி கிழின்னு கிழிச்சுட்டார், ஒரு வேளை De la Maza இவரோட புக்கை ("How to reassess your chess") வேஸ்ட்டுன்னு சொன்ன கோபமா இருக்கலாம். Rapid Chess improvementனு இந்த புக் சொன்னாலும், குறைஞ்சது ஒரு வருஷமாவது tacticsல concentrate பண்ண வேண்டியிருக்கும். குறுக்கு வழியெல்லாம் எதுவும் கிடையாது. ஒரு வருஷம், டெய்லி இரண்டு மணி நேரம்......தவறாம இந்த schedule follow பண்ண முடியும்னு தோணலை!!

ரவுண்ட் அப்

2004-12-08T21:59:00.000-08:00

எதிர்பார்த்த மாதிரியே இந்த தடவை U.S Championship ஜெயிச்சது ஹிகாரு நகமுராதான் (Hikaru Nakamura). 16 வயசுதான். நல்ல திறமையான ப்ளேயர். ஆனா, வாய்தான் கொஞ்சம் அதிகம் :) ஹிகாரு யாரோடயும் சேர்ந்து practice பண்ண மாட்டார். ஏன் அப்படின்னு ஒரு பேட்டில கேட்ட போது "இப்போ இருக்கிற top U.S GMs எல்லாரும் வேற வேற countryல இருந்து இங்க வந்து settle ஆனவங்க. அவங்களோட ப்ராக்டிஸ் பண்ணினா அவங்க என்னோட preparationsலாம் வெளியே சொல்ல மாட்டாங்கன்னு என்ன நிச்சயம்?"னு சொன்னது, கொஞ்சம் இல்லை, ரொம்பவே ஒவர். இந்த மாதிரி மத்த strong GMsசோட work பண்ண மாட்டேன்னு இருந்தா 2700 க்ராஸ் பண்ணறது கஷ்டம்தான். ஆனா, தனியா prepare பண்ணியே 2650+ க்ராஸ் பண்ணிருக்காருன்னா....கலக்கல்தான்! காம்ஸ்கி திரும்பி விளையாட வந்தது பெரிய நியூஸ், ஆனா அவர் ஒண்ணும் சொல்லிக்கிற மாதிரி எதுவும் பண்ணலை. அடுத்து வேற எங்கயாவது விளையாடறதுக்கு இதை ஒரு ப்ராக்டிஸ் டோர்னமெண்ட்டாத்தான் எடுத்துண்டு இருக்காருன்னு நினைக்கிறேன்.

நம்ப ஊர் ஹரிகிருஷ்ணா World Junior Championship ஜெயிச்சுருக்கார் . டோர்னமெண்ட் முழுக்க பயங்கர solidடா விளையாடினதை பார்க்கும்போது, 2700க்கு மேலே போறதுக்கு இன்னொரு ப்ளேயரும் இருக்காருன்னு சந்தோஷமா இருக்கு. ஆனா, சசிகிரண் மாதிரி ஹரியும் 2650ல போய் முட்டி நின்னுட கூடாது. 2650க்கு மேலே ஒவ்வொரு பாயிண்டும் எடுக்கறது பயங்கர கஷ்டம்தான், முன்ன மாதிரி வாய்ப்புக்களும் கிடையாதுதான், ஆனாலும், 2650க்கு மேலே இரண்டு பேர்தான் இந்தியர்ன்றது மாறினதுன்னா நல்லா இருக்கும்! கொனெரு ஹம்பி ஆண்கள் பிரிவுல விளையாடினது நல்ல விஷயம், ஆனா தர்ம அடி வாங்கினது நல்லா இல்லை. ஹம்பி ஒரு மாதிரி saturate ஆயிட்டாங்கன்னுதான் எனக்கு தோணுது.

Puzzle 6

2004-12-03T04:15:00.000-08:00

Puzzle 6. White to move and win.

Puzzle 5க்கான சரியான விடை. பரணீதரன், கலக்கறீங்க!

Puzzle 5

2004-12-01T03:55:00.000-08:00

Puzzle 5. White to play and mate.

முந்தின Puzzleன் விடை: Puzzle 4க்கான பின்னூட்டத்தை பாருங்க. MK கரெக்ட்டான விடையை கொடுத்திருக்கிறார்.

ரோகிணி பாவம்!

2004-12-01T01:12:00.000-08:00

இந்த மாதம் (டிசம்பர்) பலன்களை பார்க்கும் ஆவல் திடீர்னு வந்ததால், யாஹு Astrology பக்கம் போனேன். ரிஷபத்துக்கு ஒண்ணும் சொல்லிக்கிற மாதிரி போடலை. சரி, நம்பாட்கள் என்ன சொல்லுறாங்கன்னு பார்ப்போம்னு சக்தி விகடனின் பலன்கள் பக்கம் போனேன். "தெளிவு பிறக்கும்!"ன்னு தலைப்பை பார்த்தவுடனேயே, இதை இதைதான் எதிர்பார்த்தேன்னு கொஞ்சம் enthu வந்தது. இந்த குரு, சனி எல்லாரும் இந்த மாசம் எனக்கு ரொம்ப உதவி செய்யறாங்களாம். என்னுடைய பராக்கிரமம் (?!) வெளிப்படுமாம், அதே மாதிரி "அலுவலக ஊழியர்கள் பதவி உயர்வு காண்பர்"னவுடனே ஒரே சந்தோஷம். என்னமோ என்னோட 2nd level manager என்னைய கூப்பிட்டு உடனே 1st level manager ஆக்கற மாதிரி கனவெல்லாம் வர ஆரம்பிச்சுடுச்சு. நான் ஓவரா பல்லை காண்பிச்சது ஜோதிஷபூஷணம் வே.லட்சுமணனுக்கே பொறுக்கலைன்னு நினைக்கிறேன், "ரோகிணி நட்சத்திரத்தில் பிறந்தவர்களுக்கு கொஞ்சம் கம்மியாத்தான் பலன்கள் கிட்டும்"னு கடைசில ஒரு குண்டை தூக்கி போட்டார்...ஆஆஆஆஆஆ!! இவ்வளவு நேரமும் அது நடக்கும், இது நடக்கும்னு கண்ட கனவெல்லாம் வேஸ்ட்!! ஆனாலும் இது ரொம்ப அநியாயம்! ரோகிணி மட்டும் என்னங்க பாவம் பண்ணிச்சு?

ஆனா, பெரியவர் சொல்றார், அதனால இந்த மாசம் கொஞ்சம் அடக்கி வாசிக்கறதுன்னு இருக்கேன். ஒவ்வொரு வாரமும் அஞ்சு படமாவது பார்க்கணும்ன்ற policyக்குதான் முதல்ல வேட்டு (இப்போ 3 மட்டுமே அலோவ்ட்!). ஒரு Maxtor 300GB external hard disk வாங்கலாம்னு ஐடியா வச்சிருந்தேன், ம்ஹூம், அடுத்த மாசம் பார்த்துக்கலாம். Office டைம்ல அடிக்கிற O.Bயையும் கொஞ்சம் குறைக்கணும். ஏற்கனவே செஸ் புத்தகங்களுக்கு நிறைய்ய்ய்ய போன மாசம் செலவழிச்சுட்டேன், அதுனால இந்த மாசம் அதுவும் பாதியா கட்!

பி.கு 1 : செஸ் பற்றின வலை பூவில் "என்னடா இது சம்பந்தமே இல்லாம?"ன்னு நினைச்சீங்கன்னா, முந்தின பத்தியின் கடைசி வரியை திரும்பி படிக்கவும்! :)

பி.கு 2 : இன்னும் Astrology Zoneல என்ன போடறான்னு பார்க்கலை. பார்க்கணும்!

பி.கு 3 : என்னோட ரோகிணிக்கும், நம்ப "மகளிர் மட்டும்" ரோஹிணிக்கும சம்பந்தமே இல்லைங்க.

Puzzle 4

2004-11-30T01:58:00.000-08:00

Puzzle 4. White to play and mate in 2.

D.O.P 3யின் விடை: 1) Qxf6+ Nxf6 2) Bxf6# ["#" என்பது Checkmateடை குறிக்கும். ]

கேஸ்பரோ::ரஷியன் சேம்பியன்

2004-11-28T03:46:00.000-08:00

பத்தாவது சுற்றின் முடிவிலேயெ இந்த டோர்னமெண்ட் வின்னர் யாருன்னு தெரிஞ்சு போச்சு. வேற யாரு, கேஸ்பரோதான்! இந்த சுற்றில் கேஸ்பரோவும் மொரோசெவிச்சும் விளையாடினார்கள். Slav ஒப்பனிங். கேஸ்பரோ ஓப்பனிங்கில் நல்லா விளையாடி அட்வான்டேஜில் இருந்தாரு. ஒரு ஸ்டேஜில் மொரோசெவிச் தோத்துடுவார்னுதான் நினைச்சேன். ஆனா, மொரோசெவிச் நல்லா defend பண்ணி ஒரு அரை பாயிண்ட் எடுத்துட்டார். பெரிய விஷயம்தான், ஏன்னா அவரோட பொசிஷன் ஆரம்பத்துல அவ்வளவு கேவலமா இருந்தது! கேஸ்பரோக்கு ஒரு பாயிண்ட் பின்னாடி இருந்த Grischuk, Korotylevகிட்ட தோத்து போயிட்டாரு, அதுனால ஒரு ட்ராவே கேஸ்பரோக்கு இந்த டோர்னமெண்ட்டை ஜெயிக்க போதுமானதாக இருந்தது. Tseshkovsky Dreevகிட்ட தோத்து போனார். அவரி -5 எடுத்து கடைசில இருக்கார். ஆனா டோர்னமெண்ட்டை interestingகா வச்சிருந்ததுக்காக அவருக்கு ஒரு ஸ்பெஷல் ஷொட்டு. அடுத்த சுற்றில் அவர் bye. Epishin - Svidler ட்ரா. Epishin பயங்கர creativeவா விளையாடி ட்ரா பண்ணிடறாரு!! Motylev - Timofeevவும் ட்ரா.

Standings after Round 10

11வது சுற்றில் கேஸ்பரோவும் Grischukகும் ட்ரா பண்ணிண்டுட்டாங்க. ஒப்பனிங்கை தாண்டும்போது Grischukகுக்கு கொஞ்சம் அட்வான்டேஜ் இருந்தது, ஆனா அதை ஒழுங்கா follow-up பண்ணாம் விட்டுட்டார். கேஸ்பரோ, இந்த ட்ராவையும் சேர்த்து, பத்து ஆட்டத்துல இருந்து 7.5 பாயிண்ட்ஸ் எடுத்திருக்கார். அது கிட்டத்தட்ட 2855 ரேட்டிங் performance. இன்னும் கேஸ்பரோ அவரோட 100% formக்கு வரலைன்னுதான் நினைக்கிறேன், இல்லைன்னா இது நிச்சயம் 3000 வரை போயிருக்கும். ஆனா, rustyயா இருக்கும்போதே இவ்வளவு ஸ்ட்ராங் டோர்னமெண்ட்டில் +5 ஸ்கோர் எடுக்க கேஸ்பரோ ஒருத்தரால் மட்டும்தான் முடியும்!! Svidlerக்கு எதிரா Dreev Sicilian விளையாண்டார். இது ரொம்ப ஆச்சரியமான விஷயம், ஏன்னா Dreevவோட strong point Sicilian கிடையாது, ஆனா அதே சமயம் Svidlerக்கு Sicilian ரொம்ப பழகின ஒப்பனிங். எதிர்பார்த்த மாதிரியே, ஆரம்பத்துல Dreev பண்ணின சில inaccurate மூவ்களை exploit பண்ணி ஸ்விட்லர் ட்ரீவ்வை தோக்கடிச்சுட்டார். Morozevich - Motylev 1-0. இந்த ஆட்டத்துல மொரோசெவிச்சோட ட்ரேட்மார்க்கான tactical shotsலாம் எதுவும் இல்லை, ஆனா அருமையான ஒரு squeeze game இது. Bareev - Korotylevவும் 1 - 0. Timofeev - Epishin ட்ரா.

Standings after Round 11 (Final round)

இந்த கேஸ்பரோ ரொம்ப மோசம்!

2004-11-26T07:34:00.000-08:00

இந்த கேஸ்பரோ ரொம்ப மோசம். தினமும் இப்படி ஜெயிச்சுண்டே இருந்தா, அவரை பத்தி என்னதாங்க வித்தியாசமா சொல்றது?! :-) அவரு back to formமா, இல்லை அவருக்கு எதிரா விளையாடறவங்க தப்பா ஆடறாங்களான்னு தெரியலை, அவரு பாட்டுக்கு பாயிண்ட் மேலே பாயிண்ட்டா எடுத்துண்டே இருக்காரு நேத்து Timofeevவோட, அதான் அந்த 19 வயசு பையன், ஆடினார். மேலே இருக்கிற படத்தை பாருங்க. குட்டியூண்டு Timofeevக்கு முன்னாடி வலது பக்கம் தலைவர் மலை (சிங்கம்!?) மாதிரி உட்கார்ந்திருக்கிறதை! அவன் கேஸ்பரோ எதிரே உட்கார்ந்தவுடனே பயந்துட்டான்னு நினைக்கிறேன், பயங்கர passive கேம் விளையாடினான். கேஸ்பரோக்கு இந்த மாதிரியெல்லாம் சான்ஸ் கொடுத்தா நடக்குமா, சொல்லுங்க, அவர் பயங்கர preciseசா Timofeevவின் பொசிஷனை கொஞ்சம் கொஞ்சமா கஷ்டமாக்கி கடைசில ரிசைன் பண்ண வச்சுட்டார். தலைவர் இப்போ +5ல இருக்கார்!!! இன்னிக்கு அவர் மொரோசெவிச்சோட ஆடணும். இன்னிக்கும் ஜெயிச்சாருன்னா கலக்கலா இருக்கும்.

நேத்து ஆட்டத்துல கேஸ்பரோகிட்ட தோத்ததுனாலயா என்னன்னு தெரியலை, Svidler இன்னிக்கு ரொம்ப மோசமா விளையாண்டாரு. செஸ்ல வெறுமனே உங்களுக்கு திறமை இருந்தா மட்டும் போதாது. கொஞ்சம் பதறாம cool headedடாவும் இருக்கணும்னு பெரியவங்க சொல்லிருக்காங்க. இதை Nervesனு சொல்லுவாங்க! இப்போ, ஏற்கனவே ஒரு பயங்கர மோசமான போர்ட் பொசிஷன்ல, இன்னும் நீங்க 10 மூவ் விளையாடணும், ஆனா ஒரு நிமிஷம்தான் டைம் இருக்குன்னு வச்சிக்குங்க, நீங்க பாட்டுக்கு இந்த டென்ஷன்ல போர்ட்டையெல்லாம் தூக்கி opponentடை அடிச்சிர கூடாது. (அட, நான் காமெடி பண்ணலை, நிஜம்மாவே இதெல்லாம் நடந்துருக்கு!) அப்போ கூட, அந்த tensionலயும் கரெக்டான மூவ்வை கண்டுப்பிடிக்கிறது தனி திறமை! அது நம்ப Vassily Ivanchukக்கு கிடையாது. அது மட்டும் இருந்திருந்தா, அவருக்கு இருக்கிற செஸ் understandingகுக்கு அவருதான் இப்போதைக்கு ELO listல முதல்ல இருந்திருக்கணும்!! நேத்து Svidler கதையும் அந்த மாதிரிதான் ஆயிடுச்சுன்னு நினைக்கிறேன். கேஸ்பரோகிட்ட தோக்கறது ஒண்ணும் பெரிய விஷயம் இல்லை (எல்லாரும்தான் அவர்கிட்ட தோக்கறாங்க. இவர் மட்டுமா தோத்தாரு?), ஆனா அது பயங்கர unnervingகா இருந்திருக்கும் என்பது உண்மை!

மற்றொரு ஆட்டத்தில் Grischuk Bareevவை தோக்கடித்தார். So இப்போதைக்கு கேஸ்பரோக்கு ஒரு பாயிண்டு பின்னாடி இருக்காரு Grischuk. இன்னிக்கு ஆட்டத்துல அவரு Korotylevவோட விளையாடணும். ஜெயிக்கணும்னு ஒரு வெறியோடதான் நிச்சயம் ஆடுவார். சில நேரம் எனக்கு Bareevவை பார்த்தா பயங்கர ஆச்சரியமா இருக்கும், அவரோட ரேட்டிங் 2715, அந்த ரேட்டிங்குக்கு போறதெல்லாம் லேசுபட்ட காரியம் இல்லை, ஆனாலும் பார்த்தீங்கன்னா திடீர் திடீர்னு ஒரு 2600 ப்ளேயர்கிட்டயோ, இல்லை ஒரு 2500 ப்ளேயர்கிட்டயோ நான் விளையாடற ரேஞ்சுக்கு கேவலமா விளையாடி தோத்து போவாரு!! மனுஷன் எப்படிதான் இன்னும் 2700க்கு மேலே ரேட்டிங்கை தக்க வச்சிண்டிருக்காரோ தெரியலை (இதுக்குத்தான் நம்ப வெங்கட் ஒரு பயங்கர theory ஒண்ணு ப்ரொபோஸ் பண்ணினார்). Korotylev மொரோசெவிச்சுக்கிட்ட (என்னமோ மொரொ "சேவிச்சுண்டு"ன்னு சொல்ற மாதிரி இருக்குல்ல?! :-)) தோத்து போனார். மொரோசெவிச்சுக்கு இது லக்கி வின். Korotylev சுலபமா ட்ரா பண்ணிருக்கலாம், ஆனா கடைசில போய் ஒரு சொதப்பு சொதப்பி முழு பாயிண்ட்டையும் தாரை வார்த்துட்டார். Tseshkovsky - Epishin ட்ரா. Epishinன்ற பேரை "ட்ரா"ன்ற வார்த்தைக்கு பதிலா உபயோகிக்கலாம்னு நினைக்கிறேன் ("Don't try to Epishin me!")!!

Standings after Rd 9

50 - 50 டீல்!?

2004-11-25T05:52:00.000-08:00

கேஸ்பரோ திரும்பி formக்கு வந்தாச்சு!! நேத்து Svidlerரை தோக்கடிச்சு கேஸ்பரோ இப்போ +4 வந்துட்டார். Svidler நான் ஏற்கனவே வேறொரு பதிவுல சொன்ன மாதிரி, பயங்க Strong ப்ளேயர். ஆனா அவர் நேத்து விளையாண்ட விதம் ஒரு மாதிரி unlike-Svidlerரா இருந்தது. ஒரு வேளை கேஸ்பரோவும் Svidlerரும் ஆட்டத்துக்கு முன்னாடியே "50-50 எடுத்தக்கலாம்"னு deal போட்டுட்டாங்களோ? எது எப்படியோ, கேஸ்பரோ ஜெயிச்சுட்டாரு. அவர் மீதி இருக்கிற ஆட்டங்களை ட்ரா பண்ணினாலே அவரு இன்னும் கொஞ்சம் ELO பாயிண்ட்ஸ் எடுத்து திரும்பி 2800க்கு மேலே போயிடுவார். ஆனந்த் முதல் இடத்துக்கு வந்துடுவார் போல இருக்கேன்னு எல்லாம் நினைச்சுண்டு இருக்கும்போதே, "அதெல்லாம் சான்ஸ்சே இல்லை"ன்ற மாதிரி கேஸ்பரோ தன்னோட ரேட்டிங்கை கூட்டிண்டுட்டார். ஆனா ஒண்ணு, எனக்கு personalலா ஆனந்த் ஒரே ஒரு தடவையாவது ELO listல முதல்ல வரணும்னு ஆசை. அவர் World Champion ஆகலைன்னா கூட, கிட்டத்தட்ட 20 வருஷமா ரேட்டிங் லிஸ்ட்ல முதல்ல இருந்த கேஸ்பரோவை முந்தின ஒரே ஆள் அப்படின்னாவது செஸ் ஹிஸ்டரியில் அவர் பேர் இருக்குமில்லையா?! அதே மாதிரி, நம்ப latest favorite, Tseshkovskyக்கு டோர்னமெண்ட்டில் கடைசி பரிசுன்னு எதுவும் கிடையாதுன்னு யாராவது சொன்னா தேவலை, அவரு பாட்டுக்கு எல்லார்கிட்டயும் தோத்துண்டு இருக்கார். நேத்து தோத்து போனது Motylevகிட்ட. பேசாம நானும் போய் அவரோட விளையாடலாம்னு இருக்கேன். யார் கண்டா, அவரு என்கிட்டயும் தோத்தாலும் தோப்பார் (அட, ஒரு பேச்சுக்குத்தான்!).

Timofeev Korotylevகிட்ட தோற்றுப்போனார். இத்தனைக்கும் ஆரம்பத்துல ஒரு நல்ல பொசிஷன்ல இருந்து கொஞ்சம் கொஞ்சமா மோசமாகி தேவையில்லாம ஒரு பாயிண்டை விட்டார். Dreev நம்பளோட ட்ராமாஸ்டர் Epishinனை எப்படியாவது ஜெயிச்சுடணும்னு முயற்சி செஞ்சு பார்த்தார். ம்ஹூம், பப்பு வேகலை. ஆட்டம் ட்ரா. Bareevவும் Morozevichசும் மத்த எல்லா காய்களையும் exchange பண்ணிண்டு, ஒரு Bishop endgameல ட்ரா பண்ணிண்டாங்க. ஆக, இப்போ கேஸ்பரோ +4லயும், Grischuk +2லயும், Dreev +1லயும், Timofeev/Bareev/Svidler/Korotylev/Motylev +0லயும், Epishin -1லயும், Morozevich -2லயும், Tseshkovsky -4லயும் இருக்காங்க. கேஸ்பரோவை இனிமேல் யாராலயும் நிப்பாட்ட முடியாது. அவரு கிட்டத்தட்ட இந்த டோர்னமெண்ட்டை ஜெயிச்சுட்டாருன்னுதான் சொல்லணும். இன்னிக்கு அவரு Motylevவோட விளையாடணும். இதுலயும் ஒரு பாயிண்ட் எடுத்தாருன்னா அவருக்கு இப்பவே கப்பை கொடுத்து கைத்தட்டி வீட்டுக்கு அனுப்பிச்சுடலாம்.

Standings after Rd 8

உலகத்துல வேறு என்னதான் நடக்குது?

2004-11-23T21:25:00.000-08:00

U.S (நேஷனல்) சேம்பியன்ஷிப் நேற்று ஆரம்பித்தது, இன்றுதான் முதல் சுற்று. இதில் Gata Kamsky, Hikararu Nakamura, Kaidanov, Onishchuk, Larry Christiansen, Joel Benjamin போன்ற பெரிய தலைகள் அனைவரும் விளையாடுகிறார்கள். இதில இந்த தடவை ஜெயிப்பதற்கு வாய்ப்புகள் அதிகம் இருப்பது Nakamuraக்குதான். Nakamuraக்கு 17வயசுதாங்க ஆகுது!! 17 வயசுல நான் 3 மூவ், 5 மூவ்ல எல்லாம் mate ஆயிண்டு இருந்தேன் :( இந்த U.S சேம்பியன்ஷிப் வலைத்தளத்தை வடிவமைத்து, அதை maintain பண்ணுவது Mig Greengard. இவரை பற்றி ஏற்கனவே ஒரு பதிவுல சொல்லிருக்கேன். இவரோட Chess Ninja வலைத்தளம் செஸ் ஆர்வலர்கள்கிட்ட (யப்பா, ரொம்ப நாளைக்கு பிறகு ஒரு நல்ல தமிழ் வார்த்தை!) நல்ல famous (அதானே பார்த்தேன்!). அதே மாதிரி, காம்ஸ்கி திரும்பி செஸ் விளையாட வந்திருக்காரு. காம்ஸ்கி பயங்கர strong, இப்போ ரொம்ப நாள் seriousசா எதுவும் விளையாடாததால் கொஞ்சம் டச் விட்டு போயிருக்கும். அவர் 1996ல கார்ப்போவ்வோட FIDE World Championship titleக்கு எல்லாம் விளையாடிருக்கார். (அந்த FIDE World Championshipபை யாருமே மதிக்கவில்லை என்பது வேறு விஷயம்!)

நம்ப கொச்சின்லயும் ஒரு செஸ் டோர்னமெண்ட் நடந்துண்டு இருக்கு, World Junior Championship. Juniorனா 20 வயசுக்கு கம்மியானவங்க, ஏதோ குழந்தைங்க டோர்னமெண்ட்டுன்னு நினைச்சிக்காதிங்க. இதுல நம்ப ஊரு GMs ஹரிகிருஷ்ணா, கொனேரு ஹம்பி, WGM ஹரிகா விளையாடறாங்க. Humpy ஆண்கள் பிரிவுல விளையாடுகிறார். ஆறு சுற்றுக்களுக்கு பிறகு ஹரிகிருஷ்ணா முன்னணில இருக்காரு. எப்போ நம்ப ஆட்கள் இந்த மாதிரி டோர்னமெண்டுகளுக்கு ஒழுங்கான ஒரு வலைத்தளம் design பண்ண போறாங்களோ தெரியலை...உதாரணத்துக்கு இந்த ஹரிகாவோட personal details பக்கம். என்ன நம்ப ஊருல ஒழுங்கா Web design பண்ண தெரிஞ்சவங்களா இல்லை?! எல்லாத்தையும் இப்படி chessindia.orgலயே host பண்ணி, ஒரு drab interface கொடுத்து ரொம்ப amateurishசா பண்ணுறாங்கன்னுதான் சொல்லணும்.

Chess is a violent game!

2004-11-22T23:32:00.000-08:00

Tseshkovsky - Kasparov (c) Chesspro.ru

அப்படியே கட்டிலில் மல்லாக்க படுத்துண்டு, computerரை நெஞ்சில் முட்டுக்கொடுத்து வைத்து ஏதாவது தின்றுக்கொண்டே கேஸ்பரோவ் ஜெயிக்கறதை ICCயில் பார்ப்பதில் உள்ள சுகம் அட அட அட...அனுபவித்தால்தான் புரியும். நேத்து ஒரு 4 மணி நேரம் "நாளைக்கு ஒரு presentation இருக்கே, deadline வேற பக்கத்துல வந்துடுச்சே!" அப்படின்ற கவலையெல்லாம் மறந்து நான் ICCலயும் Playchessலயும் ஐக்கியமாயிட்டேன்னா பாருங்க, அவ்வளவு இன்ட்ரெஸ்டிங்கா இருந்தது நேத்து ஆட்டங்கள்!!

அதுலயும், இந்த Tseshkovsky இருக்காரே...அம்மா! அவருக்கு 60 வயசுன்னா யாரும் நம்ப மாட்டாங்க...அவரு பாட்டுக்கு World #1 கேஸ்பரோவோட விளையாடறோம், பார்த்து ஜாக்கிரதையா விளையாடணும்னெல்லாம் கவலையே படாம, பயங்கர attacking ஆட்டம் ஆடினார்! அதுவும் கேஸ்பரோவோட இஷ்ட ஓப்பனிங்கான Sicilian Scheveningenலயே (சிசிலியன் ஷவெனிகன்) !!

(3) Tseshkovsky,V (2577) - Kasparov,G (2813)
[B84]57th ch-RUS Moscow RUS (7),
22.11.2004

1.e4 c5 2.Nf3 d6 3.d4 cxd4 4.Nxd4 Nf6 5.Nc3 a6 6.Be2 e6 7.0-0 Be7 8.a4 Nc6 9.Be3 0-0 10.f4 Qc7 11.Kh1 Re8 12.Bg1 Bd7 13.Nb3 b6 14.Bf3 Rab8 15.Qe2 Nb4 16.e5 Nfd5 17.Nxd5 Nxd5 18.Be4 b5 19.Nd4 g6 20.f5 exf5 21.Bxd5 dxe5 22.Nxf5 Bxf5 23.Rxf5 gxf5 24.Qh5 Bf8 25.Qxf5 Bg7 26.Ra3 e4 27.Rh3 h6 28.Rg3 Qe5 29.Bxf7+ Kh8 30.Qg6 Rf8 31.axb5 axb5 32.Bd5 Rf1 33.c3 Rbf8 34.h3 Qf6 35.Bxe4 Qxg6 36.Rxg6 Re8 37.Bd3 Rd1 38.Rd6 Bf8 39.Bg6 Bxd6 0-1

21)...dxe5 க்கு பிறகு Tseshkovsky ஒரு முழு piece upபா இருந்தாரு, அவர் சிம்பிளா இந்த அட்வான்ட்டேஜ்ஜை தக்க வச்சிண்டிருந்தாலே கேஸ்பரோவுக்கு ரொம்ப கஷ்டமாயிருக்கும். ஆனா, நம்ப Tsheshkovskyக்குதான் fighting spirit ரொம்ப ஆச்சுதே..அவருகிட்ட இருந்த extra pieceசை exchange, அடுத்து ஒரு ரூக்கை sacrificeன்னு விளையாடி கேஸ்பரோவோட king sideடை நிர்மூலமாக்கிட்டார். நிஜம்மா சொல்றேங்க, இந்த மூவ்களை நேரிடையா பார்த்த போது எனக்கு கிடைத்த ஒரு adrenaline rush எனக்கு ஒரு சில விஷயங்களை தவிர எதிலும் கிடைச்சதில்லை!!

செஸ் ஒரு violent கேம். வெறுமனே ஒரு போர்ட்டுக்கு முன்னாடி இரண்டு ஆளுங்க உட்கார்ந்த்து வெட்டித்தனமா பொழுது போக்கறாங்கன்னு யாராவது நினைச்சிங்கன்னா, sorry, you cannot be more wrong! செஸ்ல கேஸ்பரோவ், Fischer, லாஸ்கர் மாதிரி பெரியாட்கள்லாம், பெரியாட்கள் ஆக காரணமே அவங்ககிட்ட இருந்த அந்த ஒரு killer instinctதான். ஆனந்துக்கிட்ட அது குறைவாயிருக்கறனாலதான் இன்னும் அவரால கேஸ்பரோவை convincingகா தோக்கடிக்க முடியலன்னு சொல்ற ஒரு கும்பலும் இருக்கு (அதுல நானும் ஒருவன் என்பது வேறு விஷயம்!). இந்த Killer instinct எல்லார்கிட்டயும் ஏதாவது ஒரு அளவில் இருப்பதால்தான் இன்னும் நம்மால் சினிமா சண்டை காட்சிகள், WWF போன்ற விஷயங்களை இரசித்து பார்க்க முடிகிறது. சில பேருக்கு WWF, சில பேருக்கு செஸ்! எனக்கு செஸ் பிடித்துப் போனதற்கு இதுவும் ஒரு காரணமோ என்று இப்பொழுது யோசித்து பார்க்கையில் தோணுது. நம்ப "ஹாய் மதன்"கிட்ட கேட்டா "இதெல்லாம் ஒரு வகையில் நமக்குள் இருக்கும் மிருகத்துக்கு தீனி போடுவது"ன்னு சொல்லுவார்னு நினைக்கிறேன்! Don't get me wrong, WWF பார்க்கறவங்களும் செஸ் விளையாடறவங்களும் violentடானவங்கன்னு நான் சொல்ல வரலை. மக்களுக்கு violenceசுன்னு ஒண்ணு பிடிப்பதற்கு காரணமே they get a vicarious releaseன்றதுனாலதான்!

சரி, என்னோட புலம்பல்ஸை அப்புறம் வச்சிக்கிறேன்....

Tseshkovsky மட்டும் அந்த அட்டாக்கை ஒழுங்கா follow-up பண்ணியிருந்தாருன்னா கேஸ்பரோ நிச்சயம் தோத்திருப்பாரு. ஆனா, Tseshkovsky இரண்டு மூணு தப்பான ஐடியாக்களை விளையாடவும், கேஸ்பரோவ் அப்படியே ஆட்டத்தின் போக்கை மாத்திட்டார். கடைசியில் Tseshkovsky resign பண்ணுமாறு ஆயிற்று. உங்களுக்கு செஸ்ல interest இருந்தா நிச்சயம் இந்த ஆட்டத்தை ஒரு போர்ட்டில் விளையாடி பாருங்க, miss பண்ணிடாதீங்க....ஆட்டத்தை algebraic notationனில் மேலே கொடுத்திருக்கிறேன். Tseshkovsky 2 தடவை ரஷியன் சேம்பியன் பட்டம் பெற்றவர். இவரோட பழைய ஆட்டங்களை இந்த சனி/ஞாயிறு தேடி பிடிச்சு விளையாடி பார்க்கணும்னு இருக்கேன். அதே போல, Tseshkovskyக்கு ஒரு இரசிகர் மன்றமும் ஆரம்பிக்கலாமுன்னு ஐடியா. என்ன சொல்றீங்க? :)

Svidlerரும் நேத்து Korotylevவை தோக்கடிச்சு +1க்கு வந்துட்டார். இவர் பெரிய ஆளுங்க. So, இவர் ஒரு 2600 GMமை தோக்கடிக்கறது ஒண்ணும் பெரிய விஷயமே இல்லை. Timofeev - Bareev, Morozevich - Grischuk & Dreev - Motylev இவங்களோட ஆட்டங்கள் ட்ராவில் முடிஞ்சது. Dreev - Motylev மட்டும்தான் நிஜம்மாவே சண்டை போட்டு (போர்ட்டில்தான்!) சமாதானமானாங்க..மத்த இரண்டு ஆட்டங்களும் ஆரம்பிக்கறதுக்கு முன்னாடியே முடிஞ்சிருச்சு!

Standings after Rd 7

கேஸ்பரோதான் இப்போதைக்கு லீடிங், +3 வச்சிருக்கார் . Svidler +1 வந்துட்டார். நம்ப ஹீரோ Tseshkovsky கடைசில இருக்காரு. For playing brilliant, attacking chess, kudos to him!

இன்னிக்கு ரெஸ்ட் டே. நாளைக்கு Kasparov Svidlerரோட விளையாடணும். மத்த ஆட்டங்கள்: Epishin - Dreev, Korotylev - Timofeev, Bareev - Morozevich & Motylev - Tseshkovsky.

கேஸ்பரோவுக்கு தமிழ் தெரியுமா?!

2004-11-22T00:05:00.000-08:00

முந்தின பதிவுல "கேஸ்பரோவ் ஜெயிச்சா நல்லா இருக்கும்"னு நான சொன்னதை கேஸ்பரோவ் படிச்சிட்டார்னுதான் நினைக்கிறேன். ஏன்னா, நேத்து ட்ரீவ்வோட விளையாண்ட ஆட்டத்துல கடைசில (end game) கலக்கலா விளையாடி ஒரு பாயிண்ட் எடுத்துட்டார். ட்ரீவ் நிறைய உதவி செஞ்சார்னாலும், கேஸ்பரோ ஒரு drawish-looking செட்டப்பில் இருந்து ஒரு முழு பாயிண்ட் எடுத்தது, ஒரு magician காலி தொப்பில இருந்து முயல் வரவைத்த மாதிரிதான் எனக்கு தோணியது. ட்ரீவ் Anti-Meran செட்டப்பில் பெரியாளு, அவர் 15தாவது மூவ்விலயே Nd7 விளையாடி material downனா ஆன போது, "சரி சரி, கேஸ்பரோவ் 25 மூவ்ல தோத்துருவாரு போல இருக்கு!"ன்னுதான் நினைச்சேன். அதுக்கேத்த மாதிரி கேஸ்பரோவ்கிட்ட ஒரு extra pieceசும், ட்ரீவ்கிட்ட extraவா மூணு சிப்பாய்களும் இருந்தது. ரொம்ப risky பொசிஷன் அது. கேஸ்பரோவ் ஒழுங்கா விளையாடலைன்னா தோத்து கூட போயிருக்கலாம்.

ட்ரீவ்னால அந்த பொசிஷன்ல நிச்சயம் ஒரு ட்ராவாவது வாங்க முடியும்னுதான் எல்லாரும் நினைச்சாங்க, ஆனா, ட்ரீவ்க்கு எதுவுமே chances கொடுத்திடாம விளையாடி கேஸ்பரோ கடைசில முழு பாயிண்ட்டையும் தட்டிண்டு போயிட்டார். I think, நேரமின்மையால் ட்ரீவ்னால strong continuationsசை கண்டுப் பிடிக்கமுடியாமல் போயிருக்கவேண்டும். இல்லைன்னா அவரு நிச்சயம் அந்த 15)...Nd7!? விளையாடியே இருக்க மாட்டார். எது எப்படியோ, கேஸ்பரோவும் இப்போ +2. Grischuk, Dreev & Kasparov மூணு பேரும்தான் இப்போதைக்கு டோர்னமெண்ட் லீடர்ஸ்.

கேஸ்பரோவ்னால பண்ண முடியாததை Motylev பண்ணினாரு நேத்து. இதுவரைக்கும் எல்லாரோடையும் ட்ரா பண்ணிண்டிருந்த Epishinனை தோக்கடிச்சு அவரோட ஸ்கோரை -2ல இருந்து -1க்கு update பண்ணியிருக்காரு. Timofeev Grischukக்கு எதிரா ரொம்ப நல்லாவே விளையாடினாரு. ஒப்பனிங்குக்கு அப்புறம் actualla Timofeevக்குதான் அட்வான்டேஜ் இருந்தது. ஒரு perpetual check ஒண்ணை பார்த்த Grischuk, உடனே அதை விளையாடி ஆட்டத்தை ட்ரா பண்ணிட்டார். தலைவர் Tseshkovskyயோட ஆட்டம் மறுபடியும் பயங்கர interesting. கறுப்பு காய்களை வைத்துக்கொண்டு Korotylevவை ஒரு கலக்கு கலக்கிவிட்டார். ஆனால், கடைசியில் ட்ராவுக்கு ஒத்துக் கொள்ள்வேண்டியதாயிற்று. Bareev - Svidler ட்ரா. இரண்டு பேரும் பயங்கர தோஸ்து. அதுனாலதான் பாசத்தோட ட்ரா பண்ணிண்டிருக்கணும். ஆனா அந்த ட்ரா பொசிஷன் சமமானது கிடையாது. பரீவ் இன்னும் கொஞ்சம் Svidlerஐ pressurize பண்ணியிருக்கலாம். BTW, பரீவ், ஸ்விட்லர் இரண்டு பேருமே சமீபத்தில் முடிந்த Kramnik - Leko மேட்ச்சில் க்ராம்னிக்குக்கு உதவியாளர்கள் (seconds).

Standings after Round 6

கேஸ்பரோவுக்கு இந்த வெற்றி நிச்சயம் ஒரு பெரிய boost, பார்ப்போம் இதுனால திரும்பி கேஸ்பரோவ் அவரோட பழைய formக்கு வராருன்னு. Hoping to see the lion roar again !!

கலக்கும் Tseshkovsky!

2004-11-21T03:36:00.000-08:00

நேத்து நடந்த 5th சுற்றிலும் கேஸ்பரோவினால் ஒரு முழு பாயிண்ட் எடுக்க முடியலை. இந்த டோர்னமெண்ட்டின் ட்ரா மாஸ்டரான Epishin கேஸ்பாரோவோடையும் ட்ரா பண்ணிண்டுட்டார். அவரு ஒரு ஆட்டம் கூட ஜெயிக்காம, +0 வைத்தே 2615 க்ராஸ் பண்ணிடுவார்னுதான் நினைக்கிறேன். ஆனா, ஒரு 2700+ GMகிட்ட ட்ரா பண்ணுறதே பெரிய விஷயம்தான். அதை அவை பயங்கர consistentடா பண்ணுவதை நிச்சயம் பாராட்டணும். கேஸ்பரோவ் இன்னும் +1லதான் இருக்காரு. மீதி இருக்கிற 6 ஆட்டங்கள்ல அவரு இன்னும் மூணு ஆட்டம் ஜெயித்து final score +4 கொண்டு வந்தே ஆகணும். இல்லைன்னா, அவரோட ரேட்டிங் 2793க்கும் கீழே போயிடும். ஆனந்த் ஏற்கனவே 2781ல இருக்காரு. ஜனவரி 2005ல நடக்கப் போற Wijk Aan Zeeல மட்டும் ஆனந்த் ஜெயிச்சாருன்னா நிச்சயம் கேஸ்பரோவை ELO listல ஓவர்டேக் பண்ணிடுவார்னுதான் நினைக்கிறேன். ஜனவரியில் Kasparov - Kasimdzhanov டோர்னமெண்ட் வேற இருக்கு. இதில Kasimdzhanovவோட பண்ணுற ஒவ்வொரு ட்ராவுக்கும் Kasparov அநியாயத்துக்கு பாயிண்ட்ஸ் விடுவாரு; அவங்க இரண்டு பேருக்கும் அவ்வளவு ELO difference ! ஆனந்த்தான் இப்போதைக்கு Chess World சூப்பர் ஸ்டார். கடந்த இரண்டு வருஷமா அவரு பயங்கரமா perform பண்ணிண்டு இருக்காரு. கேஸ்பரோவும் க்ராம்னிக்குமே இப்போதைக்கு பெஸ்ட் ப்ளேயர் ஆனந்த்துதான்னு பேட்டிகளில் சொல்ற அளவு நல்லா விளையாடறாருன்னா பார்த்துக்கங்க.

நேத்து Tseshkosky, Bareevவோட விளையாண்டாரு. பரீவ் அவரோட characteristic openingகான ப்ரெஞ்ச் ஒப்பனிங்கை விளையாண்டாரு. ஒரு இன்ட்ரெஸ்டிங் விஷயம் என்னன்னா, இந்த ஒப்பனிங்ல Bareev Expert. ஆனாலும் 15 மூவ்ல, 20 மூவ்ல எல்லாம் தோத்திருக்காரு! Tseshkovsky பயங்கரமான அட்டாக் ஒண்ணு ஆரம்பிச்சாரு. ஆரம்பத்துல Bareevக்கு defend பண்ணுவதை தவிர வேறு வழியில்லாமல் போனது. கொஞ்சம் மூவ் கழித்து Tseshkvosky ஒரு தப்பான plan விளையாட, Bareev முழுமூச்சாக திரும்பி அட்டாக் பண்ண ஆரம்பித்தார். ஒரு குதிரையை வெட்டுக்கொடுத்து விட்டு, இன்னுமொரு ரூக்கும் போக போகிறதுன்ற நிலைமையில் Tseshkovsky ரிசைன் பண்ணினார். தைரியமா, வெறுமனே ட்ராவுக்கு மட்டும் விளையாடாமல், பெரிய ஆட்களுக்கு நேரயே இந்த மாதிரி விளையாடறாருன்னா, அவருக்கு அவரோட Chess Knowledge மேலே எவ்வளவு நம்பிக்கை இருக்கணும்!!? Tseshkovsky மாதிரி ஒரு நல்ல Chess understanding இருக்கிறவரை நம்ப இந்தியன் செஸ் குழுவுக்கு பயிற்சியளிக்க வைத்தோமென்றால் ரொம்ப நல்லாயிருக்கும்.

Svidlerம், தற்போதைய டோர்னமெண்ட் லீடர் Grishchukகும் விளையாண்ட ஆட்டம் ட்ராவில் முடிந்தது. Dreev ஒருத்தர்தான் full formல இருக்காருன்னு நினைக்கிறேன். பயங்கர masterfulலா அவர் Korotylevவை தோற்கடித்து Grischukகுடன் முன்னணியில (+2) சேர்ந்துண்டார். இன்னிக்கு (21/11/04) கேஸ்பரோவும் ட்ரீவும் விளையாடணும். என்ன ஆகுதுன்னு பார்ப்போம் (என்னோட guess, ட்ரா! ஆனா, கேஸ்பரோவ் ஜெயிச்சா நல்லாதான் இருக்கும் :)). மொரோசெவிச் ஏனோ இந்த டோர்னமெண்ட்டில் இது வரை ஒழுங்காவே விளையாடலை. நேத்து Timofeevக்கு எதிரா ஒரு முழு பாயிண்ட் எடுத்துடறதுன்னு ரொம்ப முயற்சி பண்ணினார், ஆனா Timofeev நல்லா defend பண்ணி ட்ரா பண்ணிட்டாரு. ஒரு ஆட்டம் ட்ரா ஆச்சுன்னா, ஆளுக்கு அரை பாயிண்ட்டுன்னு பிரிச்சுக்கணும். So, இன்னும் மொரோசெவிச் -2லதான் இருக்காரு. ஒரு ஆட்டமும் ஜெயிக்கலை, ஆனா 2 ஆட்டம் தோத்திருக்கார்.

Standings after Round 5

இன்னிக்கு Grischuk - Timofeev, Kasparov - Dreev, Korotylev - Tseshkovsky, Bareev - Svidler & Motylev - Epishin விளையாட போறாங்க. யாராவது ICCல இதை நேரிடையா பார்க்க வந்தீங்கன்னா எனக்கு ஒரு சவுண்ட் விடுங்க. நான் ஒரு Guest loginல உள்ளதான் இருப்பேன். ஆமாம், ICC client BlitzIn Unicode சப்போர்ட் பண்ணுமா? பண்ணினா, தமிழ்லயே பேசலாம் :)

Chessmasterகிட்ட வாங்கின உதை!

2004-11-20T11:36:00.000-08:00

நான் Chessmaster 10th edition software வாங்கின கதையை ஒரு சில வாரங்களுக்கு முன்னால் என்னோட ஆங்கில வலைப்பதிவுல சொல்லிருந்தேன் (actualla, புலம்பிருந்தேன்!). அதை வாங்கின புதுசுல ஒரு இரண்டு மூணு நாளைக்கு போட்டு தாக்கு தாக்குன்னு தாக்கிண்டு இருந்தேன் (office timeலதான் :)), ஆனா கொஞ்ச நாளிலேயே வழக்கம் போல போரடிச்சு போய் அதை தூக்கி மூலையில போட்டுட்டேன் (குப்பை தொட்டில போட மன்சு வரலை! என்னதான் இருந்தாலும் நான் காசு கொடுத்து வாங்கினதாக்கும்!).

இன்னிக்கு என்னோட ப்ரெண்ட்ஸ் இரண்டு பேர் என்னோட officeக்கு வந்திருந்தாங்க. சரி, அவங்க ஒரு ஆட்டம் ஆடிப் பார்க்கட்டுமேன்னு Chessmasterல fun mode செலக்ட் பண்ணி கொடுத்தேன். Fun modeன்றது குழந்தைகளுக்கானது (இன்னும் மனசளவுல குழந்தையா இருக்கிறவங்களுக்கும்!). இந்த modeல க்ராபிக்ஸும், சவுண்ட்ஸும் ரொம்ப நல்லா இருக்கும். ஆனா, அதே சமயம் Chessmaster பயங்கர வீக்கா விளையாடும். அதோட playing strength மிஞ்சி மிஞ்சி போனா 1300 - 1400 ELOக்குள்ள இருக்கும். போர்ட் 3Dல இருந்தனாலயோ என்னமோ, என்னோட ப்ரெண்ட் கொஞ்சம் confuse ஆகி ஒரு ரூக்கையும், இரண்டு சிப்பாயையும் தாரை வார்த்துட்டான். எனக்கு அந்த 3D போர்ட் கொஞ்சம் போல பழகியிருந்ததால் (கொஞ்ச நஞ்ச ஆட்டமா தோத்திருக்கேன் Chessmasterகிட்ட!?) நானும் அவனோட சேர்ந்துண்டேன். அதை நல்லா outplay பண்ணி ஒரு ஜெயிக்கிற பொசிஷனுக்கு வந்தோம். எங்ககிட்ட ஒரு queen + rookகும், அதுகிட்ட ஒரு rookகும் இருந்தது. ஒரு mate-in-2 பார்த்த சந்தோஷத்தில வேகமா எங்க இராணியை கொண்டு போய் ரூக்கோட connect பண்ணி இராஜாவோட escape squaresசை block பண்ணினோம். mateல இருந்து தப்பிக்கறதுக்கு வழியே இல்லைன்னு ஒரு நிலைமை வந்ததுன்னா, கம்ப்யூட்டர் செஸ் engine எல்லாமே, generally, டமால் டுமீல்னு piecesசை sacrifice பண்ண ஆரம்பிச்சுடும். அது மாதிரி Chessmaster வேகமா அதுகிட்ட இருந்த ஒரே ரூக்கையும் எங்களோட இராஜா பக்கத்துல, supportடே இல்லாம, வச்சு செக் சொன்னபோது, "அவ்வளவுதான்! engine சுருண்டுருச்சு. நம்ப திறமையை பார்த்து பயந்துருச்சு"ன்னு சந்தோஷத்தோட அந்த ரூக்கை cut பண்ணினோம். பார்த்தா, உடனே "Stalemate, Game drawn"னு ஒரு மெசேஜ் பாக்ஸ் காண்பிச்சு Chessmaster எங்களுக்கு ஒரு பெரிய nosecut (என் மூக்கு இல்லை, இது எங்க மூக்கு ;) )கொடுத்திருச்சு :( அப்போதான் அதோட Kingக்கு breathing spaceஏ தராம எங்களோட queen நின்னுண்டு இருக்கிறதை கவனிச்சோம். தலையில அடிச்சிக்கறதை தவிர எங்களுக்கு வேற வழி தெரியலை (என் ப்ரெண்ட் என்னோட தலையில இரண்டு extraவா போட்டான்றது வேற விஷயம்!).

இதுல இருந்து ஒரு விஷயம் எனக்கு படு clearஆ தெரிந்தது. I have lost my touch. இதுவாவது பரவாயில்லை, ஆனா சுத்தமா concentrationனு ஒண்ணே இல்லாம போயிடுச்சு. Daily செஸ் விளையாடியோ, இல்லை, பெரியாட்களின் ஆட்டங்களை analyse பண்ணியோ அந்த touchஐ maintain பண்ணிண்டே இருக்கணும்னு நினைக்கிறேன்.

ஆச்சரியமான விஷயம் என்னன்னா, GMsலாம் 7 மணி நேரமா ஒரே ஆட்டத்தில concentrate பண்ணி விளையாடுவாங்க... எப்படிதான் பண்றாங்களோ தெரியலை!

கேஸ்பரோவுக்கு வயசாயிடுச்சு!!

2004-11-19T03:09:00.000-08:00

நேத்து (18/11) நடந்த நாலாவது சுற்றில் நடந்த 5 ஆட்டங்களில் 4 ஆட்டம் ட்ரா. Grishcukனால மட்டும்தான் ஒரு முழு பாயிண்ட் எடுக்க முடிந்தது. என்னோட latest favorite Tsheshkosky தோத்து போனது கொஞ்சம் வருத்தம்தான், ஆனா 55 மூவ் வரைக்கும் நல்ல tough fight கொடுத்ததுக்கே அவரை பாராட்டணும். கடைசியிலே அவர் பண்ணின ஒரு சின்ன தப்பினால Grischukகுக்கு 1 பாயிண்ட். கேஸ்பரோவ் வழக்கம் போல (!?) ஒரு advantageல இருக்கிற பொசிஷனை, Motylevக்கு எதிரா, win பண்ணாம ட்ரா பண்ணினார். "Winning a won position is the most difficult thing"னு சொல்லுவது என்னை மாதிரி Patzerக்குதான்னு நினைச்சேன், பார்த்தா கேஸ்பரோவுக்கும் ஒத்து வரும் போல இருக்கு! :) (Patzerனா "செஸ் கத்துக்குட்டி"ன்னு அர்த்தம்). அவரு கடைசில ஒரு easy மூவ்வை மிஸ் பண்ணினது, அவரோட ரேஞ்சுக்கு கொஞ்சம் கேவலம்தான். இதே ஒரு பத்து வருஷத்துக்கு முந்தின கேஸ்பரோவ்வா இருந்திருந்தா Motylevவை தூக்கி போட்டு மிதிச்சிருப்பாரு (உண்மையில இல்லைங்க, Chess gameலதான்!). இப்போ இருக்கிற கேஸ்பரோவினால், வயது காரணமாகவோ இல்லை அவரோட மத்த commitmentsனாலயோ, முன்ன மாதிரி விளையாட முடியலைன்றதுதான் உண்மை! ஆனா ஒண்ணுங்க, அவரு நாளைக்கு என்கிட்டயே தோத்து போற அளவு மோசமானாலும் அவர் ஒரு living legendதாங்க. செஸ் சரித்திரத்தில் கேஸ்பரோவ் மாதிரி ஒரு ஆள் கிடையவே கிடையாது! Capablanca, Alekhineலாம் இருக்காங்க, ஆனாலும் கேஸ்பரோ கேஸ்பரோதான்!

கேஸ்பரோ ஏதோ ELO ரேட்டிங் லிஸ்ட்டில் முதலில் இருக்காரே தவிர, இப்போதைக்கு #1 ப்ளேயர் ஆனந்துதான். இந்த தடவை ரேட்டிங் லிஸ்ட்டில், பல வருஷங்களுக்கு பிறகு முதல் முறையாக க்ராம்னிக் 3ஆவது இடத்தில் இருந்து கீழிறங்க போறாரு. முக்காவாசி Topalovதான் மூணாவதா இருப்பாரு. Morozevich இந்த டோர்னமெண்ட்டில் மீதி இருக்கிற ஆட்டங்கள்ல எவ்வளவு win பண்றாருன்றதை பொறுத்துதான் அவரோட place முடிவாகும். அவரோட இப்பொழுதைய formமை பார்க்கும்போது அவரு ELO listல நாலாவதுதான் வருவாருன்னு நினைக்க தோணுது. நேத்து Svidlerரோட ட்ரா பண்ணிண்டுட்டார். ரெண்டு பேருமே முந்தின ரவுண்ட்டில் தோற்றுப் போனதால், இது எதிர்பார்த்ததுதான். Bareev - Dreev ட்ரா, அதே மாதிரி Korotylev - Epishin ட்ரா. எனக்கென்னமோ Epishin எல்லாரோடையும் ட்ரா பண்ணியே அவரோட ரேட்டிங்கை 2600க்கு மேலே கொண்டு வந்திடுவார்னு தோணுது. அவர் பயங்கர strong & solid ப்ளேயர்ன்றது வேற விஷயம்.

Standings after round 4

இன்னிக்கு (19/11) ரெஸ்ட் டே.

நாளைக்கு Motylev bye. Svidler - Grischuk, Dreev - Korotylev, Timofeev - Morozevich, Epishin - Kasparov, Tsheshkovsky - Bareev ஆட்டங்கள் இருக்கு. Grishcukதான் இப்போதைய leader. +2 வச்சிருக்காரு. கேஸ்பரோ +1லயும், Svidler +0விலும், Morozevich -2லயும் இருக்காங்க. கேஸ்பரோ +4 எடுத்தே ஆகணும், இல்லைன்னா அவரோட ரேட்டிங் நிச்சயமா அடி வாங்கும்!

(மேலே இருக்கிற டேபிளில் ஒவ்வொருவருக்கும் எவ்வளவு wins (1 point) இருக்கோ அவ்வளவு +1ம், தோல்வி ஒவ்வொண்ணுக்கும் -1ம் போட்டு மொத்தமா கூட்டுங்க. அதுதான் இந்த final + அல்லது - ஸ்கோர்).

Moro/Svidler தோல்வி!!

2004-11-17T23:39:00.000-08:00

மூன்று சுற்றுக்கள் முடிஞ்சிருக்கு. இரண்டாம் ரவுண்டில் வாங்கின உதைல இருந்து இன்னும் Morozevich மீண்டு வரலைன்னு நினைக்கிறேன். நேத்து மூணாவது ரவுண்டில் Tsheshkovskyகிட்ட திருப்பி தோத்து போயிட்டாரு. (இரண்டாம் சுற்றை பார்த்துக்கொண்டிருந்த Kasparov, Morozevichசோட ஆட்டத்தை பார்த்துட்டு "இவன் என்ன Pelletierரோட விளையாடறோமுன்னு நினைச்சிண்டு இருக்கானா?!"ன்னு சொன்னாராம். Source: MiG)

Tsheshkovskyயோட rating 2577, Morozevichசோ 2758! இன்னொரு முக்கியமான விஷயம் Tsheshkovskyக்கு 60 வயசு!! ரஷியாவில வெளியே தெரியாம பல செஸ் திறமைகள் இருக்குதுன்றது எவ்வளவு உண்மை பாருங்க. அதே நேரம், ஒரு இந்தியன் GMனால இந்த மாதிரி ஏன் பண்ண முடியலைன்னும் கொஞசம் வருத்தமாதான் இருக்கு. I think, நம்ப GMs opponentடோட ரேட்டிங்கை பார்த்து மலைச்சு போயிடறாங்க. அவங்க Anand மாதிரி Board positionனை மட்டும் பார்த்து விளையாண்டா நிச்சயம் பெரியாட்களை நம்பளாலயும் தோக்கடிக்க முடியணும். இன்னொரு ஆட்டத்துல Svidler ஒரு 19 வயசு GMகிட்ட தோத்து போனாரு. Svidler இத்தனைக்கும் பல முறை ரஷியன் நேஷனல் சேம்ப்பியன்ஷிப் ஜெயிச்சவரு. Timofeev (அதாங்க அந்த 19 வயசு GMமோட பேரு!) Svidlerரை படு சுலபமா outplay பண்ணினதை பார்க்கும் போது, நிஜம்மாவே உடம்பெல்லாம் புல்லரிச்சிருச்சு. Grishchuk Dreevவோட விளையாண்டாரு. இரண்டு பேரும் 10 மூவ்வுக்கு அப்புறம் கை குலுக்கிண்டு எழுந்து போனது கொஞ்சம் எரிச்சல்தான். ICCல எல்லா ஆட்டங்களையும் நேரிடையா பார்த்துண்டு இருந்தேன், ரொம்ப நேரமா இவங்க boardல மட்டும் எதுவுமே மூவ் ஆகலை. என்னடா இதுன்னு பார்த்தா ட்ரா. நாலாவ்து ஆட்டமான Motylev - Korotoylevல Korotylev ஜெயிச்சாரு. இவர் 2ஆம் சுற்றில் கேஸ்பரோவை ட்ரா பண்ணினவரு.

ஆக, இப்போதைக்கு நிலவரம் படி எல்லாரும் அரை பாயிண்டாவது எடுத்துருக்காங்க. கார்ப்போவ் விளையாடி இருந்தா அவரு நிச்சயம் கடைசியாதான் இருந்திருப்பாரு. "நான் விளையாடாததுக்கு என்னோட மோசமான formமும் ஒரு காரணம். Sorry!" அப்படின்னு ஒரு பேட்டி கொடுத்திருக்காரு.

இன்னிக்கு (Nov 18th) Svidler bye. Kasparov விளையாடறாரு. பார்ப்போம் என்ன நடக்குதுன்னு.

பெருந்தலைகள் பங்கேற்கும் ரஷியன் சூப்பர் சேம்பியன்ஷிப்

2004-11-16T09:12:00.000-08:00

ரஷியன் சூப்பர் சேம்பியன்ஷிப் மாஸ்கோவில் நேற்று ஆரம்பித்து நடந்து கொண்டிருக்கிறது. கேஸ்பரோவ் (Kasparov), க்ராம்னிக் (Kramnik), கார்போவ் (Karpov), ஸ்விட்லர் (Svidler), பரீவ் (Bareev), மொரோசெவிச் (Morozevich) மற்றும் க்ரிஸ்சக் (Grischuk), ஆக ஏழு முன்னணி ரஷியன் பெருந்தலைகள் விளையாடுகின்றனர். இவங்களோட விளையாட இன்னும் ஒரு ஆறு க்ராண்ட் மாஸ்டர்ஸ் தேர்வாயிருக்காங்க. இதுல Dreev, Epishin & Tsheshkovsky செயின்ட் பீட்டர்ஸ்பர்க் டோர்னமெண்ட்டிலும், Motylev, Timofeev & Korotylev டோம்ஸ்க் டோர்னமெண்ட்டிலும் முதல் மூன்று இடங்களை பிடித்தவர்கள்.

இந்த டோர்னமெண்ட் ஆரம்பிப்பதற்கு ஒரு வாரம் முன்பாக க்ராம்னிக் "எனக்கு உடம்பு சரியில்லை, அதனால நான் விளையாட மாட்டேன்"னு ஒரு அறிக்கை விட்டாரு. அவரு "கேஸ்பரோவை கண்டு பயந்துதான் ஒதுங்கிட்டாரு", "இல்லை, இல்லை, அவருக்கு நிஜம்மாவே லீகோவோட விளையாண்டதுக்கு அப்புறம் ரொம்ப சோர்வா இருக்கும்"னும் இரசிகர்கள் சண்டை போட்டுண்டு இருக்கும்போதே கார்போவும் "நானும் வரலை"ன்னு ஜகா வாங்கிட்டாரு! ஆக, 13 ஆட்டக்காரங்களோட ஆரம்பிச்சது 11ஆ வந்து நின்னது.

முதல் ரவுண்ட் நேத்து முடிஞ்சது.

Garry Kasparov (2813) - Evgeny Bareev (2715)
Alexander Motylev (2596) - Alexander Grischuk (2704)
Vladimir Epishin (2599) - Alexander Morozevich (2758)
Alexey Dreev(2698) - Artyom Timofeev (2611)
Vitaly Tseshkovsky (2577) - Peter Svidler (2735)

Korotylev விளையாடவில்லை.

"விளையாடவில்லை"ன்னா அவரும் விளையாடாம ஜகா வாங்கிட்டாருன்னு அர்த்தம் கிடையாது. மொத்தம் பதினொன்னுன்னு odd நம்பர் இருப்பதால் ஒவ்வொரு சுற்றிலும் ஒருத்தர் விளையாடாம இருக்கற மாதிரிதான் ஆகும். (called "bye" in English).

கேஸ்பரோவுக்கு நல்ல ஸ்டார்ட்டுன்னுதான் சொல்லணும். பரீவ்வை தோக்கடிச்சு ஒரு பாயிண்ட்டில் இருக்காரு. Grischuk கறுப்பு காய்களை வைத்து விளையாடி Motylevவை தோக்கடிச்சார். Morozevich ஆரம்பத்துல Epishinனை பயங்கரமா போட்டு வாட்டு வாட்டுன்னு வாட்டிண்டு இருந்தாரு, ஆனா Epishin கலக்கலா எல்லா பிரச்சினையையும் சால்வ் பண்ணி ஆட்டத்தை ட்ரா பண்ணிட்டாரு. GM ஆட்டத்தை கமெண்ட் பண்ணுற அளவு எனக்கு ஒண்ணும் செஸ் தெரியாது, ஆனா Epishinனோட ஆட்டத்துல இருந்து நிச்சயம் நம்ப நிறைய கத்துக்கலாம்னுதான் தோணுது. (உம்மாச்சி கருணையினாலதான் Epishin தப்பிச்சாருன்னு எல்லாரும் சொல்றது வேற விஷயம்.) Dreev & Timofeev ஆட்டம் ட்ரா. Svidlerக்கு எதிரான ஆட்டத்துல 29ஆம் மூவில் Tsheshkovsky ஒரு தப்பு பண்ணினாரு. அவ்வளவுதான்! Svidler அதுக்கு அப்புறம் Tsheshkovskyக்கு கொஞ்சம் கூட வாய்ப்பே குடுக்காம முழு பாயிண்ட்டையும் எடுத்துண்டுட்டார்.

முதல் சுற்றுக்கு அப்புறம் பாயிண்ட்ஸ் டேபிள் :

இன்னிக்கு (Nov 16,04) இரண்டாவது சுற்று விளையாட போறாங்க.

Artyom Timofeev (2611) - Vitaly Tseshkovsky (2577)
Alexander Morozevich (2758) - Alexey Dreev (2698)
Alexander Grischuk (2704) - Vladimir Epishin(2599)
Evgeny Bareev (2715) - Alexander Motylev (2596)
Alexey Korotylev (2596) - Garry Kasparov (2813)

Svidler விளையாடவில்லை.

இன்னிக்கு கேஸ்பரோவ் எப்படி விளையாட போறார்ன்னு பார்ப்போம்.

[Update:
Korotylev - Kasparov 1/2 - 1/2.
Moro - Dreev 0-1]

தினம் ஒரு Puzzle 3

2004-11-10T00:14:00.000-08:00

Puzzle for 2004/11/10

ஒரு நீண்ட விடுமுறையில் ஊர் சுற்றிக்கொண்டிருப்பதால் சில (பல ?!)நாட்களுக்குப் பின் மீண்டும் ஒரு Puzzle.

D.O.P 2 வின் விடை: 1) Qxf7+ Rxf7 2) Re8+ Rf8 3) Rxf8+ Kxf8 4) Re8#

ஆனந்த் பேட்டி

2004-11-09T23:34:00.000-08:00

இந்து பேப்பரில் மட்டும்தான் செஸ் பற்றின அதிக கட்டுரைகளை காண முடிகிறது. மேனுவல் ஆரோன் (இந்தியாவின் முதல் International Master), அரவிந்த் ஆரோன் என்று பலரின் கட்டுரைகள் வெளியாகும். எல்லாமே அப்படியே "Best கண்ணா Best"ன்னு சொல்ல மாட்டேன், ஆனா செஸ் பற்றின ஆர்டிகிள்களை, அது எப்படி இருந்தாலும், படிக்கிறதே சுகம்தான்.

இன்னிக்கு (10/11/2004) இந்துவில் ஆனந்தை பேட்டி கண்டு போட்டிருக்கிறார்கள். ஆனந்த் அவரோட கோர்சிகா மாஸ்டர்ஸ் வெற்றி, இந்த வருஷமும் எப்படி அவருக்கு நல்ல வருஷமா இருக்கு ம்ற்றும் ரூப்லெவ்ஸ்கி/மோட்லீவ் பற்றியெல்லாம் சொல்லிருக்காரு.

தினம் ஒரு Puzzle [2]

2004-11-04T06:39:00.000-08:00

Puzzle for 2004/11/04

White to play and mate.

கோர்சிகா மாஸ்டர்ஸ்

2004-11-04T03:28:00.000-08:00

கோர்சிகாவில் மாஸ்டர்ஸ் டோர்னமெண்ட் ஒன்று நடந்து கொண்டிருக்கிறது. ஆனந்த், டோப்பலோவ், ஷிரோவ், பக்ராட் போன்ற பெரிய தலைங்க விளையாடறாங்க. இவங்க எல்லாரும் 2700க்கு மேல ரேட்டிங் வச்சிருக்கிறவங்க. 2650 ரேட்டிங் இருந்ததுன்னா அவங்க Super-GM, 2700க்கு மேலே இருந்தா Elite-GM. பக்ராட் 2700க்கு மேலே போனதை சிலரால இன்னும் நம்ப முடியலை, ஏன்னா அவரை விட திறமைசாலிங்க பலர் இன்னும் இந்த 2650 - 2700 கட்டத்தை தாண்டி போக முடியாம தவிச்சுண்டு இருக்காங்க.

இந்த கோர்சிகன் டோர்னமெண்டை ஆனந்த்தான் பல வருஷங்களா ஜெயிச்சுண்டு இருக்காரு. இந்த தடவையும் அவர்தான் கப் வாங்குவார்னு நினைக்கிறேன். ஷிரோவ் & டோப்பலோவ் அரை இறுதி ஆட்டத்துக்கு முன்னாடியே காலி. பக்ராட்டையும் ஆனந்த் அரை இறுதில ஒரு குத்து குத்தி வீட்டுக்கு அனுப்பிச்சுட்டார். ஆக, இப்போ இறுதி ஆட்டம் ஆனந்துக்கும் ரூப்லெவ்ஸ்கின்ற ரஷிய நாட்டை சேர்ந்தவருக்கும்தான். இவங்க இரண்டு ஆட்டம் விளையாடணும். முதல் ஆட்டம் இப்போதான் முடிஞ்சது. ஆனந்துக்கு ஒரு பாயிண்ட். :)

என்னோட ஆங்கில வலைப்பதிவுல இப்போ சமீபத்தில் முடிஞ்ச ஒலிம்பியாட் பற்றி ஒரு பதிவு போட்டிருக்கேன். ஒலிம்பியாட் பற்றி இங்க இன்னொரு பதிவுல பார்ப்போம்.

[Update:
இரண்டாவது ஆட்டத்தை ஆனந்த் ஜெயிச்சு இந்த வருஷ
கோர்சிகன் மாஸ்டர்ஸ் கப்பையும் வாங்கிட்டார். ஆனந்த் - ரூப்லெவ்ஸ்கி 2 - 0 :)
]

தினம் ஒரு Puzzle

2004-11-03T01:13:00.000-08:00

Puzzle for 2004/11/03.

இந்த பொசிஷனில் கறுப்பு விளையாட வேண்டும். Mate in 3 ஒண்ணு இருக்கு. என்ன மூவ் சரின்னு நினைக்கறீங்க?

செஸ் அல்ஜீப்ரைக் குறியீடு - பாகம் 2

2004-11-01T11:30:00.000-08:00

அல்ஜீப்ரைக் குறியீட்டை விளக்கும் டாக்குமெண்ட்டின் இரண்டாம் பாகத்தை படிக்க இங்கு க்ளிக்குங்கள். இதுதான் கடைசி பாகம். படிச்சு பார்த்துட்டு ஒரு பின்னுட்டம் போட மறந்துடாதிங்க.

செஸ் அல்ஜீப்ரைக் குறியீடு - ஒரு அறிமுகம்

2004-10-24T11:29:00.000-07:00

செஸ் குறியீட்டை விளக்கும் டாக்குமெண்ட் ஒன்றினை அப்லோட் செய்துள்ளேன். டாக்குமெண்ட்டினை உங்கள் டிஸ்க்குக்கு டவுன்லோட் செய்ய இங்கு கிளிக்குங்கள் ( Right கிளிக் மெனுவில் "Save Target As" உபயோகிப்பது உத்தமம்.). PDF வடிவத்தில் இருக்கும் இதனை படிக்க உங்களுக்கு அக்ரோபாட் ரீடர் (Acrobat Reader) செயலி தேவை. இந்த வலைத் தளத்திலிருந்து அதனை டவுன்லோட் செய்துக்கொள்ளலாம்.

இந்த PDF கோப்பில் அல்ஜீப்ரைக் நொட்டேஷன் (Algebraic Notation) எனப்படும் செஸ் குறியீடு ஒன்றினை விளக்கியுள்ளேன் ("விளக்க முயற்சித்துள்ளேன்" என்பதே சரின்னு படுது!). அதை படித்து பார்த்து நல்லா இருக்கு இல்லைன்னு ஒரு மறுமொழி போட்டீங்கன்னா உபயோகமா இருக்கும். ஏதாவது தப்பிருந்தாலும் சொல்லுங்க, திருத்திக்கிறேன்.

[UPDATE: PDF டவுன்லோட் ஆக மாட்டேன்னு
அடம் பிடிச்சதுன்னா, இங்கு PDFஐ HTMLஆக மாற்றி போட்டு வைத்துள்ளேன். க்ளிக் பண்ணி படிக்கலாம்.]

உலக செஸ் சேம்ப்பியன்ஷிப் - கடைசி சுற்று

2004-10-18T22:03:00.000-07:00

சேம்ப்பியன்ஷிப் நேத்து முடிஞ்சது. க்ராம்னிக் தன்னோட உலக சேம்ப்பியன் பட்டத்தை தக்க வச்சிண்டுட்டார். க்ராம்னிக் 7, லீகோ 7. இந்த சேம்ப்பியன்ஷிப் விதிகளின் படி க்ராம்னிக் லீகொவை மேட்ச்சில் ட்ரா பண்ணினாலே போதும். நேத்து லீகோ ரொம்ப நெர்வஸ் ஆயிட்டாருன்னு நினைக்கிறேன். ஆரம்பத்துல நல்லா விளையாடிண்டு இருந்தவரு திடீர்னு ஒரு மோசமான பொசிஷனுக்கு போயிட்டாரு. அந்த மாதிரி பொசிஷன்ல க்ராம்னிக், நான் ஏற்கனவே சொன்ன மாதிரி, ஒரு மெஷின் கணக்கா ஆடுவாரு! கடைசில க்ராம்னிக் லீகோவை இன்னும் இரண்டு மூவில் ஆட்டம் காலியாயிடும்ன்ற நிலைமைக்கு கொண்டுவந்துட்டார்.

ஆனா, ஒரு விஷயத்துக்காக லீகோவை பாராட்டியே ஆகணும். 2000ல கேஸ்பரோவ்னால பண்ண முடியாதத லீகோ பண்ணிருக்காரு. கேஸ்பரோவ்னால க்ராம்னிக்கோட டிஃபன்ஸை உடைக்க முடியலை. ஒரு ஆட்டம் கூட கேஸ்பரோவ் ஜெயிக்கலைன்னா பாருங்க. ஆனா, லீகொ சுலபமாக க்ராம்னிக்கோட ஸ்கோரை சமன் செஞ்சுட்டார். அதுவே அவருக்கு பெரிய வெற்றிதான். 25 வயசுத்தான் ஆகுது லீகோவுக்கு (இப்போதான் அவரோட பிறந்த தேதி பார்த்தேன், என்னைய விட 4 மாசம் சின்ன பையன்.). இன்னும் குறைஞ்சது 20 வருஷமாவது விளையாடுவாரு. So, அடுத்த சேம்ப்பியன்ஷிப்ல அவரு ஜெயிக்க வாழ்த்துவோம்.

இன்னொரு விஷயம் என்னன்னா, இந்த மாதிரி கடைசி ஆட்டத்துல ஜெயிச்சே ஆகணும்ன்ற ஒரு கட்டாயம் வந்தபோது இதுக்கு முன்னாடி மூணு பேருதான் அதை பண்ணிருக்காங்க - லாஸ்கர், பாட்வினிக் & கேஸ்பரோவ். கடைசி ஆட்டத்துல ஜெயிச்சு க்ராம்னிக்கும் இவங்க வரிசைல சேர்ந்துட்டார்.

உலக செஸ் சேம்ப்பியன்ஷிப் - 13ஆம் சுற்று

2004-10-16T12:47:00.000-07:00

ஆட்டம் ரொம்ப விறுவிறுப்பா போயிண்டிருக்கு. இந்த ஆட்டத்தில் க்ராம்னிக் ஜெயிச்சே ஆகணும். அதனால க்ராம்னிக் ஒரு பயங்கர ஷார்ப் ஓப்பனிங் பண்ணினாரு. லீகோவும் "வாப்பா, நீயா நானான்னு பார்த்துடலாம்"னு சொல்லி நல்லா விளையாடிண்டு இருக்காரு. ஆரம்பத்துல லீகோ ஒரு நல்ல பொசிஷன்ல இருந்த மாதிரி இருந்தது. திடீர்னு ஒரு ட்ரா வேரியேஷன்ல எங்கயோ பண்ணின தப்பான ஒரு கணக்குனால க்ராம்னிக்குக்கு அட்வான்டேஜை குடுத்துட்டாரு. லீக்கோவுக்கு இப்பொ வயித்த கலக்கிண்டு இருக்கும்னு நினைக்கிறேன் (அதுக்காக க்ராம்னிக் சிரிச்சிண்டு இருக்காருன்னு இல்லை!). 52 மூவ்கள் முடிஞ்சிருக்கு...இந்த மாதிரி கடைசி நேரங்களில் க்ராம்னிக் கடவுள் மாதிரி. பார்ப்போம் லீகோனால இந்த ஆட்டத்தை ட்ரா பண்ண முடியுதான்னு...ஆண்டவா, லீகோவை காப்பாத்துப்பா...

சொல்ல மறந்துட்டேனே...http://www.chess.fm வலைத்தளத்தில் இந்த ஆட்டத்தின் நேரிடை வர்ணனை கேட்கலாம்.

[Update: ஆட்டம் ட்ரா...லீகோ கலக்கிட்டாரு!!]

உதவி please...

2004-10-13T05:25:00.000-07:00

அனைவருக்கும்,

பல இடங்களில் என்னால் ஆங்கில வார்த்தைகளை தவிர்க்க முடியவில்லை. சில வார்த்தைகளுக்கு சரியான தமிழ் வார்த்தை கிடைக்காமல் திணறியிருக்கேன், சில வார்த்தைகளை த்மிழாக்கம் பண்ணியவுடன் எனக்கே நான் என்ன சொல்ல வருகிறேன் என்று புரியாமல் போயிற்று.

ஏதாவதொரு வார்த்தையை நான் தமிழாக்கம் பண்ணியிருக்க வேண்டும் அல்லது இன்னும் சரியானதொரு தமிழ் சொல்லை உபயோகித்திருக்கலாம் என்றோ நீங்கள் நினைத்தால் தயவிட்டு எனக்கோர் மின் - அஞ்சல் அனுப்புங்கள். எனது மின் - அஞ்சல் முகவரி kannanmr AT yahoo DOT com. பின்னுட்டம் போட்டாலும் சரி.

மிக்க நன்றி.

உலக செஸ் சேம்ப்பியன்ஷிப் - 11ஆம் சுற்று

2004-10-13T00:31:00.000-07:00

நேற்று நடந்த ஆட்டமும் ட்ராவில் முடிஞ்சுருச்சு. 17 மூவ்களுக்கு பிறகு "சரி, இன்னிக்கு இது போதும்!"னு பேசிண்ட மாதிரி இரண்டு பேரும் எழுந்து போயிட்டாங்க.. இன்னும் 3 ஆட்டம்தான் இருக்கு. லீகோ இப்பொ 6 புள்ளிகள் (ரொம்ப யோசிக்க வேண்டியதா போச்சு "points"க்கு!!) எடுத்துருக்காரு. இன்னும் 1.5 பாயிண்ட்ஸ் எடுக்கணும். ஆனா, அவருக்கு பிரச்சினை என்னன்னா, க்ராம்னிக் மீதியிருக்கிற 3 ஆட்டத்துல 2 ஆட்டம் வெள்ளை காய்களை வச்சிருப்பாரு. இது வரைக்கும் லீகோ கறுப்பு காய்களை வச்சிண்டு நல்லாவே விளையாடிருக்காரு...க்ராம்னிக் என்ன பண்ண போறாருன்னு பார்ப்போம்..

கீழ நான் கொடுத்திருக்கிறது நேற்று நடந்த ஆட்டம்தான்...PGN என்ற குறியீட்டில் இருக்கு. இந்த PGN குறியீட்ட எப்படி படிக்கறதுன்னு நான் அடுத்த பதிவுல சொல்றேன். இந்த ஆட்ட குறியீட்டை நீஙக WinBoard செயலியை உபயோகிச்சு விளையாடி பார்க்கலாம்.

(Winboard என்பது விண்டோஸிலோ, லீனூக்ஸ் போன்ற மற்ற யூனிக்ஸ் வகையறாக்களிலோ இயங்க கூடிய ஒரு செயலி. இதை உபயோகித்து உஙகள் கம்ப்யூட்டருடன் நீங்கள் செஸ் விளையாடவோ, எற்கனவே விளையாடி PGNஆக சேமித்து வைத்திருக்கும் ஆட்டங்களை பார்க்கவோ முடியும்.)

கீழே "{இங்கு ஆரம்பித்து}" என்ற இடத்திலிருந்து "{இங்கு வரை}" இடம் வரை Winboardல் வெட்டி ஒட்டுக. இடது/வலது திசை சாவிகளை (Arrow Keys) உபயோகித்து முழு ஆட்டத்தையும் காணலாம்..

லீகோ - க்ராம்னிக்
(ஆட்டம் 11), 2004

{இங்கு ஆரம்பித்து}
1.d4 Nf6 2.c4 e6 3.Nf3 b6 4.g3 Ba6 5.Qa4 Bb7 6.Bg2 c5 7.dxc5 Bxc5 8.0-0 0-0 9.Nc3 Be7 10.Bf4 a6 11.Rfd1 d6 12.Qc2 Qc7 13.Rac1 Rd8 14.Qd2 Nh5 15.Bg5 Nf6 16.Bf4 Nh5 17.Bg5 Nf6 ½-½
{இங்கு வரை}

செஸ் கற்க உதவும் சில வலைத்தளங்கள்

2004-10-12T06:13:00.000-07:00

இணையம் வந்தாலும் வ்ந்தது, எல்லாத்தையும் தூக்கி "இந்தா வச்சிக்கோ"ன்னு ஆன்லைனில் போட்டுட்டாங்க... Information Overloadனு இதை சொல்வாங்க; எதை படிக்கிறது, எதை விடறதுன்னு குழம்பி எதையுமே படிக்காம போறதுதான் "Information Overload" :)

செஸ் பயில் குறிப்புகளும் அப்படியே. ஏகப்பட்டது இருக்கு. அதுல சில சுட்டிகளை இங்கே கொடுத்துருக்கேன்.

http://www.ex.ac.uk/~dregis/DR/coaching.html
இது எக்ஸீட்டர் செஸ் மன்றத்தினுடையது. நம்ப விச்சுவுக்கும் (அதாங்க, Vishwanathan Anand என்கிற Vishy!) ரொம்ப பிடித்த வலைத்தளம். என்னுடைய favoriteம் இதுதான்.

http://www.logicalchess.com/resources/lessons/
நிறைய நல்ல விசயங்கள் இருக்கு இங்க. ஆரம்ப நிலையிலிருந்து master வரைக்கும் அனைவருக்கும் பயனளிக்ககூடியதுன்னு இது சொல்லிண்டாலும், அந்த அள்வுக்கு இதில் விஷயமில்லை எனபதே உண்மை.

http://chess.about.com/
இந்த About.com வலைத்தளத்தில் ஏகப்பட்ட செஸ் சொல்லித்தரும் பக்கங்கள் இருக்கு. ஆனா எல்லாமே நல்லா இருக்கும்னு சொல்ல முடியாது...அதே மாதிரி ஏகத்துக்கு விளம்பரங்கள் போட்டு எரிச்சலை கிளப்பிடுவாங்க..

http://www.jaffnalibrary.de/tools/chess1.html
இது நம்ப சுரதாவினுடையது. மிக அழகாக Macromedia Flash உபயோகிச்சு பண்ணிருக்கார்.

http://www.chathurangam.com/learnchess/lesson01n.asp
இது நம்ப சதுரங்கம் வலைத்தளத்தோடது. நீங்க ஏற்கனவே செஸ் விளையாடிருந்தா, இதை வெறும் referenceகாக வச்சிக்கங்க. இந்த வலைப்பக்கத்திலே மற்ற lessonsகளுக்கு போவதற்கும் சுட்டிகள் உள்ளன.

உலக செஸ் சேம்ப்பியன்ஷிப்

2004-10-12T00:49:00.000-07:00

பீட்டர் லீகோவும் விலாடிமீர் க்ராம்னிக்கும் உலக செஸ் சேம்பியன்ஷிப் ஒன்றுக்காக விளையாடிண்டுருக்காஙக. இது வரை 10 ஆட்டங்கள் முடிஞ்சுருக்கு. லீகோ 5.5யும் க்ராம்னிக் 4.5யும் எடுத்துருக்காஙக. இன்னும் 4 ஆட்டம் இருக்கு. போற போக்கை பார்த்தா க்ராம்னிக் அண்ணன் மண்ணை கவ்விருவார்னு நினைக்கிறேன். க்ராம்னிக் 2000ல தலைவர் கேஸ்பரோவை தோற்கடிச்சு இந்த சேம்பியன் பட்டத்தை வாங்கினாரு...இவங்கள்ள (லீகோ - க்ராம்னிக்) யாரு ஜெயிக்கிறாங்களோ அவஙக கேஸ்பரோ - காசிம்ட்ஜனோவ் போட்டில ஜெயிக்கிறவங்களோட ஆடணும்.

ஒரு கூத்து என்னன்னா, இந்த காசிம்ட்ஜனோவ் உலக ஆட்டக்காரர்கள் வரிசையில் 47ஆம் இடத்தில இருக்காரு, கேஸ்ப்பரோவோ முதலாம் இடத்தில. "கேணத்தனமா இருக்கே"ன்னு நினைக்காதீஙக.. காசிம்ட்ஜனோவ் ஒரு நாக்-அவுட் ஆட்டத்தில் பல பெரிய தலைங்களையும் ஜெயிச்சுட்டுதான் இதுக்கு தேர்வு ஆயிருக்கிறாரு...

ஒரு சின்ன துணுக்கு - நம்ப ஊரு சசிகிரண் 35ஆம் இடத்துல இருக்காரு. அந்த நாக்-அவுட் (இதுக்கு என்ன தமிழ் வார்த்தை?) ஆட்டத்தில் முதலாம் சுற்றிலயே நாக்-அவுட் ஆயிட்டாரு :)

உலக செஸ் சேம்பியன்ஷிப் தொடக்கப் பக்கத்தின் இணைப்பு

சதுரங்கம் - The Royal Game

2004-10-11T09:18:00.000-07:00

செஸ் விளையாட்டு பற்றிய செய்திகளை இங்கு உடனுக்குடன் படிக்கலாம் மற்றும் விவாதிக்கலாம். செஸ்ஸின் பெரும் ரசிகன் நான். கிரிக்கெட் புகழ் பெற்ற அளவு செஸ்ஸிற்க்கு ரசிகர்கள் மத்தியில் வரவேற்பு இல்லாதது வருந்ததக்கது என்றாலும் இரண்டு விஷயங்கள் ஊக்கமளிப்பதாக உள்ளது.

1) விஸ்வநாதன் ஆனந்த் - இவர் விளையாட ஆரம்பித்த பொழுது இவருக்கு விளம்பரதாரர் உதவி இல்லை, ஒழுஙகான பயிற்சியளிப்பவர் இல்லை, ஆனாலும் இன்று உலக தலை சிறந்த ஆட்டகாரர்களில் இரண்டாம் இடத்தில் இருப்பவர்.

2) இணையம் - இது மட்டும் இல்லாமல் போயிருந்தால் நான் எங்கு செஸ் பற்றி பேசுவதாம்?

"ஆனந்த் இரண்டாம் இடம் என்றால் யார் முதல் இடம்?" -- அடுத்த போஸ்டில் பதில் சொல்கிறேன்.